មិន​ញញើត​សោះ​ហ៊ាន​សាងសង់​សំណង់​ប្រឆាំង​ និង​សាលដីការ

ខេត្ត​រតនគិរី​៖ សាងសង់​សំណាង​ខុស​នឹង​ច្បាប់​អនុញ្ញាតិ ធ្វើឲ្យប៉ះពាល់​ដល់​ទ្រព្យសម្បត

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
មិន​ញញើត​សោះ​ហ៊ាន​សាងសង់​សំណង់​ប្រឆាំង​ និង​សាលដីការ
Thu, 14 November 2019 06:40 PM ដោយ ៖ ផុនខេត្ត​រតនគិរី​៖ សាងសង់​សំណាង​ខុស​នឹង​ច្បាប់​អនុញ្ញាតិ ធ្វើឲ្យប៉ះពាល់​ដល់​ទ្រព្យសម្បត្តិ​អ្នកជិតខាង បើ​ទោះ​ជា​តុលាការ ចុះ​អនុវត្ត​ដី​ការសម្រេច​រក្សា​ការពារ តម្រូវឲ្យ​ម្ចាស់​សំណង់ផ្អា​កការសាងសង់​ប​ណ្ដោះ​អា​សន្ត​រួច​ម្ដង​មក​ហើយ​យ៉ាងណាក៏ដោយ ក៏​ការអនុវត្ត​សាលដីការ​នោះ ហាក់​មិន​មាន​ប្រសិទ្ធភាព​ទៅលើ​ម្ចាស់​សំណង់​នោះឡើយ​។​

សំណង់​មួយ​កន្លែង​ស្ថិតក្នុង​ភូមិ​ជ័យជំនះ សង្កាត់​ឡា​បាន​សៀក ក្រុង​បាន​លុង ខេត្ត​រតនគិរី ត្រង់​ចំណុច​ផ្លូវ​កែង ខាងកើត​អតីត​ព្រលានយន្តហោះ ដែល​មាន​ម្ចាស់​ឈ្មោះ ច​ន ចំរើន ត្រូវបាន​សាងសង់​ជិត​រួចរាល់​ជា​ស្ថាពរ​ហើយ ក្រោយពី​តុលាការ​ខេត្ត​រតនគិរី បាន​ដឹកនាំ​កម្លាំង ចុះ​អនុវត្ត​ដី​ការសម្រេច​ឲ្យ​ផ្អាក​ការសាងសង់​បណ្ដោះ​អា​សន្ត កាលពី​ថ្ងៃ​ទី​១២ ខែមិថុនា ឆ្នាំ​២០១៩ កន្លងមក​នោះ​។​

តាម​ការ​ឲ្យដឹង​ពី​លោក លីវ លឿន ជាដើម​បណ្ដឹង​ដែល​មាន​ព្រំ​ដី​ជាប់​គ្នា​ថា សំណង់​ដែល​លោក ច​ន ចំរើន បាន​សាងសង់ ខិត​មក​ជិតរ​បង​របស់​គាត់ ហើយ​ធ្វើឲ្យប៉ះពាល់ ខូចខាត​ដល់​ទ្រព្យសម្បត្តិ​របស់​គាត់ បើទោះជា​លោក លីវ លឿន សុំ​ឲ្យ​លោ ច​ន ចំរើន ជួសជុល​ការខូចខាត​ឲ្យ​គាត់​វិញ ក៏​គេ​មិន​ជួលជុល​ឲ្យ​ដែរ​។ លោក លីវ លឿន បាន​បន្តថា គាត់​ក៏​សម្រេចចិត្ត​សុំ​ការអន្តរាគមន៍​ពី​សង្កាត់ រហូត​ដល់​ក្រុង​។ អាជ្ញាធរ​ក្រុង ក៏​ចុះ​មក​ពិនិត្យ ហើយ​ចេញ​លិខិត​ជូន​លោក ច​ន ចំរើន ម្ចាស់​សំណង់​ឲ្យ​ផ្អាក​ការសាងសង់​បណ្ដោះ​អា​សន្ត ដោយ​ពិនិត្យឃើញ​សំណង់​នោះ មិន​ស្រប​ទៅ​និង​ប្លង់​ស្នើ​ស្នើសុំ​សាងសង់​។ លោក​បន្ត​ទៀត​ថា ទោះ​សាលាក្រុង​ចេញ​លិខិត​ផ្អាក​ការសាងសង កាលពី​ថ្ងៃ​ទី​១០ ខែ​មករា ឆ្នាំ​២០១៩ យ៉ាងណាក៏ដោយ លោក ច​ន ចំរើន នៅតែ​បន្ត​ការសាងសង់​ដដែល​។

លោក លីវ លឿន ក៏​ដាក់​ពាក្យបណ្ដឹង​ចូល​សាលាដំបូង​ខេត្ត ហើយ​តុលាការខេត្ត ក៏​បាន​ពិនិត្យ​សម្រេច ចេញ​សាលដីការ​រក្សា​ការពារ កាលពី​ថ្ងៃ​ទី​១៨ ខែ​មករា ឆ្នាំ​២០១៩ ហាមឃាត់​លោក ច​ន ចំរើន និង​បក្សពួក មិនឲ្យ​ធ្វើ​សកម្មភាព​សាងសង់​សំ​ណង់​បន្ត ដែល​មាន​ព្រំ​ជាប់​គ្នា​ជាមួយ​លោក លីវ លឿ ជា​បណ្ដោះអាសន្ន​។ តែ​លោក ច​ន ចំរើន និង​បក្សពួក នៅតែ​មិន​គោរព​តាម រហូត​ដល់​ថ្ងៃ​ទី​១២ ខែមិថុនា ឆ្នាំ​២០១៩ លោក រ៉ា បូរ៉ាន់​ឌី អាជ្ញា​សាលាដំបូង​ខេត្ត​រតនគិរី បាន​ដឹកនាំ​កម្លាំង​ចុះ​អនុវត្តតាម​ដី​ការសម្រេច​រក្សា​ការពារ​លេខ ០១ "​ច​" ចុះ​ថ្ងៃ​ទី​១៨ ខែ​មករា ឆ្នាំ​២០១៩ សម្រេច​ឲ្យ​អនុវត្ត​ជំនួស​លេខ ១២ "​ង​" ចុះ​ថ្ងៃ​ទី​២៧ ខែ​កុម្ភៈ ឆ្នាំ​២០១៩ របស់​សាលាដំបូង​ខេត្ត​រតនគិរី បន្ទាប់​ពី​តុលាការ​ចុះ​អនុវត្ត​ដីការ​សម្រេច​រួច​មក​លោក ច​ន ចំរើន និង​បក្សពួក នៅតែ​បន្ត​សាងសង់​ផ្គើន​និង​ការចុះអនុវត្ត​ដី​ការ​នោះ​ដដែល រហូត​ដល់​ថ្ងៃ​ទី​១៤ ខែវិច្ឆិការ ឆ្នាំ​២០១៩ សំណង់​នេះ​ជិត​រួចរាល់​១០០% ហើយ​។ លោក លីវ លឿ សុំ​សំណូមពរ​ដល់​តុលាការ មេត្តា​មាន​ចំណាត់ការ និង​ពន្លឿន​រឿងក្ដី​នេះ ដើម្បី​រក​យុត្តិធម៌​ជូន​គាត់​ផង​។​

ជុំ​វ​ញ​ករណី​ខាងលើ​នេះ​ដែរ លោក រ៉ា បូរ៉ាន់​ឌី ព្រះរាជអាជ្ញារង​អម​សាលាដំបូង​ខេត្តរតនគិរី បានឲ្យ​ដឹង​នៅ​ថ្ងៃ​ទី​១៤ ខែវិច្ឆិការ ឆ្នាំ​២០១៩ នេះ​ថា នៅ​ថ្ងៃ​ចុះ​អនុវត្ត​សាលដីការ​ជាមួយ​សម្ថ​កិច្ច​នោះ លោក​បាន​ឃាត់ខ្លួន​លោក ច​ន ចំរើន បញ្ជូន​មក​សាលាដំបូង​ខេត្តហើយ តែ​ក្រោយ​ពេល​ប្រជុំ ខាង​តុលាការ​សម្រេច​មិន​ឃុំខ្លួន ហើយ​លោក ក៏​បាន​ប្ដឹង​ទៅ​សាលាឧទ្ធរណ៍ ទៅ​នឹង​ដី​ការសម្រេច​មិន​ឃុំ​នេះដែរ​។ លោក រ៉ា បូរ៉ាន់​ឌី បាន​បន្តទៀតថា ពាក់ព័ន្ធ​ទៅនឹង​សំណង់​នៅ​តែ​ធ្វើ​បន្ត​នោះ លោក លីវ លឿ បាន​ដាក់​ពាក្យបណ្ដឹង​ថ្មី​មក​លោក​រួច​ហើយ លោក​នឹង​ចាត់ការ ករណី​មិន​រាងចាល ពី​ព្រោះនេះ​ជា​បទល្មើស ប្រឆាំង​នឹង​ដី​ការសម្រេច​រក្សា​ការពារ​។ ហើយ​រឿង​នេះ អង្គសេចក្ដី​ទាក់ទង​ទៅ​នឹង​រឿង​បវេណី ថា​តើ​គួរ​គប្បី​សម្រេច ត្រូវ​វ៉ៃ សំណង់​នោះ​ចោល ឬ​យ៉ាងណា បើទោះជា​គាត់​បាន​សង់​សំណង់​នេះ រួចរាល់​ក៏ដោយ ក៏​អត់​ប្រយោជន៍​ដែរ​។​

ទោះជា​យ៉ាងណា​ក៏ដោយ មជ្ឈដ្ឋាន​មហាជន នឹងរង​ចាំ​មើល​ថា តើ​លទ្ធផល​នៃ​ការប្រឆាំង​ដីកា​សម្រេច​ខាងលើនេះ តើ​វិធានការ​ផ្លូវច្បាប់ ប្រព័ន្ធតុលាការ នឹង​ចាត់ការ​យ៉ាងណា ចំពោះ ជន​ដែល​ប្រឆាំង​នឹង​ដីកា​សម្រេច​រក្សា​ការពារ​ខាងលើនេះ ដើម្បី​រក​យុត្តិធម៌​ជូន​ជនរងគ្រោះ​៕












Ads detail bottom 2
Ads detail bottom 1
ព័ត៌មានផ្សេងទៀត
30 June, 2014 05:17 PM
បាត់ដំបង៖ អា​ស្ទាវ​ឡើងក​រវ័យ​១៨​ឆ្នាំ​ម្នាក់​ត្រូវ​នគរបាល​ស្រុក​ឯក​ភ្នំ​ចាប់ខ្លួន កាលពី​វេលា​ម៉ោង​៩​និង​១០​ព្រឹក​ថ្ងៃ​ទី​២៩​ខែ​មិថុនា​ឆ្នាំ​២០១៤ នៅ​ភូមិ​ដូន​ទាវ ឃុំ​ពាម​ឯក ស្រុក​ឯក​ភ្នំ ខេត្ត​បាត់ដំបង ពី​បទ​រំលោភ​បាន​សម្រេច​ចំនួន​២​ដង​លើ​អនីតិជន​អាយុ​១៤​ឆ្នាំ បាន​សម្រេច​ចំនួន​២​ដង កាល​ពី​កន្លះ​ខែ​មុន​។​
30 June, 2014 05:15 PM
បាត់ដំបង៖ ​ចេញពី​ផឹកស៊ី​សប្បាយ​ជាមួយ​មិត្តភក្តិ នៅ​ហាង​ខារ៉ាអូខេ បុរស​ម្នាក់​ត្រូវ​នគរបាល​ចាប់ខ្លួន ដោយសារ​បើក​ម៉ូតូ​កង់​បី​បុក​ស្ត្រី​២​នាក់​ប្តី​ប្រពន្ធ​ស្លាប់ លើ​កំណាត់​ផ្លូវជាតិ​លេខ​៥ ក្នុង​ភូមិ​គោក​ត្រប់ ឃុំ​តា​ម៉ឺន ស្រុក​ថ្មគោល ខេត្ត​បាត់ដំបង កាលពី​វេលា​ម៉ោង​៨​និង​៣០​នាទី​យប់ ថ្ងៃទី​២៩ ខែមិថុនា ឆ្នាំ​២០១៤​។​
30 June, 2014 05:13 PM
ភ្នំពេញ៖ ជន​ឆ្លៀត​ឱកាស​ម្នាក់ បាន​បន្លំ​លួច​យក​ម៉ូតូ​អា​យ​ខុន​របស់​ជនរងគ្រោះ​រួច​ជិះ​គេចខ្លួន​បាត់​មួយសន្ទុះ តែ​ត្រូវ​នគរបាល​មូលដ្ឋាន​តាម​ទាន់​ចាប់​យក​បាន​តែ​ម៉ូតូ​ត្រឡប់មកវិញ ចំណែក​ជនសង្ស័យ​គេចខ្លួនបាត់ នៅ​កំឡុង​ពេល​មាន​គ្រោះថ្នាក់​ចរាចរណ៍​ម៉ូតូ​បុក​ម៉ូតូ បណ្តាលឲ្យ​មាន​មនុស្ស​រងរបួស​ធ្ងន់​ស្រាល កាលពី​វេលា​ម៉ោង​១១:៣០​នាទី យប់​ថ្ងៃ​ទី​២៩ ខែមិថុនា ឆ្នាំ​២០១៤ ស្ថិត​តាម​បណ្តោយ​ផ្លូវ​លេខ​៨៧​បេតេ ក្នុង​ភូមិ​ក្បាល​ទំនប់ សង្កាត់​បឹងទំពុន ខណ្ឌមានជ័យ​។​
30 June, 2014 05:10 PM
ភ្នំពេញ៖ ខ្មាន់កាំភ្លើង​ពីរ​នាក់ ជិះ​ម៉ូតូ​មួយ​គ្រឿង​ប្រដាប់​ដោយ​កាំភ្លើងខ្លី​មួ​យ​ដើម ធ្វើ​សកម្មភាព​បាញ់​គំរាម​ជនរងគ្រោះ​២​គ្រាប់ ប្លន់​យក​ម៉ូតូ​ម៉ាក​ធំ​ឌូ​កបាន​សម្រេច ខណៈ​ជនរងគ្រោះ​ជិះ​ម៉ូតូ​មក​ពី​ញ៉ាំ​អី​ជាមួយ​មិត្តភ័​ក្រ ហើយ​គេចខ្លួន​បាត់​ដោយ​សុវត្ថិភាព កាលពី​វេលា​ម៉ោង​៣:៥០​នាទី ទៀបភ្លឺ​ថ្ងៃ​ទី​៣០ ខែមិថុនា ឆ្នាំ​២០១៤ នៅ​ចំណុច​ផ្ទះ​លេខ​២៤៧ តាម​បណ្តោយ​ផ្លូវ​លេខ​២០៩ ក្នុង​សង្កាត់​បឹង​ទំ​ពុង ខណ្ឌមានជ័យ​។​
30 June, 2014 04:40 PM
ភ្នំពេញ៖ បុរស​ពីរ​នាក់ បាន​រងរបួស​ធ្ងន់ធ្ង​រ ត្រូវបាន​ដឹក​ទៅ​សង្គ្រោះ​នៅ​មុន្ទីរពេទ្យ​ភ្លាមៗ ក្រោយ​ពេល​ពួកគេ​ជិះ​ម៉ូតូ​២​គ្រឿង បុក​គ្នា​ពេញទំហឹង​នៅ​ចំណុច​មុខ​ហាង​នំប៉័ង​បាយ័ន ស្ថិត​តាម​បណ្ដោយ​ផ្លូវ​មុនី​រ៉េត ក្នុង​សង្កាត់​ស្ទឹងមានជ័យ ខណ្ឌមានជ័យ កាលពី​វេលា​ម៉ោង​១០:៣០​នាទី យប់​ថ្ងៃ​ទី​២៩ ខែមិថុនា ឆ្នាំ​២០១៤​។​
30 June, 2014 04:28 PM
ភ្នំពេញោ៖ ជនសង្ស័យ​ម្នាក់ ត្រូវ​កម្លាំង​សមត្ថកិច្ច​ល្បាត​មូលដ្ឋាន​ចាប់​ឃាត់ខ្លួន​ពី​បទ​ពាក់ព័ន្ធ​នឹង​ករណី​ចែកចាយ​គ្រឿងញៀន នៅ​ចំណុច​ផ្លូវ​បេតុង​មួយ​កន្លែង​ជាប់​នឹង​បឹង​បា​យ៉ាប ស្ថិតក្នុង​ភូមិ​ម័រ សង្កាត់​ដង្កោ ខណ្ឌដង្កោ កាលពី​វេលា​ម៉ោង​១០:៣០​នាទី យប់​ថ្ងៃ​ទី​២៩ ខែមិថុនា ឆ្នាំ​២០១៤​។​
30 June, 2014 01:58 PM
ព្រះសីហនុ៖ទូកទេសចរណ៍​​ កម្ពស់៣ជាន់​សម្រាប់ដឹកភ្ញៀវ ទៅលេងកោះរ៉ុងសន្លឹម​មួយគ្រឿង អូរប័រ សម្រាប់ ចម្លងភ្ញៀវពីទូកឡើងគោកចំនួន១គ្រឿងរួមទាំងអូរប័ររបស់ អ្នកឧកញ៉ា គិត ម៉េង ចតនៅក្បែរនោះ ត្រូវអគ្គិភ័យឆាបឆេះទាំងស្រុង​ កាលពីវេលាម៉ោង១១យប់ ថ្ងៃទី២៩ខែមិថុនា ឆ្នាំ២០១៤ នៅចំណុចផែស្វយ័ត ក្រុងព្រះសីហនុ ត្រង់ច្រកទ្វារទី៣ ស្ថិតក្នុង សង្កាត់
28 June, 2014 12:49 PM
ខេត្តបន្ទាយមានជ័យ៖ នាងក្រមុំ​ វ័យ១៩ឆ្នាំម្នាក់​​ បានស្លាប់ភ្លាមៗ ​ម្តាយរងរបួសធ្ងន់​ ខណៈជិះ​ ម៉ូតូឌុបគ្នា​ទៅផ្សារ​ ត្រូវរថយន្តតាក់ស៊ី ​បុកពីមុខ​ពេញ​ទំហឹង  កាលពីវេលា​​ម៉ោង៦ព្រឹក ថ្ងៃទី២៨ ​ ខែមិថុនា​ ​ឆ្នាំ​២០​១៤ ​លើកំ​​ណាត់​​ផ្លូវ​បេតុង​​មួ​​យក​​ន្លែង ​ម្តុំ​សាលាព​ន្លកខ្មែរ​ ក្នុងភូមិក្បាល​ស្ពាន២  ​សង្កាត់/ក្រុង​ប៉ោយប៉ែត ខេត្តបន្ទាយ​មានជ័យ។
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact