អ្នកនាំពាក្យ​ក្រសួង​យុត្តិធម៌ បញ្ជាក់​អំពី​ទិដ្ឋភាព​ច្បាប់​ជាតិ​និង​អន្តរជាតិ​ឆ្លើយតប​ក្តីបារម្ភ​របស់​លោកស្រី រ៉ូ​ណា ស្មី​ត និង អង្គទូត​មួយចំនួន ករណី លោក កឹម សុខា

ភ្នំពេញ​៖ ​លោក ជិន ម៉ា​លីន អ្នកនាំពាក្យ​ក្រសួង​យុត្តិធម៌ បាន​បញ្ជាក់​អំពី​ទិដ្ឋភាព​ច្ប

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
អ្នកនាំពាក្យ​ក្រសួង​យុត្តិធម៌ បញ្ជាក់​អំពី​ទិដ្ឋភាព​ច្បាប់​ជាតិ​និង​អន្តរជាតិ​ឆ្លើយតប​ក្តីបារម្ភ​របស់​លោកស្រី រ៉ូ​ណា ស្មី​ត និង អង្គទូត​មួយចំនួន ករណី លោក កឹម សុខា
Tue, 12 November 2019 08:31 PM ដោយ ៖ មេត្តាភ្នំពេញ​៖ ​លោក ជិន ម៉ា​លីន អ្នកនាំពាក្យ​ក្រសួង​យុត្តិធម៌ បាន​បញ្ជាក់​អំពី​ទិដ្ឋភាព​ច្បាប់​ជាតិ​និង​អន្តរជាតិ​ពាក់ព័ន្ធ ករណី លោក កឹម សុខា ប្រធាន​នៃ​អតីត​គណបក្ស​សង្គ្រោះ​ជាតិ បន្ទាប់​តុលាការ​សម្រេច​កែប្រែ​កាតព្វកិច្ច​មួយ​ចំនួន​ដែល​អនុញ្ញាត​អោយ​លោក​មាន​សិទ្ធិ​ចាកចេញ​ពី​ផ្ទះ​បាន ។

​ការ​ចេញ​មក​បញ្ជាក់​នេះ គឺ ដើម្បី​ឆ្លើយតប​នឹង​លោកស្រី រ៉ូ​ណា ស្មី​ត អ្នករាយការណ៍​ពិសេស​អង្គការសហប្រជាជាតិ​ទទួលបន្ទុក​សិទ្ធិមនុស្ស​នៅ​កម្ពុជា និង អង្គទូត​មួយចំនួន​ប្រចាំ​កម្ពុជា ដែល​បាន​សម្តែង​ក្តីបារម្ភ​ផ្សេងៗ​គ្នា​ជុំវិញ​ករណី​នេះ ។

​លោក ជិន ម៉ា​លីន បាន​សរសេរ​តាម​បណ្តាញ​សង្គម Facebook នៅ​រសៀល​ថ្ងៃ​ទី​១២ ខែវិច្ឆិកា យ៉ាង​ដូច្នេះ​ថា ៖

​ទី​១. ការបង្ហាញ​នូវ​ក្តីបារម្ភ​ក៏ដូចជា​សំណូមពរ​របស់​អ្នកស្រី Rhona Smith និង​អង្គទូត​មួយចំនួន​នៅ​កម្ពុជា គឺជា​សិទ្ធិ​សេរីភាព​ក្នុង​ការសំដែង​មតិ​និង​ការយល់ឃើញ​ផ្ទាល់ខ្លួន​របស់​ពួកគាត់ តែ​អ្វីៗ​ត្រូវ​អនុលោម​តាម​បញ្ញត្តិ​ច្បាប់​ជាតិ​របស់​កម្ពុជា​ដែល​មាន​ជា​ធរមាន ជៀសវាង​ការជ្រៀតជ្រែក​ចូល​កិច្ចការ​ផ្ទៃក្នុង​របស់​រដ្ឋ​អធិបតេយ្យ ដែល​ត្រូវបាន​ហាមប្រាម​ដោយ​ច្បាប់​អន្តរជាតិ រួម​មាន​ធម្មនុញ្ញ​អង្គការសហប្រជាជាតិ និង​បញ្ញត្តិ​ច្បាប់​អន្តរជាតិ​ផ្សេងៗ​ទៀត​ស្តីពី​ទំនាក់ទំនង​ការទូត និង​នីតិវិធី​ពិសេស​របស់​អង្គការសហប្រជាជាតិ​។​

​ទី​២. ផ្អែក​លើ​បញ្ញត្តិ​ច្បាប់​ជាតិ​របស់​កម្ពុជា​ដែល​មាន​ជា​ធរមាន ស្ថានភាព​លោក កឹម សុខា បច្ចុប្បន្ននេះ មិន​ដូច​ស្ថានភាព​របស់​ពលរដ្ឋ​និង​អ្នកនយោបាយ​ទូទៅ​នោះ​ទេ ព្រោះ​គាត់​កំពុង​ជាប់​ពិរុទ្ធ​និង​បទ​ចោទ និង​ស្ថិត​ក្នុង​ដំណាក់កាល​នីតិវិធី​នៃ​ការ​ស៊ើបសួរ​របស់​តុលាការ ហើយ​ត្រូវបាន​តុលាការ​សម្រេច​ដោះលែង​ឱ្យ​នៅ​ក្រៅ​ឃុំ​ស្ថិត​ក្រោម​ការត្រួតពិនិត្យ​តាម​ផ្លូវ​តុលាការ ដែល​ក្នុង​ដំណាក់កាល​នេះ ច្បាប់​អនុញ្ញាត​ឱ្យ​តុលាការ​អាច​ធ្វើកា​រក​ម្រឹត​នូវ​សិទ្ធិសេរីភាព​មួយចំនួន រួមទាំង​សិទ្ធិ​នយោបាយ​ផង​ដែរ ដើម្បី​ជា​ប្រយោជន៍​នៃ​ការ​ស៊ើបសួរ​។​

​ទី​៣. ក្នុងដំណាក់កាល​នីតិវិធី​នៃ​ការ​ស៊ើបសួរ និង​របប​នៃ​ការដាក់​ឱ្យ​នៅ​ក្រៅ​ឃុំ​ស្ថិត​ក្រោម​ការត្រួតពិនិត្យ​តាម​ផ្លូវ​តុលាការ​នេះ ច្បាប់​មិន​បាន​កំណត់​អំពី​រយៈពេល​អតិបរិមា​ឡើយ ពោល​គឺ​អាស្រ័យ​លើ​ចៅក្រម​ស៊ើបសួរ​ជា​អ្នក​កំណត់​ដោយ​ផ្អែល​លើ​លទ្ធផល​នៃ​ការស៊ើបអង្កេត​។​

​ទី​៤. ផ្អែក​លើ​បញ្ញត្តិ​នីតិវិធី​ច្បាប់​ជាតិ​របស់​កម្ពុជា​ដែល​មាន​ជា​ធរមាន ការសម្រេច​ទម្លាក់ចោល​បទ​ចោទ​ឬ​មិន​ទម្លាក់ ជា​សិទ្ធិ​របស់​តុលាការ​ដែល​ជា​ស្ថាប័ន​ឯករាជ្យ ហើយ​ត្រូវ​ធ្វើឡើង​ដោយ​ផ្អែក​លើ​មូលដ្ឋាន​ច្បាប់​និង​លទ្ធផល​នៃ​ការស៊ើបអង្កេត ដោយ​មិន​ត្រូវ​ទទួលរង​សម្ពាធ​និង​ការបង្គាប់បញ្ជា​របស់​ភាគី​ណាមួយ​ឡើយ រួម​ទាំង​ស្ថាប័ន​អន្តរជាតិ និង​អង្គទូត​ផងដែរ ៕​

Ads detail bottom 2
Ads detail bottom 1
ព័ត៌មានផ្សេងទៀត
14 December, 2019 05:41 PM
​ខេត្ត​រតនគិរី៖ រដ្ឋលេខាធិការ​ក្រសួង​បរិស្ថាន សហការណ៍​ជាមួយ​ក្រសួង​សេដ្ឋកិច្ច និង​ហិរញ្ញវត្ថុ ចុះ​ពិនិត្យ​ដើមឈើ​ក្លាយជា​ថ្ម ដែល​មាន​អាយុកាល​រាប់​ពាន់​លាន​ឆ្នាំ បន្ទាប់​ពី​មន្ត្រី​ការិយាល័យ​បេតិកភណ្ឌ​វប្បធម៌ នៃ​នាយកដ្ឋាន​តំបន់​វប្បធម៌​របស់​ក្រសួង​បរិស្ថាន បាន​ចុះ​ស្រាវជ្រាវ​រយៈពេល​កន្លងមក​។​
14 December, 2019 10:35 AM
ភ្នំពេញ​៖ ​ប្រជាពលរដ្ឋ​ម្នាក់ ទំនង​ជា​អត់​ទ្រាំ​លែង​បាន ដោយ​បង្ហាញ​ជា​សាធារណៈ ថា ក្រុមហ៊ុន​មួយ​ឈ្មោះ ហា​វេស ផេរ​ភើរ កំពុង​បង្ក​ការក្តៅក្រហាយ​ដល់​ប្រជាពលរដ្ឋ ទាំង​បញ្ហា​ចត​ឡាន​ស្ទះ​ពេញ​ផ្លូវ និង បញ្ហា​កាកសំណល់​គ្មាន​អនាម័យ​បំពុល​បរិស្ថាន ។
13 December, 2019 04:22 PM
កណ្តាល​៖ ​បញ្ហា​សន្តិសុខ និង សុវត្ថិភាព ហាក់​មិនទាន់​មាន​សភាព​ល្អប្រសើ​រ​ប៉ុន្មាន​ទេ ក្រោយពី​អធិការ​នគរបាល​ក្រុង​តាខ្មៅ ឡើង​ថ្មី​ភ្លាម ឃើញថា ។ មិនទាន់​ល្អប្រសើរ​នេះ គឺ បន្ទាប់ពី​មាន​ជនល្មើស​មួយក្រុម​បាន​ស្ទាក់​កាប់​លើ​ប្រជាពលរដ្ឋ បណ្តាលអោយ​រងរបួស​ធ្ងន់​ស្រាល​ចំនួន​៤​នាក់ ។​
13 December, 2019 04:09 PM
ភ្នំពេញ​៖ ​របាយការណ៍​សមត្ថកិច្ច នៅ​ថ្ងៃ​ទី​១៣ ខែ​ធ្នូ នេះ បង្ហាញថា រយៈពេល​១​យប់​១​ថ្ងៃ ថ្ងៃទី​១២ ខែ​ធ្នូ កម្លាំង​អាវុធហត្ថ​រាជធានី​ភ្នំពេញ បាន​ស្រាវជ្រាវ​ពួនស្ទាក់ ដោយ​បង្ក្រាបបាន​ជនល្មើស ចំនួន​៥​ក្រុម និង ជនសង្ស័យ​ចំនួន​២៨​នាក់ ។​
13 December, 2019 10:06 AM
ភ្នំពេញ​៖ ​នេះ​ជា​ការហួសចិត្ត​មួយ ដែល​លោក ឯក ឃុន​ដឿ​ន អភិបាល​ខណ្ឌ​ទួលគោក អសមត្ថភាព​ខ្លួនឯង​ក្នុង​ការទប់ស្កាត់​ល្បែងស៊ីសង​គ្រប់​ប្រភេទ បែរជា​មក​បន្ទោស​អ្នកសារព័ត៌មាន ថា មិន​មាន​ឆន្ទៈ​ចូលរួម​បង្ក្រាប​ទៅវិញ ។​
13 December, 2019 09:50 AM
ភ្នំពេញ​៖ ​កម្លាំង​ជំនាញ​របស់​អធិការដ្ឋាន​នគរបាល​ខណ្ឌ​កំបូល សហការ​ជាមួយ​កម្លាំង​ជំនាញ​ការិយាល័យ​កំរិតធ្ងន់​នៃ​ស្នងការដ្ឋាន​នគរបាល​រាជធានី​ភ្នំពេញ នៅ​ថ្ងៃ​ទី​១២ ខែ​ធ្នូ នេះ បាន​ធ្វើ​ការស្រាវជ្រាវរ​ហូត​ដល់​ឈាន​ដល់​ការឃាត់ខ្លួន​មុខសញ្ញា​បាន​៣​នាក់ ។​
12 December, 2019 07:05 PM
ភ្នំពេញ​៖ ​សម្តេច​តេជោ ហ៊ុន សែន នាយករដ្ឋមន្ត្រី​នៃ​កម្ពុជា តាមរយៈ​បណ្តាញ​សង្គម​ហ្វេ​សប៊ុក នៅ​ព្រលប់​ថ្ងៃទី​១២ ខែ​ធ្នូ នេះ មានប្រសាសន៍ថា ច្បាស់​ណាស់ កត្តា​សន្តិភាព គឺ មាន​សារៈសំខាន់​ខ្លាំង​បំផុត ជាពិសេស​សម្រាប់​ប្រទេស​កម្ពុជា​ដែល​ធ្លាប់បាន​ឆ្លងកាត់​សង្គ្រាម និង វិនាសកម្ម​នៃ​របប​ប្រល័យពូជសាសន៍​កន្លងមក​ដែល​បាន​បំផ្លាញ​ជីវិត​មនុស្ស​រាប់​លាន​នាក់ និង បាន​ធ្វើអោយ​ប្រទេស​ជាតិ​អន្តរាយ​ធ្លាក់​ក្រោម​ចំណុចសូន្យ ។ ពិត​ប្រាកដ​ណាស់ “ មាន​សន្តិភាព ទើប​ពលរដ្ឋ​មាន​សិទ្ធិសេរីភាព , មាន​សន្តិភាព ទើប​ប្រទេស​ជាតិ​មាន​ការអភិវឌ្ឍន៍​រីកចម្រើន​ទៅបាន​” ។​
12 December, 2019 06:56 PM
ភ្នំពេញ​៖​ ​សមត្ថកិច្ច​ជំនាញ​នៃ​ការិយាល័យ​ស្រាវជ្រាវ​បទល្មើស​ព្រហ្មទណ្ឌ កងរាជអាវុធហត្ថ​រាជធានី​ភ្នំពេញ  នៅ​ថ្ងៃ​ទី​១២ ខែ​ធ្នូ នេះ បាន​បញ្ជូន​ជនសង្ស័យ​ម្នាក់ ទៅ​តុលាការ ពាក់ព័ន្ធ​ករណី​លួច​រថយន្ត ដើម្បី​ផ្តន្ទាទោស​តាមច្បាប់ ។​
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact