Call Center : 011 69 69 27
/ 016 69 69 27 / Email: aktnews777@gmail.com
/ 016 69 69 27 / Email: aktnews777@gmail.com
ចាំមើលសមត្ថកិច្ច ចាប់ខ្លួន លោក គឹម សារិទ្ធ ទេ ក្រោយជនរងគ្រោះបានស្លាប់ បន្ទាប់ពីទទួលរងនូវអំពើហិង្សាយ៉ាងផ្សៃព្រៃ
Tue, 19 January 2021 10:02 AM ដោយ ៖ មេត្តាតាកែវ ៖ នៅពេលនេះ មជ្ឈដ្ឋានជាច្រើនកំពុងទន្ទឹងរង់ចាំមើល ថា តើសមត្ថកិច្ចខេត្តតាកែវ នឹងចាប់ខ្លួនលោក គឹម សារិទ្ធ នាយរងអធិការកិច្ចចតុមុខ និង បក្ខពួកជាច្រើននាក់ ដែរឬទេ ក្រោយជនរងគ្រោះបានស្លាប់ បន្ទាប់ពីទទួលរងនូវអំពើហិង្សាយ៉ាងផ្សៃព្រៃពីសំណាក់លោក គឹម សារិទ្ធ ។
តាមប្រភពព័ត៌មានច្បាស់ការណ៍ពីសាច់ញាតិជនរងគ្រោះ បានអោយដឹងថា ជនរងគ្រោះឈ្មោះ ភឹម វី ភេទប្រុស អាយុ៤០ឆ្នាំ រស់នៅភូមិព្រៃផ្គាំ ( គ ) ស្រុកអង្គរបុរី ខេត្តតាកែវ ដែលរងនូវអំពើហិង្សាពីលោក គឹម សារិទ្ធ និង បក្ខពួក បានស្លាប់បាត់ហើយ នៅឡើយក្រុមជនបង្កកំពុងបន្តរស់នៅក្រៅសំណាញ់ច្បាប់ ។
ក្រុមគ្រួសារនៃសព សំណូមពរយ៉ាងទទូចអោយសមត្ថកិច្ចពាក់ព័ន្ធ ជាពិសេសលោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ មេត្តាចាត់វិធានការឃាត់ខ្លួនលោក គឹម សារិទ្ធ និង បក្ខពួក យកមកផ្តន្ទាទោសតាមផ្លូវច្បាប់ ផង ។
គួររំលឹកថា លោក គឹម សារិទ្ធ នាយរងអធិការកិច្ចចតុមុខ និង បក្ខពួកចំនួន៩នាក់ ផ្សេងទៀត រងការចោទប្រកាន់ ថា បានប្រើអំពើហិង្សាលើប្រជាពលរដ្ឋ បណ្តាលអោយរងរបួសធ្ងន់ធ្ងរ ខណៈចុះបង្ក្រាបបទល្មើសនេសាទ ហើយក្រោយមកជនរងគ្រោះបានស្លាប់ ។
លោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ ថ្លែងប្រាប់កាលពីរសៀលថ្ងៃទី១៣ ខែមករា ឆ្នាំ២០២១ ថា លោកបានបញ្ជាអោយស្នងការរងទទួលផែនព្រហ្មទណ្ឌ ស៊ើបអង្កេតករណីនេះហើយ ។
អំពើហិង្សា នេះ កើតឡើងកាលពីយប់ថ្ងៃទី៦ ខែមករា ឆ្នាំ២០២១ កន្លងទៅ នៅចំណុចកោះ អញ្ចាញ ក្នុងឃុំទ្រា ស្រុកសំរោង ខេត្តតាកែវ ។
តាមការរៀបរាប់របស់បងថ្លៃជនរងគ្រោះ បានអោយដឹងថា នៅយប់កើតហេតុ នោះ ជនរងគ្រោះ ឈ្មោះ ភឹម វី អាយុ៤០ឆ្នាំ រស់នៅភូមិព្រៃផ្គាំ ( គ ) ស្រុកអង្គរបុរី ខេត្តតាកែវ និង អ្នកភូមិ ចំនួន២នាក់ទៀត បានចេញទូកទៅឆក់ត្រី នៅចំណុចកោះអញ្ចាញ ស្ថិតនៅក្នុងឃុំទ្រា ស្រុកសំរោង ។
សាច់ញាតិជនរងគ្រោះ បន្តថា នៅពេលនោះ ក៏មានទូករបស់មន្ត្រីជលផល មានមនុស្ស ចំនួន១០នាក់ ដឹកនាំដោយ លោក គឹម សារិទ្ធ នាយរងអធិការកិច្ចចតុមុខ បានមកដល់ ហើយ អ្នកភូមិ២នាក់ ដែលទៅជាមួយ ក៏បានលោតចូលទឹក ហើយក៏រត់រួច ដោយនៅសល់តែជនរងគ្រោះ ត្រូវបានមន្ត្រីជលផល និង បក្ខពួក វាយបណ្តាលអោយរងរបួសធ្ងន់ ទើបគេបញ្ជូន ទៅកាន់មន្ទីរពេទ្យបង្អែកខេត្តតាកែវ និង បានទូរស័ព្ទអោយក្រុមគ្រួសារទៅមើលជនរងគ្រោះ នៅ មន្ទីរពេទ្យ ។
ប៉ុន្តែ ដោយសារស្ថានភាព ជនរងគ្រោះ ធ្ងន់ធ្ងរ ពេក ទើបក្រុមគ្រួសារបញ្ជូនជនរងគ្រោះ បន្ត មកកាន់មន្ទីរពេទ្យ កាល់ម៉ែត រាជធានី ភ្នំពេញ ។ រហូតមកដល់ពេលនេះ ជនរងគ្រោះ នៅ មិនទាន់ដឹងខ្លួននៅឡើយ ទេ ហើយ ក្រុមគ្រូពេទ្យ ក៏ អស់លទ្ធភាពព្យាបាលដែរ ដោយអោយក្រុមគ្រួសារ យក ជនរងគ្រោះ មកផ្ទះវិញ ព្រោះតែជនរងគ្រោះ មានឈាមកកនៅក្នុងខួរក្បាល ។
ជុំវិញបញ្ហានេះ លោក គឹម សារិទ្ធ នាយរងអធិការកិច្ចចតុមុខ បានបដិសេធ ថា លោកមិនបានប្រើអំពើហិង្សាលើប្រជាពលរដ្ឋ នោះទេ ពោលគឺ នេះជាគ្រោះថ្នាក់ចរាចរណ៍រវាងទូករបស់មន្ត្រីជលផល និង ទូករបស់ជនសង្ស័យ ។
ទន្ទឹមគ្នានេះ លោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ ថ្លែងប្រាប់ នារសៀលថ្ងៃទី១៣ ខែមករា ឆ្នាំ២០២១ នេះ ថា លោកបានបញ្ជាអោយស្នងការរងទទួលផែនព្រហ្មទណ្ឌ ស៊ើបអង្កេតករណីនេះហើយ ។
ប្រជាពលរដ្ឋ ស្ទើរទូទាំងខេត្តតាកែវ នរណាៗក៏ស្គាល់លោក គឹម សារិទ្ធ នាយរងអធិការកិច្ចចតុមុខ ដែរ ដោយល្បីរឿងបទល្មើសនេសាទ ជំរិតទារប្រាក់ពីក្រុមប្រព្រឹត្តបទល្មើសនេសាទ ហើយបើមិនបាននោះទេ ក៏កើតជាអំពើហិង្សាដូចករណីជាក់ស្តែងនេះ ជាដើម ។
ប៉ុន្តែ រហូតមកទល់ពេលនេះ លោក គឹម សារិទ្ធ នាយរងអធិការកិច្ចចតុមុខ នៅតែអាចឈរជើងបានជាធម្មតា មិនមានរឿងអ្វីកើតឡើងឡើយ ដោយមិនដឹងមូលហេតុ អ្វីទេ ដោយសង្ស័យថា មានខ្សែ និង ខ្នង ធំហើយមើលទៅ បានជាប្រព្រឹត្តបទល្មើសជាបន្តបន្ទាប់ នៅតែមិនមានទោស បែបនេះ ។
ករណីនៃអំពើហិង្សា នេះ ក្រុមគ្រួសារជនរងគ្រោះ បានសំណូមពរអោយសមត្ថកិច្ច ជាពិសេសលោកព្រះរាជអាជ្ញាខេត្តតាកែវ មេត្តាមានវិធានការតាមផ្លូវច្បាប់ចំពោះលោក គឹម សារិទ្ធ នាយរងអធិការកិច្ចចតុមុខ និង បក្ខពួក ផង ដើម្បីផ្តល់ភាពយុត្តិធម៌ដល់សពជនរងគ្រោះ ផង ។
គួររំលឹកបន្ថែមទៀតថា លោក គឹម សារិទ្ធ ធ្លាប់បានយកកាំភ្លើងអាការស្វ័យបត់ បាញ់ទូកនេសាទរបស់ប្រជាពលរដ្ឋ ព្រោះខឹងទារលុយមិនបានចំនួន១ពាន់ដុល្លារ ជាថ្នូរនឹងការដោះលែងទូកនេសាទខុសច្បាប់ ផងដែរ ។
ការបាញ់ដ៏គឃ្លើនរបស់លោក គឹម សារិទ្ធ នេះ បានកើតឡើងកាលពីថ្ងៃទី២៧ ខែតុលា ឆ្នាំ២០១៩ កន្លងទៅ ស្ថិតនៅចំណុចស្នាក់ការរដ្ឋបាលជលផលកំពង់អំពិល ស្រុកបុរីជលសារ ខេត្តតាកែវ ៕
.jpg)
.jpg)
ព័ត៌មានផ្សេងទៀត
កណ្តាល ៖ ដោយមានការយកចិត្តទុកដាក់ ដល់កងកម្លាំងដែលបានខិតខំបំពេញការងារ នោះ កាលពីយប់ថ្ងៃទី២៦ ខែកុម្ភៈ ឆ្នាំ២០២១ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល បានអញ្ជើញសាកសួរសុខទុក្ខ និង នាំយកសម្ភារៈប្រើប្រាស់មួយចំនួន ទៅប្រគល់ជូនដល់កងកម្លាំងនគរបាល ដែលមានភារកិច្ចប្រចាំការ នៅតាមមណ្ឌលចត្តាឡីស័កចំនួន៣គោលដៅ ស្ថិតក្នុងក្រុងតាខ្មៅ ។
ភ្នំពេញ ៖ រដ្ឋបាលខណ្ឌប្ញស្សីកែវ នៅរសៀលថ្ងៃទី២៦ ខែកុម្ភៈ ឆ្នាំ២០២១ នេះ សូមជម្រាបជូន បងប្អូនប្រជាពលរដ្ឋ និង សាធារណមតិ មេត្តាជ្រាបថា អាជ្ញាធរនៃរដ្ឋបាលខណ្ឌប្ញស្សីកែវ ពុំបានបិទទាំងស្រុងនូវ សង្កាត់ទួលសង្កែទី២ សង្កាត់ប្ញស្សីកែវ និង សង្កាត់គីឡូម៉ែតលេខ៦ ទេ ។
ភ្នំពេញ ៖ នៅព្រឹកថ្ងៃទី២៦ ខែកុម្ភៈ ឆ្នាំ២០២១ នេះ លោក កើត រិទ្ធ រដ្ឋមន្ត្រីក្រសួងយុត្តិធម៌ និង ថ្នាក់ដឹកនាំផ្សេងទៀត បានទទួលការចាក់វ៉ាក់សាំងកូវីដ១៩ ជាលើកទី២ រួចរាល់ហើយ ។
ភ្នំពេញ ៖ កាលពីយប់ថ្ងៃទី២៥ ខែកុម្ភៈ ឆ្នាំ២០២១ វេលាម៉ោង២១ នៅចំណុចផ្ទះលេខ១១៣២ ផ្លូវបេតុង ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ មានករណីអ្នកវិជ្ជមានកូវីដ-១៩ ម្នាក់ទៀត ជាបុរសអាយុ៣៩ឆ្នាំ ។
លោកស្នងការ ស ថេត នឹងចាត់ការចំពោះជនទាំងឡាយណា ដែលអុកឡុក និង បង្កបញ្ហា នៅគោលដៅធ្វើចត្តាឡីស័ក
ភ្នំពេញ ៖ លោកឧត្តមសេនីយ៍ឯក ស ថេត អគ្គស្នងការរង និង ជាស្នងការនគរបាលរាជធានីភ្នំពេញ ថ្លែងថា ក្នុងករណីមានអ្នកអុកឡុក ឬ បង្កបញ្ហាមិនស្តាប់តាមការណែនាំរបស់គ្រូពេទ្យ សមត្ថកិច្ចនឹងចាត់វិធានការតាមច្បាប់ ។ ចំពោះជនបរទេសដែលបង្កបញ្ហា នឹងចាប់បញ្ជូនទៅអគ្គនាយកដ្ឋានអន្តោប្រវេសន៍ ដោយសុំគោលការណ៍ថ្នាក់ដឹកនាំបណ្តេញចេញពីប្រទេសកម្ពុជា ។
កណ្តាល ៖ កម្លាំងនគរបាលក្រុងតាខ្មៅ បានឃាត់ខ្លួនក្រុមក្មេងទំនើងដែលបង្ហោះម៉ូតូនៅមុខសួនច្បារមាត់ទន្លេ ក្រុងតាខ្មៅ យកមកអប់រំណែនាំ និង ហៅឪពុកម្តាយ ធ្វើកិច្ចសន្យាធានា ។
កោះកុង ៖ កាលពីថ្ងៃទី២៥ ខែកុម្ភៈ ឆ្នាំ២០២១ ក្រុមការងារដែលដឹកនាំដោយលោក អ៊ីវ ត្រាយ និង លោក វ៉ៃ ភីរម្យ ព្រះរាជអាជ្ញារងនៃអយ្យការអមសាលាដំបូងខេត្តកោះកុង បានចុះធ្វើអធិការកិច្ចនៅអធិការដ្ឋាននគរបាលស្រុកបូទុមសាគរ និង ស្រុកស្រែអំបិល ដើម្បីធ្វើការត្រួតពិនិត្យ សៀវភៅបញ្ជីពាក្យបណ្តឹង សៀវភៅបញ្ជីឃាត់ខ្លួន កន្លែងឃាត់ខ្លួន និងធ្វើការណែនាំអំពីការគោរពទម្រង់ការច្បាប់នានា ។
111111111111111111.jpg)
លោកស្នងការខេត្តកណ្តាល អញ្ជើញសាកសួរសុខទុក្ខនិងនាំយកសម្ភារៈប្រើប្រាស់ប្រគល់ជូនដល់កងកម្លាំងប្រចាំការនៅមណ្ឌលចត្តាឡីស័ក