រាជរដ្ឋាភិបាល​កម្ពុជា ៖ ផែនការ​ប៉ុនប៉ង​ធ្វើ​រដ្ឋប្រហារ​ដើម្បី​ផ្តួលរំលំ​រាជរដ្ឋាភិបាល និង របប​រាជានិយម​នៅ​កម្ពុជា របស់​ទណ្ឌិត សម រង្ស៊ី បរាជ័យ​ទាំងស្រុង​

ភ្នំពេញ​៖​ នៅ​ថ្ងៃ​ទី​១៣ ខែវិច្ឆិកា នេះ រាជរដ្ឋាភិបាល​កម្ពុជា ដែល​ដឹកនាំ​ដោយ​សម្តេច​តេ

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
រាជរដ្ឋាភិបាល​កម្ពុជា ៖ ផែនការ​ប៉ុនប៉ង​ធ្វើ​រដ្ឋប្រហារ​ដើម្បី​ផ្តួលរំលំ​រាជរដ្ឋាភិបាល និង របប​រាជានិយម​នៅ​កម្ពុជា របស់​ទណ្ឌិត សម រង្ស៊ី បរាជ័យ​ទាំងស្រុង​
Wed, 13 November 2019 07:48 PM ដោយ ៖ មេត្តាភ្នំពេញ​៖​ នៅ​ថ្ងៃ​ទី​១៣ ខែវិច្ឆិកា នេះ រាជរដ្ឋាភិបាល​កម្ពុជា ដែល​ដឹកនាំ​ដោយ​សម្តេច​តេជោ ហ៊ុន សែន ចេញ​សេចក្តីថ្លែងការណ៍​សំខាន់​មួយ ដោយ​អះអាង​ថា “​ផែនការ​ប៉ុនប៉ង​ធ្វើ​រដ្ឋប្រហារ​ដើម្បី​ផ្តួលរំលំ​រាជរដ្ឋាភិបាល និង របប​រាជានិយម​នៅ​កម្ពុជា របស់​ទណ្ឌិត សម រង្ស៊ី បរាជ័យ​ទាំងស្រុង​”​។

​សេចក្តីថ្លែងការណ៍​របស់​រាជរដ្ឋាភិបាល បង្ហាញថា នា​ពេល​កន្លង​ទៅ​ថ្មីៗ​នេះ ក្រុម​ឧទ្ទាម​ដែល​ដឹកនាំ​ដោយ​ទណ្ឌិត សម រង្ស៊ី បាន​កំណត់​យក​ថ្ងៃ​ទី​៩ ខែវិច្ឆិកា ឆ្នាំ​២០១៩ ចំ​ថ្ងៃ​នៃ​ការ​ប្រារព្ធ​ខួប​អនុ​ស្សា​រីយ៍​លើកទី​៦៦ នៃ​ទិវា​បុណ្យ​ឯករាជ្យ​ជាតិ ដើម្បី​អនុវត្ត​ផែនការ​ប៉ុនប៉ង​ធ្វើ​រដ្ឋប្រហារ​ដើម្បី​ផ្តួលរំលំ​រាជរដ្ឋាភិបាល និង​របប​រាជានិយម​នៅ​កម្ពុជា​។

​រាជរដ្ឋាភិបាល​មាន​កិត្តិយស​សូម​ប្រកាស​ជូន​បងប្អូន​ជនរួមជាតិ​ទាំងអស់​មេត្តា​ជ្រាប​ថា​ផែនការ​ប៉ុនប៉ង​ធ្វើ​រដ្ឋប្រហារ​របស់​ក្រុម​ឧទ្ទាម​ដឹកនាំ​ដោយ​ទណ្ឌិត សម រង្សី នេះ បាន​ទទួល​បរាជ័យ​ទាំងស្រុង ហើយ​សន្តិសុខ សណ្តាប់ធ្នាប់​សាធារណៈ ត្រូវបាន​ធានា​យ៉ាងរឹងមាំ​ជា​ប្រក្រតី​នៅ​ទូទាំង​ប្រទេស​។

​មន្ត្រីរាជការ កងកម្លាំងប្រដាប់អាវុធ​អាជ្ញាធរ​គ្រប់​លំដាប់ថ្នាក់ និង បងប្អូន​ប្រជាពលរដ្ឋ​នៅ​ទូទាំង​ប្រទេស បាន​ចូលរួម​អបអរសាទ​រការ​ប្រារព្ធ​ខួប​អនុស្សាវរីយ៍​លើក​ទី​៦៦ នៃ​ទិវា​បុណ្យ​ឯករាជ្យ​ជាតិ ក្រោម​ព្រះរាជាធិបតីភាព​ដ៏​ខ្ពង់ខ្ពស់​បំផុត​របស់ ព្រះករុណា ព្រះមហាក្សត្រ នៃ​ព្រះរាជាណាចក្រ​កម្ពុជា​។

​ទន្ទឹមនេះ ប្រជាពលរដ្ឋ​គ្រប់​មូលដ្ឋាន​ទូទាំងប្រទេស បាន​រួម​សហការ​គ្នា​យ៉ាង​សកម្ម​ផុលផុស​ក្នុង​ការរៀបចំ​ពិធី​ហូប​អំបុក ដែល​បង្ហាញ​អំពី​សាមគ្គីភាព ឯកភាព​យ៉ាងរឹងមាំ ដើម្បី​ការពារ​ជាតិ សាសនា ព្រះមហាក្សត្រ សំដៅ​បន្ត​ថែរក្សា​សុខសន្តិភាព ស្ថិរភាព សណ្តាប់ធ្នាប់​សង្គម បង្កលក្ខណៈ ដល់​ប្រជាពលរដ្ឋ​កម្ពុជា​ជួបជុំ​ក្រុមគ្រួសារ និង​ធ្វើ​ដំណើរ​កំសាន្ត​ក្នុង​ថ្ងៃ​ឈប់សម្រាក​ទៅ​គ្រប់ទិសទី​ទូទាំង​ប្រទេស ព្រមទាំង​បាន​ចូលរួម​ក្នុង​ព្រះរាជ​ពិធី​បុណ្យ​អុំទូក បណ្តែត​ប្រទីប សំពះ​ព្រះ​ខែ​និង​អក​អំបុក យ៉ាងច្រើន​កុះករ​រហូតដល់​ជាង ៤​លាន​នាក់ ក្នុង​រយៈពេល​៣​ថ្ងៃ ចាប់ពី​ថ្ងៃ​ទី​១០ ដល់​ថ្ងៃ​ទី​១២ ខែវិច្ឆិកា ឆ្នាំ​២០១៩ កន្លងទៅនេះ​។​

​ព្រម​ជាមួយ​នេះ រាជរដ្ឋាភិបាល​សុំ​ការយោគយល់​អធ្យាស្រ័យ​ពី​សំណាក់​បងប្អូន​ប្រជាពលរដ្ឋ ក៏​ដូច​អាជីវករ ចំពោះ​ភាពរអាក់រអួល​ខ្លះៗ​ក្នុង​ការចេញចូល​ឆ្លងកាត់​ច្រកទ្វារ​ព្រំដែន​រវាង​ព្រះរាជាណាចក្រ​កម្ពុជា ជាមួយ​ព្រះរាជាណាចក្រ​ថៃ កាលពី​ថ្ងៃ​ទី​៩ ខែវិច្ឆិកា កន្លងមកនេះ​ដោយសារ​ការ​រឹតបន្ដឹង​ការត្រួតពិនិត្យ​ការចេញចូល​ឆ្លងកាត់​ព្រំដែន​សំដៅ​បង្ការ​ទប់ស្កាត់​សកម្មភាព​របស់​ក្រុម​ឧទ្ទាម និង​ដើម្បី​ធានា​ថែរក្សា​ការពារ​សន្តិសុខ សណ្តាប់ធ្នាប់​សាធារណៈ និង​សុវត្ថិភាព​សង្គម​នៅតាម​តំបន់​ព្រំដែន​កម្ពុជា​-​ថៃ​។​

​រាជរដ្ឋាភិបាល​សូម​សម្តែង​នូវ​ការកោតសរសើរ និង​ថ្លែងអំណរគុណ​យ៉ាង​ជ្រាលជ្រៅ​ជាទីបំផុត ជូន​ចំពោះ​កងកម្លាំងប្រដាប់អាវុធ​គ្រប់​ប្រភេទ និង​អាជ្ញា​ធរមាន​សមត្ថកិច្ច​គ្រប់​លំដាប់ថ្នាក់ ដែល​បាន​បំពេញ​តួនាទី​របស់​ខ្លួន ប្រកបដោយ​ស្មារតី​ទទួលខុសត្រូវ​ខ្ពស់ ក្នុង​ការធានា​រក្សា​ការពារ​សុខសន្តិភាព និង​ស្ថិរភាព​សង្គម ជាពិសេស ការសម្រេចបាន​នូវ​ជោគជ័យ​ដ៏​ត្រចះត្រចង់​ក្នុងការ​បំផ្លាញចោល​ទាំងស្រុង​នូវ​ផែនការ​របស់​ក្រុម​ឧទ្ទាម​ដឹកនាំ​ដោយ​ទណ្ឌិត សម រង្ស៊ី ដែល​ប៉ុនប៉ង​យក​ថ្ងៃ​ទី​៩ ខែវិច្ឆិកា ដែល​ជា​ថ្ងៃ​បុណ្យ​ឯករាជ្យ​ជាតិ​របស់​ព្រះរាជាណាចក្រ​កម្ពុជា ដើម្បី​ប្រមូល​កម្លាំង​ធ្វើ​រដ្ឋប្រហារ​ផ្តួលរំលំ​រាជរដ្ឋាភិបាល​ដែល​កើតចេញ​ពី​ឆន្ទៈ​របស់​ប្រជាជន តាមរយៈ​ការបោះឆ្នោត​ដោយ​សេរី ត្រឹមត្រូវ និង​យុត្តិធម៌ ស្រប​តាម​រដ្ឋធម្មនុញ្ញ និង​ច្បាប់​ជាពិសេស ឧបាយកល​ដ៏​ខ្មៅ​ងងឹត​ក្នុង​ការប៉ុនប៉ង​ផ្លាស់ប្តូរ​របប​រាជានិយម​នៅ​កម្ពុជា​។

​ជោគជ័យ​នេះ ក៏​មិន​អាច​កាត់ផ្តាច់​បាន​ពី​ការចូលរួម​ចំណែក​ដ៏​សំខាន់ និង​មិន​អាច​ខ្វះ​បានរ​បស់​ប្រជាជន​កម្ពុជា​ទូទាំងប្រទេស​ដែល​បាន បង្ហាញ​នូវ​សាមគ្គី​ភាពរឹងមាំ​ជាមួយ​រាជរដ្ឋាភិបាល កងកម្លាំងប្រដាប់អាវុធ​គ្រប់​ប្រភេទ និង​អាជ្ញា​ធរមាន​សមត្ថកិច្ច​គ្រប់​លំដាប់ថ្នាក់ ក្នុង​កិច្ចការពារ និង​ថែរក្សា​សុខសន្តិភាព និង​ស្ថិរភាព​សង្គម ជា​ពិសេស​បាន​បង្ហាញ​នូវ​ស្វាមីភក្តិ​ដ៏​ជ្រាលជ្រៅ​បំផុត​ចំពោះ អង្គ​ព្រះមហាក្សត្រ ជាទី​គោរព​សក្ការៈ​ដ៏​ខ្ពង់ខ្ពស់​បំផុត​នៃ​ជាតិខ្មែរ និង​ចំពោះ​របប​រាជានិយម​អាស្រ័យ​រដ្ឋធម្មនុញ្ញ​នៅ​កម្ពុជា​។​

​ទន្ទឹមនេះ រាជរដ្ឋាភិបាល​បាន​សង្កេតឃើញថា មាន​បងប្អូន​ប្រជាពលរដ្ឋ​ស្លូតត្រង់​មួយចំនួន​តូច បាន​ចាញ់បោក​ការឃោសនា​នយោបាយ និង​ឧបាយកល​ពិសពុល​របស់​ក្រុម​ឧទ្ទាម​ដឹកនាំ​ដោយ​ទណ្ឌិត សម រង្ស៊ី​ហើយ​បាន​ចាកចេញ​ទៅ​កាន់​ប្រទេស​ទី​២ ជាពិសេស ទៅ​ព្រះរាជាណាចក្រ​ថៃ ដើម្បី​ត្រៀម​ចូលរួម​ក្នុង​អ្វីមួយ​ដែល​ក្រុម​ឧទ្ទាម​ហៅថា ការ​អមដំណើរ​វិលត្រឡប់​ចូល​កម្ពុជា​របស់​ទណ្ឌិត សម រង្ស៊ី​។

​ឆ្លៀត​ក្នុង​ឱកាស​នេះ រាជរដ្ឋាភិបាល​សូម​អំពាវនាវ​ដល់​បង​ប្អូន​ប្រជាពលរដ្ឋ ទាំងអស់ ដែល​បាន​ចាញ់​ឧបាយកល​បោកប្រាស់​របស់​ក្រុម​ឧទ្ទាម​ដឹកនាំ​ដោយ​ទណ្ឌិត សម រង្ស៊ី សូម​វិលត្រឡប់​មក​មាតុប្រទេស​វិញ ដើម្បី​បន្ត​រួមរស់​ជាមួយ​ក្រុម​គ្រួសារ និង​សង្គមជាតិ ក្រោម​ដំបូល​នៃ​សុខសន្តិភាព​។ រាជរដ្ឋាភិបាល​យល់​ច្បាស់​ណាស់​ថា ប្រការ​ដែល​បងប្អូន​អាច​ជាប់​ពាក់ព័ន្ធ​នឹង​បទល្មើស​ចូលរួម​គំនិត​ក្បត់ គឺ​ដោយសារ​ការចាញ់បោក​ឧបាយកល​នយោបាយ និង​ការ​លួងលោម​អូសទាញ​ពី​សំណាក់​ក្រុម​ឧទ្ទាម​ដឹកនាំ​ដោយ​ទណ្ឌិត សម រង្ស៊ី ដែល​មាន​បំណង​យក​បងប្អូន​ដែល​ជា​ជនស្លូតត្រង់ ធ្វើ​ជា​ឧបករណ៍​នយោបាយ និង​ឈ្លាន់​បញ្ឆេះ​កំហឹង​សង្គម​ដើម្បី​សម្រេច​មហិច្ឆិតា​អំណាច​របស់​ក្រមខ្លួន ដោយ​មិន​គិត​ពី​ការ​ស្លាប់​រស់ និង​សុខទុក្ខ​របស់​បងប្អូន និង​ប្រទេសជាតិ​ឡើយ​។

​រាជរដ្ឋាភិបាល​ស្នើសុំ និង​លើកទឹកចិត្ត​ឲ្យ​ស្ថាប័ន​មាន​សមត្ថកិច្ច​ពាក់ព័ន្ធ​ទាំងអស់ បន្ត​ជំរុញ​អនុវត្ត​មាត្រា​៤៥៤ នៃ​ក្រម​ព្រហ្មទណ្ឌ នៃ​ព្រះរាជាណាចក្រ​កម្ពុជា ដើម្បី​ឲ្យ​បងប្អូន​ប្រជាព​ល​រដ្ឋ​ស្លូតត្រង់ ដែល​ចាញ់បោក​ឧបាយកល​នយោបាយ​របស់​ក្រុម​ឧទ្ទាម​ដឹកនាំ​ដោយ​ទណ្ឌិ​ត សម រង្ស៊ី អាច​វិល​ត្រឡប់​មក​មាតុប្រទេស​វិញ ដោយ​មិន​មាន​ទោសពៃរ៍​។​

​រាជរដ្ឋាភិបាល​មាន​ជំនឿ​យ៉ាង​មុតមាំ​លើ​ទឹកចិត្ត​ស្នេហា​ជាតិ​របស់​ប្រជាជន​កម្ពុជា ក្នុង​ការចូលរួម​ជាមួយ​រាជរដ្ឋាភិបាល ក្នុង​កិច្ចការពារ និង​ថែរក្សា​សុខសន្តិភាព និង​ស្ថិរភាព​សង្គម​ដែល​ជា​មូលដ្ឋានគ្រឹះ​យ៉ាងសំខាន់ សម្រាប់​ការអភិវឌ្ឍ​សង្គមជាតិ​ប្រកបដោយ​ចីរភាព ៕​




Ads detail bottom 2
Ads detail bottom 1
ព័ត៌មានផ្សេងទៀត
13 January, 2020 11:36 AM
​ភ្នំពេញ​៖ ​ស្ត្រី​ម្នាក់​ជា​ម្តាយបង្កើត​របស់​តារាចម្រៀង ពេជ្រ សូ​លីកា ត្រូវបាន​សមត្ថកិច្ច​ចាប់ខ្លួន​និង​បង្ហាញ​ជា​សាធារណៈ នៅ​ថ្ងៃ​ទី​១៣ ខែ​មករា នេះ សង្ស័យ​ជា​ឃាតករ​សម្លាប់​ស្ត្រី​ម្នាក់​ក្នុង​បុរី Town ក្នុង​ភូមិ​ទួល​រកា សង្កាត់​ចាក់អង្រែ​ក្រោម ខណ្ឌមានជ័យ ។
13 January, 2020 11:21 AM
​ភ្នំពេញ​៖​ ប្រភព​ព័ត៌មាន​ច្បាស់​ការណ៍​មួយ ទម្លាយ​អោយដឹងថា ហាង​ផឹកស៊ី​ទល់ៗ​ភ្លឺ ហេ​ប​ភី ណេ​ស ដែល​អាជ្ញាធរ​ខណ្ឌ​ដូនពេញ សម្រេច​មិន​បិទ​អាជីវកម្ម ទោះ​កើតមាន​ករណី​ឃាតកម្ម​បាញ់​សម្លាប់​មនុស្ស នោះ គឺ មាន​ការប្រើប្រាស់​គ្រឿងញៀន​និង​ថ្នាំគ្រវីក្បាល ផងដែរ ។​
12 January, 2020 05:35 PM
កំពង់ស្ពឺ​៖ ​សមត្ថកិច្ច​មន្ទីរ​ប្រឆាំង​បទល្មើស​គ្រឿងញៀន នៃ​អគ្គស្នងការដ្ឋាន​នគរ​បាល​ជាតិ បាន​ឃាត់ខ្លួន​ជនសង្ស័យ​២​នាក់ និង រឹបអូស​គ្រឿងញៀន​ជាង​៩​គីឡូក្រាម នៅ​រាជធានី​ភ្នំពេញ និង ខេត្ត​កំពង់ស្ពឺ កាលពី​ថ្ងៃ​ទី​១០ ខែ​មករា ឆ្នាំ​២០២០ ថ្មីៗ​នេះ ។​
12 January, 2020 05:21 PM
​ភ្នំពេញ​៖ ​នគរបាល​ខណ្ឌ​សែន​សុខ នៅ​ថ្ងៃ​ទី​១២ ខែ​មករា នេះ បាន​បញ្ជូន​ជនសង្ស័យ​ចំនួន​១២​នាក់ ពាក់ព័ន្ធ​ករណី​គ្រឿងញៀន​និង​កាន់កាប់​អាវុធ​ខុសច្បាប់ ទៅ​អយ្យការ​អម​សាលាដំបូង​រាជធានី​ភ្នំពេញ ដើម្បី​ចាត់ការ​តាមច្បាប់ ។
12 January, 2020 05:13 PM
ភ្នំពេញ​៖ ​នៅ​ថ្ងៃ​ទី​១២ ខែ​មករា នេះ សម្តេច​តេជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​អរគុណ​អ្នកសារព័ត៌មាន​ជាតិ​និង​អន្តរជាតិ ដែល​បាន​ចូលរួម​ផ្សាយ​ព័ត៌មាន​ពិត​និង​ព័ត៌មាន​វិជ្ជមាន​ពី​កម្ពុជា ដែល​ជា​ការរួមចំណែក​អភិវឌ្ឍន៍​ប្រទេសជាតិ ។ នេះ​បើ​យោងតាម​ប្រសាសន៍​របស់​សម្តេច​តេជោ លើ​ហ្វេ​សប៊ុក​ផេ​ក ។
11 January, 2020 10:23 AM
ភ្នំពេញ​៖ ​លោក សុខ ពេញវុ​ធ អភិបាលខណ្ឌ​ដូនពេញ ថ្លែង​ប្រាប់​នៅ​ថ្ងៃទី​១១ ខែ​មករា នេះ ថា អាជ្ញាធរ​បាន​អនុញ្ញាត​អោយ​ហាង​ផឹកស៊ី ហេ​ប​ភី ណេ​ស បើក​ដំណើរការ​វិញ​បាន​ជា​ធម្មតា ដោយសារតែ​ម្ចាស់​ហាង បាន​សហការ​ល្អ​ជាមួយ​អាជ្ញាធរ និង ករណីនេះ មិនមែន​ជា​កំហុស​របស់​ម្ចាស់​ហាង​ទេ ។
11 January, 2020 10:14 AM
កំពង់ឆ្នាំង​៖ ​មាន​រូបភាព​បែកធ្លាយ​មួយ​ចេញ​ពី​សាច់ញាតិ​តែម្តង ដោយ​បង្ហាញ​ពី​សកម្មភាព​របស់​លោក ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង ធ្វើ​ពិធី​ឡើង​គេហដ្ឋាន​ថ្មី តែ​ទំនង​ជឿ​តាម​គ្រូ​ហោ​ខ្លាំងពេក បាន​រៀប​លុយ​ក្រដាស​១​ម៉ឺន​រៀល​ជា​រូបិយប័ណ្ណ​ជាតិខ្មែរ ដោយ​មាន​ព្រះ​ឆាយា​លក្ខណ៍​ព្រះ​បរម​រតន​កោដ្ឋ តម្រៀប​លើ​កាំជណ្តើរ​រួច​ដើរ​ជាន់​ពីលើ ដែល​មហាជន បាន​ចាត់ទុកថា ជា​ការប្រមាថ​ព្រះ​ចេស្តា ព្រះ​បរម​រតន​កោដ្ឋ យ៉ាងធ្ងន់ធ្ងរ​ជា​ទីបំផុត ។
10 January, 2020 07:56 PM
ភ្នំពេញ​៖ ​លោក ម៉ៅ ចាន់ថុន អធិការរង​នគរបាល​ខណ្ឌ​ដូនពេញ និង លោក កាន់ វណ្ណៈ នាយ​ប៉ុស្តិ៍​ស្រះ​ចក នៅ​រសៀល​ថ្ងៃ​ទី​១០ ខែ​មករា នេះ ស្រាវជ្រាវ​រហូត​ឈានដល់​ការឃាត់ខ្លួន​មេខ្លោង​ម្នាក់ ដែល​បញ្ជា​អោយ​ក្មេងប្រុស​អាយុ​១២​ឆ្នាំ ជួញដូរ​គ្រឿងញៀន នៅ​ចំណុច​ផ្លូវ​រថភ្លើង R6 សង្កាត់​ស្រះចក ខណ្ឌដូនពេញ ។​
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact