សូម​ថ្នាក់លើ​ពិនិត្យ​ផង ! ដល់​វគ្គ​ប៉ូលិស​ស្លៀកពាក់​ស៊ីវិល នាំខ្លួន​អ្នកសារព័ត៌មាន​ពិនិត្យ​ទឹកនោម !

ភ្នំពេញ​៖ ​ប៉ូលិស​មន្ទីរ​ប្រឆាំង​គ្រឿងញៀន​នៃ​អគ្គស្នងការដ្ឋាន​នគរ​បាល​ជាតិ បាន​នាំ​ខ

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
សូម​ថ្នាក់លើ​ពិនិត្យ​ផង ! ដល់​វគ្គ​ប៉ូលិស​ស្លៀកពាក់​ស៊ីវិល នាំខ្លួន​អ្នកសារព័ត៌មាន​ពិនិត្យ​ទឹកនោម !
Thu, 12 December 2019 12:27 PM ដោយ ៖ មេត្តាភ្នំពេញ​៖ ​ប៉ូលិស​មន្ទីរ​ប្រឆាំង​គ្រឿងញៀន​នៃ​អគ្គស្នងការដ្ឋាន​នគរ​បាល​ជាតិ បាន​នាំ​ខ្លួន​អ្នកសារព័ត៌មាន​មួយរូប​នៅ​ស្ថាប័ន TNB TV News Brand ទៅពិនិត្យ​ទឹកនោម​រក​សារធាតុ​ញៀន ខណៈ​អ្នកសារព័ត៌មាន​រូបនេះ កំពុង​បំពេញ​វិជ្ជាជីវៈ​របស់​ខ្លួន តាម​ដងផ្លូវ​សាធារណៈ ។ ប៉ុន្តែ​ក្រោយ​ការពិនិត្យ រក​មិនឃើញ ប៉ូលិស​បាន​ធ្វើ​កំណត់ហេតុ រួច​អនុញ្ញាតអោយ​អ្នកសារព័ត៌មាន​រូបនេះ ត្រឡប់មកវិញ ។

​ករណីនេះ កើតឡើង​កាលពី​វេលា​ម៉ោង​ជាង​៩ យប់​ថ្ងៃ​ទី​១១ ខែ​ធ្នូ នៅ​ចំណុច​ផ្លូវបំបែក​ជា​៤ តូប​B19 ម្ដុំ​ផ្សារ​តូច ផ្លូវ​ទួល​សង្កែ សង្កាត់​ទួល​សង្កែ​ទី​១ ខណ្ឌ​ឫស្សីកែវ រាជធានី​ភ្នំពេញ ។

​លោក ជួន ប៊ុន​រឿន អគ្គនាយក​សារព័ត៌មាន TNB ថ្លែងប្រាប់ នៅ​ថ្ងៃ​ទី​១២ ខែ​ធ្នូ នេះ ថា ភ្នាក់ងារ​របស់​លោក គឺ ឈ្មោះ តាត ចាន់រុន បាន​ជិះ​ទៅ​យក​ព័ត៌មាន​ករណី​គ្រោះថ្នាក់​ចរាចរណ៍ ។ ប៉ុន្តែ​ពេល​ធ្វើដំណើរ​តាមផ្លូវ ក៏​ប្រទះឃើញ​មាន​ការប្រតាយប្រតប់​គ្នា រវាង​ប៉ូលិស​ស្លៀកពាក់​មួយក្រុម​ជាមួយ​យុវជន​៣​នាក់ ។​

​ខណៈនោះ ភ្នាក់ងារ​របស់​លោក បាន​ឈប់​ម៉ូតូ​ទាញ​ទូរស័ព្ទ​ថត​រូបភាព ក៏​ស្រាប់តែ​ប៉ូលិស​មួយ​ក្រុម​នេះ បាន​ហាមឃាត់ បើទោះបីជា​ភ្នាក់ងារ​របស់​លោក​បាន​បង្ហាញ​កាត​អ្នកសារព័ត៌មាន យ៉ាងណាក៏ដោយ ។​

​លោក ជួន ប៊ុន​រឿន បន្តថា ក្រោយមក​ប៉ូលិស​បាន​នាំខ្លួន​ភ្នាក់ងារ​របស់​លោក​ទៅ​មន្ទីរ​ប្រឆាំង​គ្រឿងញៀន​នៃ​អគ្គស្នងការដ្ឋាន​នគរ​បាល​ជាតិ ដើម្បី​ពិនិត្យ​ទឹកនោម​រក​សារធាតុ​ញៀន តែ​ការពិនិត្យ​២​ដង រក​មិនឃើញ​នោះទេ ទើប​ប៉ូលិស​ធ្វើ​កំណត់ហេតុ អនុញ្ញាត​អោយ​ត្រឡប់មកវិញ ។​

​លោក យល់ថា នេះ​ជា​ការរំលោភ​សិទ្ធិ​អ្នកសារព័ត៌មាន​យ៉ាងធ្ងន់ធ្ងរ ចំពោះ​ការបំពេញ​វិជ្ជាជីវៈ និង ស្នើ​អោយ​សមត្ថកិច្ច​ពាក់​ព័ន្ធ​មេត្តា​ពិនិត្យ​ករណីនេះ​ឡើង​វិញ​ផង ។​

​បញ្ហា​ប៉ូលិស​ស្លៀកពាក់​ស៊ីវិល ចាប់​ខ្លួន​ប្រជាពលរដ្ឋ​តាម​ដងផ្លូវ​នេះ បង្ក​ការភ្ញាក់ផ្អើល​និង​រិះគន់​យ៉ាង​ខ្លាំងក្លា ពី​សំណាក់​ប្រជាពលរដ្ឋ ដែល​កន្លង​មក​ប៉ូលិស​ក៏​បាន​ចេញ​មុខ​បំភ្លឺ​ផងដែរ ។

​ទន្ទឹមនេះ លោក ប៉ែន បូ​ណា ប្រធាន​ក្លិប​អ្នកកាសែត​កម្ពុជា ថ្លែងប្រាប់​ថា បើ​អ្នកកាសែត​បាន​បង្ហាញ​ប័ណ្ណ​អ្នកសារព័ត៌មាន​ត្រឹមត្រូវ​ហើយ គប្បី​សមត្ថកិច្ច​គោរព​នូវ​សិទ្ធិ​របស់​អ្នកសារព័ត៌មាន មិន​អាច​ធ្វើ​ការបំពាន​យ៉ាង​ដូច្នេះ​ទេ ខណៈ​ប្រមុខ​រាជរដ្ឋាភិបាល លើក​ស្ទួយ​និង​គាំទ្រ​ខ្លាំងណាស់ ចំពោះ​សេរីភាព​សារព័ត៌មាន ។

​លោក បន្តថា សមត្ថកិច្ច​គួរ​បង្ហាញ​តួនាទី​អោយបាន​ច្បាស់លាស់​កុំអោយ​មាន​ការយល់ច្រឡំ ខណៈ​បើសិន​អ្នកសារព័ត៌មាន កំពុង​បំពេញ​តួនាទី​ហើយ មិន​ត្រូវ​បំពាន​សិទ្ធិ​អ្នកសារព័ត៌មាន​នោះទេ ។

​ជាមួយគ្នានេះ លោក ប៉ែន បូ​ណា បាន​សំណូមពរ​ដល់​អ្នកសារព័ត៌មាន​ផងដែរ ត្រូវគោរព​វិជ្ជាជីវៈ​របស់​ខ្លួន ខណៈ​សមត្ថកិច្ច​ក៏​ត្រូវ​គោរព​តួនាទី​របស់​ខ្លួន និង មិន​ត្រូវ​បំពាន​សិទ្ធិ​អ្នកសារព័ត៌មាន​ឡើយ ៕​






Ads detail bottom 2
Ads detail bottom 1
ព័ត៌មានផ្សេងទៀត
21 September, 2020 09:06 PM
កណ្តាល ​៖ ​ពេលនេះ សំណុំរឿង​ដី​សាធារណៈ​តាំង​ពី​បរម​បុរាណ បែរ​ជា​បុគ្គល​មាន​លុយ មានអំណាច អាច​ធ្វើ​ប្លង់​រឹង​រំលោភ​យក​បាន នៅ​ក្រុង​តាខ្មៅ នោះ ពេលនេះ បាន​បន្ត​នីតិវិធី​ដល់​សាលាឧទ្ធរណ៍ ហើយ ដែល​គ្រោង​បើក​សវនាការ​ជំនុំជម្រះ នៅ​ថ្ងៃ​ទី​២២ ខែ​កញ្ញា ឆ្នាំ​២០២០ ស្អែក​នេះ ។ នេះ​បើ​យោង​តាម​ដីកាកោះ ដែល​ទើប​ទទួលបាន​នៅ​ថ្ងៃ​ទី​២១ ខែ​កញ្ញា ឆ្នាំ​២០២០ នេះ ។
21 September, 2020 08:56 PM
បាត់ដំបង​ ៖ ​មាន​ហេតុការណ៍​ដ៏​ភ្ញាក់ផ្អេីល​មួយ ដោយ​ព្រះសង្ឃ​មួយអង្គ​ដែល​គង់នៅ​ក្នុង​វត្ត​កណ្តាល ភូមិ​រំចេក​៤ សង្កាត់​រតនៈ ក្រុង​បាត់ដំបង ខេត្ត​បាត់ដំបង បាន​ធ្វើ​អត្តឃាត​ដុត​សម្លាប់​ខ្លួនឯង ដោយ​មិន​ទាន់​ដឹង​មូលហេតុ​។​
21 September, 2020 11:32 AM
ស្វាយរៀង​​​ ៖ ​ឪពុក​ដែល​ប្រើ​អំពើហិង្សា​លើ​កូនស្រី​ដូច​សត្វ​តិរច្ឆាន នៅ​សង្កាត់​ច្រក​ម្ទេស ក្រុង​បាវិត ខេត្ត​ស្វាយរៀង ត្រូវបាន​សមត្ថកិច្ច​ឃាត់ខ្លួន​ហើយ នៅ​ព្រឹក​ថ្ងៃទី​២១ ខែ​កញ្ញា ឆ្នាំ​២០២០ នេះ នៅ​ចំណុច​រោងចក្រ​ស៊ី​កូ ក្នុង​តំបន់​សេដ្ឋកិច្ច​ពិសេស​មេន​ហា​ធែ​ន ។
21 September, 2020 11:24 AM
ភ្នំពេញ ​៖ ​ជនជាតិ​ចិន​ម្នាក់ ធ្លាក់​ពីលើ​ទូក​ទេសចរណ៍ «​បារី​ស ឡឺ មេគង្គ​» មិនទាន់​ដឹងស្លាប់​ឬ​រស់ ខណៈ​ជនជាតិ​ចិន​មួយក្រុម នេះ បាន​ជួល​ទូក ជិះ​កម្សាន្ត​លេង ។
21 September, 2020 11:04 AM
ប៉ៃលិន ​៖ ​ជំនន់​ទឹកភ្លៀង កំពុងតែ​ហូរ​ចុះ​ទៅ​ខាង​ក្រោម នៃ​តំបន់​ផ្ទៃ​រង​ទឹកភ្លៀង​របស់​អូរ​ដូនតា នៅ​ព្រឹក​ថ្ងៃទី​២១ ខែ​កញ្ញា ឆ្នាំ​២០២០ នេះ ធ្វើអោយ​ទឹក​កំពុង​ជន់​លិច ផ្ទះ​ប្រជាពលរដ្ឋ​ចំនួន​៣៧​ខ្នង​ផ្ទះ ខ្នង​ប្រឡាយ​ប្រវែង​ជាង​២០០​ម៉ែត្រ nig ផ្លូវលំ​ប្រវែង​ជាង​៥០០​ម៉ែត្រ ស្ថិតក្នុង​ភូមិ​ព្រៃ​សន្ទះ និង ភូមិ​ផ្ទះស្បូវ ឃុំ​ស្ទឹងត្រង់ ស្រុក​សាលា​ក្រៅ ខេត្ត​ប៉ៃលិន ។​
21 September, 2020 10:56 AM
ស្វាយរៀង ​៖ ​ឪពុក​បាន​ប្រើ​ហិង្សា​លើ​កូនស្រី​ដូច​សត្វ​តិរច្ឆាន នៅ​ក្រុង​បាវិត ខេត្ត​ស្វាយរៀង ។ នេះ​បើ​យោង​តាម​គណនី​ហ្វេ​សប៊ុក​មួយឈ្មោះ «Bee Nang Sad» បង្ហោះ​តាម​បណ្តាញ​សង្គម​ហ្វេ​សប៊ុក នៅ​ព្រឹក​ថ្ងៃទី​២១ ខែ​កញ្ញា ឆ្នាំ​២០២០ នេះ ។
21 September, 2020 10:49 AM
​កណ្តាល ​៖ ​បុរស​ម្នាក់​បាន​ស្លាប់​និង​នារី​ម្នាក់​រងរបួស​ធ្ងន់ ដោយសារ​ឡាន​មួយគ្រឿង បាន​បត់​ស្តាំ​ខ្វះ​ការប្រុងប្រយ័ត្ន ធ្វើអោយ​បុក​ម៉ូតូ​មួយ​គ្រឿង​ពេញទំហឹង ។ ទោះបីយ៉ាងណា ជនបង្ក ត្រូវបាន​សមត្ថកិច្ច​ចាប់ខ្លួន ភ្លាមៗ​ផងដែរ ។​
20 September, 2020 12:56 PM
ភ្នំពេញ​ ៖ ​កម្លាំង​អាវុធហត្ថ​ជំនាញ​នៃ​ការិយាល័យ​ស្រាវជ្រាវ​បង្ក្រាប​បទល្មើស​ព្រហ្មទណ្ឌ​អាវុធហត្ថ​រាជធានី​ភ្នំពេញ រួមសហការ​ជាមួយ អាវុធហត្ថ​ខណ្ឌ​ជ្រោយចង្វារ ដូនពេញ និង ចំការមន  កាលពី​រសៀល​ថ្ងៃ​ទី​១៩ ខែ​កញ្ញា ឆ្នាំ​២០២០ បាន​ឃាត់ខ្លួន​ចោរ​មាន​ល្បិច​ខ្ពស់ ដែល​បន្លំ​ធ្វើ​ជា​បុគ្គលិក​ផ្ទះសំណាក់ «​មហា​រុងរឿង​» ចូល​យក​សោ​រថយន្ដ​ពី​ភ្ញៀវ ហើយ​បើករថយន្ត​យក​ទៅ​បាត់ នៅ​កោះ​ពេជ្រ ។​
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact