អំណោយ​សម្ភារៈ​សិក្សា​មួយចំនួន ត្រូវបាន​ព្រះ​ចៅអធិការ​វត្ត​សុវណ្ណ​រង្សី នាំយកមក​ចែកជូន​ដល់​សិស្សានុសិស្ស​នៅ​សាលាបឋមសិក្សា​បុរី​កម្មករ​៣

ខេត្ត​រតនគិរី​៖ ដើម្បី​ចូលរួម​ចំណែក​ក្នុង​ការលើកស្ទួយ​ផ្នែក​វិស័យ​អប់រំ នៅ​ព្រឹក​ថ្ង

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
អំណោយ​សម្ភារៈ​សិក្សា​មួយចំនួន ត្រូវបាន​ព្រះ​ចៅអធិការ​វត្ត​សុវណ្ណ​រង្សី នាំយកមក​ចែកជូន​ដល់​សិស្សានុសិស្ស​នៅ​សាលាបឋមសិក្សា​បុរី​កម្មករ​៣
Mon, 14 October 2019 08:43 PM ដោយ ៖ ផុនខេត្ត​រតនគិរី​៖ ដើម្បី​ចូលរួម​ចំណែក​ក្នុង​ការលើកស្ទួយ​ផ្នែក​វិស័យ​អប់រំ នៅ​ព្រឹក​ថ្ងៃទី ១៤ ខែតុលា ឆ្នាំ​២០១៩​នេះ ព្រះ​តេជគុណ ព្រះ​បញ្ញា ព្រះនាម សោភ័ណ ដន​លាង ជា​រាជ​គណៈ​ថ្នាក់​កិត្តិយស ព្រះ​វិន័យ​ធម៌ ស្រុក​កងមាស និង​ជា​ព្រះចៅអធិការ​វត្ត សុវណ្ណ​រង្សី ស្ថិតនៅ​ឃុំ​អង្គរ ស្រុក​កងមាស ខេត្ត​កំពង់ចាម បាន​សហការ​ជាមួយ​អាជ្ញាធរ​ក្រុង​បាន​លុង នាំ​យក​សម្ភារៈ​សិក្សា​មួយចំនួន​ទៅ​ចែកជូន​ដល់​សិស្សានុសិស្ស រៀន​នៅ​សាលាបឋមសិក្សា​បូរី​កម្មករ​៣​។​
   
នៅ​ព្រឹក​ថ្ងៃទី​១៤ ខែតុលា ឆ្នាំ​២០១៩ សិស្ស​រៀន​នៅ​សាលាបឋមសិក្សា​បុរី​កម្មករ​៣ ដែល​មាន​ទីតាំង​ស្ថិតក្នុង​ភូមិ​៣ សង្កាត់​កា​ចាញ ក្រុង​បាន​លុង ខេត្ត​រតនគិរី ប្រមាណ​ជាង​៣០០​នាក់ បានទទួល អំណោយ​សម្ភារៈ​សិក្សា ពី​ព្រះ​តេជ​គុណ ព្រះចៅអធិការ​វត្ត សុវណ្ណ​រង្សី ខេត្ត​កំពង់ចាម បន្ទាប់​ពី​ព្រះ​តេជ​គុណ បាន​និមន្ត នាំយក​អំណោយ​ពី​ទី​ឆ្ងាយ មក​សហការ ជាមួយ​អាជ្ញាធរ​ក្រុង​បាន​លុង ចុះ​ចែក​ជូន​ដល់​សិស្សានុសិស្ស បំពេញ​ក្នុង​ការខ្វះខាត​សម្ភារៈ​សិក្សា​។​
   
ព្រះ​តេជគុណ បាន​មាន​សង្ឃដីការ ដាស់តឿន និង​ជំរុញ​ដល់​សិស្សានុសិស្ស​ទាំងអស់ឲ្យ​ខិតខំ​ប្រឹង​ប្រែង​រៀនសូត្រ​ដើម្បី​អនាគត​របស់​ខ្លួន និង​ប្រទេសជាតិ​ពីព្រោះ​សិស្សានុសិស្ស ជា​ក្មេងជំនាន់ក្រោយ ហើយ​ជា​អ្នក​បន្តវេន​កសាង និង​អភិវឌ្ឍ​ប្រទេសជាតិ​។ ព្រះ​តេជគុណ បាន​មាន​សង្ឃដីកា​បន្តថា ការចែក​សម្ភារៈ​សិក្សា​នៅពេលនេះ គឺជា​ការចែករំលែក​ទា​ន មិន​សំដៅ​ទៅលើ​ភូមិ​ឃុំ​ស្រុក​របស់​ខ្លួន​នោះ​ទេ ឲ្យតែ​នៅ​តំបន់​ណា​មាន​ការខ្វះខាត​។​
   
ដើម្បី​លើកទឹកចិត្ត​ដល់​សិស្សានុសិស្ស​ឲ្យ​រៀន​កាន់តែ​ពូកែ ព្រះ​តេជគុណ​ក៏​បាន​សន្យា​ជាមួយ​សិស្សានុសិស្ស​ថា និង​ផ្ដល់​ជំនួយ​ដល់​សិស្ស​ណា ដែល​រៀន​ជាប់​ចំណាត់ថ្នាក់ ក្នុង​មួយ​ថ្នាក់ ៥​នាក់ ជា​រៀងរាល់​ខែ​។ បន្ថែម​ពី​នេះ​ទៀត ព្រះ​តេជគុណ​សន្យាថា ឆ្នាំក្រោយ ព្រះ​តេជគុណ​នឹង​នាំ​សម្ភារៈ​មក​ចែក​ជូន​ដល់​សិស្សានុសិស្ស​ក្នុង​សាលា​បឋមសិក្សា​បុរី​កម្មករ​៣ នេះ​ជា​បន្ត​ទៀត​។​
   
លោក គង់ សុខ ជា​នាយក​សាលា​បឋមសិក្សា​បុរី​កម្មករ​៣ បានឲ្យដឹងថា សាលាបឋមសិក្សា​កម្មក​រ​៣ មាន​អាគារ​ពីរ​ខ្នង ៨​បន្ទប់ កំពង់​សិក្សា មាន​គ្រូបង្រៀន​៩​នាក់ គ្រូ​ស្រី​៥​នាក់ និង​គ្រូ​មតេយ្យ​សហគមន៍​១​នាក់​។ សិស្ស​សិក្សា​ឆ្នាំ ២០១៨- ២០១៩ មាន​ចំនួន ២៦០​នាក់ ក្នុងនោះ​មាន​សិស្ស​ជា​ជនជាតិដើម​ភាគតិច​ចំនួន ៦០​ភាគរយ សិស្ស​ខ្មែរ​ចំនួន ៤០​ភាគរយ​។ លោក​បញ្ជាក់​បន្ថែម​ទៀត​ថា ដោយឡែក​ឆ្នាំនេះ សិស្ស​មាន​ការកើនឡើង​ជាង​ឆ្នាំ​មុនៗ​។ ចំពោះ​ការសិក្សា​វិញ ភាគច្រើន​សុទ្ធតែ​ជា​កូន​កម្មករ​ជៀរ​ជ័រកៅស៊ូ​។​
   
សូម​បញ្ជាក់​ផង​ដែរ​ថា សម្ភារៈ​សិក្សា​ដែល​ព្រះ​តេជ​គុណ បាន​យក​អំណោយ​មក​ចែកជូន​ដល់​សិស្សានុសិស្ស នាពេលនេះ ក្នុង​ម្នាក់ៗ ទទួលបាន​សៀវភៅសរសេរ​ចំនួន​៥​ក្បាល ខ្មៅ​ដៃ ប៊ិច កាតា​ប​មួយ និង​ថវិកា ចំនួន​២០០០៛​។

ដោយឡែក​សម្រាប់​លោកគ្រូ អ្នកគ្រូ ម្នាក់ៗ​ទទួលបាន​សារុង មួយ និង​ថវិកា ៣០០០០​រៀល​ផង​ដែរ​៕












Ads detail bottom 2
Ads detail bottom 1
ព័ត៌មានផ្សេងទៀត
26 May, 2020 10:44 AM
ភ្នំពេញ​៖ ​អធិការ​នគរបាល​ខណ្ឌមានជ័យ លោក​វរសេនីយ៍ឯក ម៉េង វិមាន​តារា ថ្លែងប្រាប់ នៅ​ថ្ងៃ​ទី​២៦ ខែ​ឧសភា ឆ្នាំ​២០២០ នេះ ថា ជនសង្ស័យ​២៧​នាក់ រួមទាំង​អ្នកកាសែត​១៣​នាក់ ផង នឹង​ត្រូវ​បញ្ជូន​ទៅ​តុលាការ ដើម្បី​ចាត់ការ​តាម​ច្បាប់​ករណី​លេងល្បែង​ជល់​មាន់ នៅ​ផ្លូវ ឌួង ឌៀប ឬ ផ្លូវ «​សេះស​» ភូមិ​ដំណាក់​ធំ​៣ សង្កាត់​ស្ទឹងមានជ័យ​ទី​៣ ។​
26 May, 2020 09:12 AM
ភ្នំពេញ​៖ ​លោក ឃួ​ង ស្រេង អភិបាល​រាជធានី​ភ្នំពេញ កាលពី​ថ្ងៃ​ទី​២៥ ខែ​ឧសភា ឆ្នាំ​២០២០ ម្សិលមិញ​នេះ បាន​ចេញ​សេចក្តីណែនាំ​មួយ ស្តីពី «​ការបន្ត​អប់រំ​សុខភាព​ជូន​ប្រជាពលរដ្ឋ និង ការពង្រឹង​ការងារ​តាមដាន​ការអនុវត្ត​វិធានការ​ការពារ​លើក​ទី​២ នៃ​ការចម្លង​មេ​រោគកូ​វីដ​-១៩ នៅ​រាជធានី​ភ្នំពេញ​» ដោយ​ក្នុង​នោះ​មាន​ចំនួន​៧​ចំណុច​សំខាន់ៗ ។
26 May, 2020 09:03 AM
ភ្នំពេញ​៖ ​អគ្គនាយកដ្ឋាន​ពន្ធដា​រ​នៃ​ក្រសួង​សេដ្ឋកិច្ច​និង​ហិរញ្ញវត្ថុ អះអាងថា ការប្រមូល​ពន្ធ​លើ​មធ្យោបាយ​ដឹកជញ្ជូន​និង​យានជំនិះ​គ្រប់​ប្រភេទ​សម្រាប់​ឆ្នាំ​២០២០ នឹង​ត្រូវ​ដាក់អោយអនុវត្ត​ចាប់ពី​ថ្ងៃ​ទី​១ ខែមិថុនា រហូត​ដល់​ថ្ងៃ​ទី​៣០ ខែវិច្ឆិកា ឆ្នាំ​២០២០ តទៅ ។
26 May, 2020 08:57 AM
ភ្នំពេញ​៖ ​អ្នកនាំពាក្យ​ក្រសួង​ការពារជាតិ មាន​ការសោកស្តាយ និង ខកចិត្ត​ជា​ខ្លាំង​ចំពោះ​ការរិះគន់ ដោយ​គ្មាន​សតិសម្បជញ្ញៈ​របស់​ក្រុម​ឧទ្ទាម​ក្រៅច្បាប់​មួយចំនួន ដែល​បាន​វាយប្រហារ​មកលើ​កិច្ចការ​មនុស្សធម៌ របស់​ក្រសួង​ការពារជាតិ នៃ​ព្រះរាជាណាចក្រ​កម្ពុជា តាមរយៈ​ការបំពាក់​មេដាយ ជា​គ្រឿង​ឥស្សរិយយស​ដោយ សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួង​ការពារជាតិ ក្នុងនាម​រាជរដ្ឋាភិបាល​នៃ​រដ្ឋ​អធិបតេយ្យ ឯករាជ្យ ជូន​ដល់ មន្ត្រី​យោធា​ជំនាញ​វេជ្ជសាស្ត្រ នៃ​សាធារណរដ្ឋ​ប្រជាមានិត​ចិន ដែល​បាន​មក​ជួយ​កម្ពុជា ប្រយុទ្ធប្រឆាំង​នឹង​ជំងឺ​កូវី​ដ​១៩​។​
25 May, 2020 09:25 AM
ភ្នំពេញ​៖ ​កាលពី​វេលា​ម៉ោង​១៦៖១០​នាទី រសៀល ថ្ងៃទី​២៤ ខែ​ឧសភា ឆ្នាំ​២០២០ ម្សិលមិញ​នេះ មាន​ករណី​អគ្គិភ័យ​មួយ ឆេះ​ក្លឹប​កម្សាន្ត EDM ស្ថិត​តាម​បណ្តោយ​ផ្លូវ​រដ្ឋ​សភា ខាងក្រោយ​ស្ថានទូត​រុស្សី ក្នុង​សង្កាត់​ទន្លេបាសាក់ ខណ្ឌចំការមន ។​
25 May, 2020 09:16 AM
​ភ្នំពេញ​៖​ ​នាយកដ្ឋាន​ប្រយុទ្ធ​នឹង​ជំងឺឆ្លង​នៃ​ក្រសួង​សុខាភិបាល អះអាងថា ជំងឺ​កូវី​ដ​-១៩ នៅតែ​បន្ត​គំរាមកំហែង​យើង​ជាប់​ជានិច្ច សូម​បងប្អូន​បន្ត​ប្រុងប្រយ័ត្ន​ជាប់​ជានិច្ច ដោយ​ធ្វេី​អនាម័យ នៅ​ឃ្លាត​ឆ្ងាយ​ពីគ្នា មិន​ចេញ​ក្រៅ​ផ្ទះបើមិនចាំបាច់ ព្រោះ​ប្រទេស​ជិតខាង​យេ​ី​ង​និង​ពិភពលោក​កំពុង​បន្ត​រាតត្បាត​ជំងឺ​កូវី​ដ​-១៩ ដ៏​ខ្លាំងក្លា​នៅឡើយ ។​
23 May, 2020 08:26 AM
​ភ្នំពេញ​៖ ​ស្ត្រី​ជនជាតិ​ខ្មែរ​ម្នាក់ មាន​អាយុ​៣៩​ឆ្នាំ រស់នៅ​សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ត្រូវបាន​រកឃើញ​ថា មាន​ផ្ទុក​វីរុស​កូវី​ដ​-១៩ ដែល​បច្ចុប្បន្ន​កំពុង​ស​ម្រាក​ព្យាបាល​នៅ​មន្ទីរពេទ្យ​មិត្តភាព​ខ្មែរ​-​សូ​វៀត ហៅ​ពេទ្យរុស្ស៊ី ។
22 May, 2020 02:11 PM
ភ្នំពេញ​៖ ​ក្រសួង​សុខាភិបាល​កម្ពុ​ជា ប្រកាសថា បុរស​ជនជាតិ​ខ្មែរ​ម្នាក់ អាយុ​២៦​ឆ្នាំ មាន​ទីលំនៅ​ឃុំ​កំពង់ត្រាច ស្រុក​កំពង់ត្រាច ខេត្ត​កំពត ត្រូវបាន​រកឃើញ​មាន​ផ្ទុក​វីរុស​កូវី​ដ​-១៩ ដែល​បច្ចុប្បន្ន​បាន​បញ្ជូន​ទៅ​សម្រាក​ព្យាបាល នៅ​មន្ទីរពេទ្យ​មិត្តភាព​ខ្មែរ​-​សូ​វៀត ហៅ​ពេទ្យរុស្ស៊ី ។​
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact