ចោរ​គាស់​ផ្ទះ​លួច​ម៉ូតូ​២​នាក់ ត្រូវបាន​កម្លាំង​អាវុធហត្ថ​រាជធានី​ភ្នំពេញ បញ្ជូនទៅ​តុលាការ​

​ភ្នំពេញ​៖ ​សមត្ថកិច្ច​ជំនាញ​នៃ​ការិយាល័យ​ស្រាវជ្រាវ​បទល្មើស​ព្រហ្មទណ្ឌ កងរាជអាវុធហត

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
ចោរ​គាស់​ផ្ទះ​លួច​ម៉ូតូ​២​នាក់ ត្រូវបាន​កម្លាំង​អាវុធហត្ថ​រាជធានី​ភ្នំពេញ បញ្ជូនទៅ​តុលាការ​
Sat, 12 October 2019 10:58 AM ដោយ ៖ មេត្តា​ភ្នំពេញ​៖ ​សមត្ថកិច្ច​ជំនាញ​នៃ​ការិយាល័យ​ស្រាវជ្រាវ​បទល្មើស​ព្រហ្មទណ្ឌ កងរាជអាវុធហត្ថ​រាជធានី​ភ្នំពេញ កាលពី​ថ្ងៃ​ទី​១១ ខែតុលា បាន​បញ្ជូន​ជនសង្ស័យ​២​នាក់ ទៅ​តុលាការ ពាក់ព័ន្ធ​ករណី​លួច​មាន​ស្ថាន​ទម្ងន់ទោស លួច​គាស់​ផ្ទះ​យក​ម៉ូតូ ។​

​សមត្ថកិច្ច បញ្ជាក់ថា ជនសង្ស័យ ឈ្មោះ យ៉េន ម៉ាឡែន ហៅ​ប្រុស អាយុ ៣១​ឆ្នាំ និង ឈ្មោះ ជា សុវណ្ណ ហៅ​ជ្រុយ ហៅ​ឡេវ អាយុ ៤៩​ឆ្នាំ បានធ្វើ​សកម្មភាព លួច​គាស់​ផ្ទះ​មួយ​កន្លែង នៅ​ចំណុច​ផ្ទះជួល​១B ផ្លូវ​លេខ​៣ ក្រុម​៣ ភូមិ​ទួល​សំពៅ សង្កាត់​ទួល​សង្កែ​១ ខណ្ឌ​ឫស្សីកែវ រាជធានី​ភ្នំពេញ កាលពី​ថ្ងៃ​ទី​៨ ខែតុលា ឆ្នាំ​២០១៩ វេលា​ម៉ោង​៦៖៣០​នាទី​ព្រឹក ដោយ​យក​ម៉ូតូ​បាន​២​គ្រឿង ម៉ាក​ហុងដា សេ​១២៥ ពណ៌​ខ្មៅ ស៊េរី​ឆ្នាំ​២០១៩ ផ្លាកលេខ កណ្តាល 1AE-3911 និង មួយគ្រឿង​ទៀត​ម៉ាក Zoomer-X ពណ៌​ត្រួយ​ចេក ផ្លាកលេខ ភ្នំពេញ 1GM-4425 ។​

​បន្ទាប់ពី​ជនរងគ្រោះ​បានដឹង​ថា​ម៉ូតូ​របស់​ខ្លួន​ត្រូវ​ចោរលួច​គាស់​ទ្វារផ្ទះ​យក​បាត់ ក៏​បាន​ទៅ​ដាក់​ពាក្យបណ្តឹង​នៅ​មូលដ្ឋាន កងរាជអាវុធហត្ថ​រាជធានី​ភ្នំពេញ ក្នុង​ខណ្ឌ​ឫស្សីកែវ​ដើម្បី​ជួយ​ស្រាវជ្រាវ​។

​ក្រោយពេល​ទទួល​ពាក្យបណ្តឹង​ភ្លាម អាវុធហត្ថ​ខណ្ឌឫស្សីកែវ បាន​ធ្វើ​ការស្រាវជ្រាវរ​ហូត​ឈានដល់​ការឃាត់ខ្លួន​ជនសង្ស័យ​២​នាក់ នៅ​រសៀល​ថ្ងៃ​ទី​៨ ខែតុលា ក្រោយ​ធ្វើ​សកម្មភាព បាន​ប៉ុន្មាន​ម៉ោង​ប៉ុណ្ណោះ ។

​ក្រោម​វិធានការ​ជំនាញ​របស់​អាវុធហត្ថ​រាជធានី​ភ្នំពេញ ជនសង្ស័យ​ទាំង​២​នាក់​នេះ បាន​សារភាព​ថា ពួកគេ​ពិតជា បានធ្វើ​សកម្មភាព​លួច​គាស់​ផ្ទះ​ចូល​លួច​ម៉ូតូ​របស់​ប្រជា​ពលរដ្ឋ​ពិតប្រាកដ​មែន ហើយ​ក្នុង​ពេល​ធ្វើ​សកម្មភាព​រូបគេ​ទាំង​២​នាក់ បាន​កាន់​ដែក​ទី​ប​១​ដើម​ប្រវែង​៥​តឹក ដើរ​កាត់​តាម​ផ្ទះជួល​នៅ​ចំណុច​ខាងលើ ។​

​បន្ទាប់មក​ពួកគេ​បានឃើញ ផ្ទះជួល មួយ​ល្វែង ហើយ​បាន​អើត​ទៅ​ខាង​ក្នុង​ឃើញ​មាន​ម៉ូតូ ៣​ទៅ​៤​គ្រឿង ។

ភ្លាមនោះ ពួកគេ​បាន​យក​ដែក​ទីប​ដែល​កាន់​ជាប់ដៃ គាស់​ទ្វារផ្ទះ​ចូល​ទៅ​លួច​យក​តែ​ម្តង​។ រូបគេ​ទាំង​២​នាក់ បាន​ប្រាប់​បន្ថែមថា កន្លងមក ពួកគេ​ធ្លាប់​ជាប់​ពន្ធនាគារ​ព្រៃ​ស​រយៈពេល​១​ឆ្នាំ​រួច​ម្តង​ហើយ ពីបទ​លួច​៕​




Ads detail bottom 2
Ads detail bottom 1
ព័ត៌មានផ្សេងទៀត
26 June, 2020 02:33 PM
កណ្តាល​៖ ​ប្រជាពលរដ្ឋ រស់នៅ​ភូមិ​កំពង់​ទ្រា ឃុំ​ស្អាង​ភ្នំ ស្រុក​ស្អាង ខេត្ត​កណ្តាល សម្តែង​ការ​អស់​ជំនឿ​លើ​អាជ្ញាធរ​ស្រុក​ស្អាង​ដែល​មិន​មាន​ចំណាត់ការ​ចំពោះ​ក្រុម​ឡាន​ដឹក​ដី​ដែល​កំពុង​ញាំញី​ជាន់​កម្ទេច​ផ្លូវ​បេតុង ។
26 June, 2020 10:23 AM
ភ្នំពេញ​៖ ​តាម​ការសង្កេត​ជាក់ស្តែង​របស់​អ្នកសារព័ត៌មាន បានអោយដឹងថា កាលពី​យប់​ថ្ងៃ​ទី​២៥ ខែមិថុនា ឆ្នាំ​២០២០ KTV ជាង​១០​កន្លែង នៅ​ខណ្ឌមានជ័យ កំពុង​ដំណើរការ​យ៉ាង​រលូន ប្រឆាំង​បទបញ្ជា​របស់​ក្រសួង​សុខាភិបាល ពាក់ព័ន្ធ​ការទប់ស្កាត់​និង​បង្កា​រការ​នៃ​រីក​រាលដាល​ជំងឺ​កូវី​ដ​-១៩ ។
26 June, 2020 10:14 AM
ភ្នំពេញ​៖ ​លោក ម៉ម ប៊ុនហេង រដ្ឋមន្ត្រីក្រសួង​សុខាភិបាល នា​ល្ងាច​ថ្ងៃទី​២៥ ខែមិថុនា ឆ្នាំ​២០២០ នេះ បានធ្វើការ​ក្រើនរំលឹក​អំពាវនាវ​សារ​ជាថ្មី​ម្តងទៀត ជូន​ដល់​បងប្អូន​ប្រជាពលរដ្ឋ​ទាំងអស់ឲ្យ​បន្ត​អនុវត្តន៍​វិធានការ​ការពារ​ការចម្លង​វីរុស​កូវី​ដ​-១៩ ឲ្យបាន​ខ្ជ្ជាប់ខ្ជួន ដើម្បី​កុំឲ្យ​កើត​មាន​ជំងឺ​កូវី​ដ​-១៩ ដែល​អាច​ឈាន​ដល់​ការស្លាប់​បាត់បង់​ជីវិត​ផងដែរ ។
25 June, 2020 08:01 PM
ភ្នំពេញ​៖​ ក្នុង​ទឹកដី​ខណ្ឌដង្កោ ផ្លូវ​លេខ​២១A ចាប់​ពី​រង្វង់​កួរស្រូវ ឆ្ពោះ​មក​កាន់​ផ្សារ​កំពង់កន្ទួត ឡានធំៗ​កំពុង​បង្ក​ការភ័យខ្លាច​ដល់​អ្នក​ធ្វើ​ដំណើរ យ៉ាងខ្លាំង តែ​អាជ្ញាធរ​ខណ្ឌ​ដង្កោ ហាក់​មិន​ខ្វាយខ្វល់​ពី​ទុក្ខលំបាក​ប្រជាពលរដ្ឋ ទាល់តែសោះ ។​
25 June, 2020 07:49 PM
ភ្នំពេញ​៖ ​សមាគម​អ្នកសារព័ត៌មាន​កម្ពុជា​-​ចិន ហៅ​កាត់​ថា សស​កច​-CCJA នៅ​ព្រឹក​ថ្ងៃទី​២៥ ខែមិថុនា ឆ្នាំ​២០២០ នេះ បាន​រៀបចំ​ពិធី​ចែក​អំណោយ ជូន​ដល់​អ្នកសារព័ត៌មាន​កម្ពុជា ដែល​ជួបប្រទះ​ការខ្វះខាត​ជីវភាព​ចំនួន​៥០​នាក់ ក្នុងអំឡុងពេល​ប្រឈម​នឹង​ការ​រាតត្បាត​ជំងឺ​កូវី​ដ​-១៩ នៅ​កម្ពុជា នៅ​ទីស្នាក់ការ​កណ្តាល «​សស​កច​» អគារ​សមាគម​សម្ព័ន្ធ​ខ្មែរ​ចិន ក្នុង បុរី​រុងរឿង សង្កាត់​ព្រែកលៀប ខណ្ឌ​ជ្រោយចង្វារ រាជធានី​ភ្នំពេញ ។​
25 June, 2020 06:39 PM
ភ្នំពេញ​៖ ​រដ្ឋមន្ត្រី​ក្រសួង​កសិកម្ម រុក្ខា​ប្រមាញ់ និង នេសាទ លោក វេង សាខុន មើលឃើញថា សកម្មភាព​បទល្មើស​ពាក់ព័ន្ធ​នឹង​ការ​នេសាទ​ខុសច្បាប់ ការកាប់​រាន​ដី​ព្រៃឈើ និង ព្រៃ​លិច​ទឹក ការដឹកជញ្ជូន​ផល អនុផល​ព្រៃឈើ និង ការកាប់​រាន ដុត ឈូសឆាយ​ដី​រដ្ឋ​ខុសច្បាប់ នៅតែ​បន្ត​កើតមានឡើង​គួរអោយ​កត់សម្គាល់​នៅតាម​បណ្តា​ខេត្ត​មួយចំនួន ។​
25 June, 2020 09:43 AM
កណ្តាល​៖ ​ប្រជាពលរដ្ឋ អះអាងថា ក្រុម​ទូក​ស្មាច់​កាវ​លៀស​ប្រមាណ​៣០​គ្រឿង មកពី​ខេត្ត​សៀមរាប​និង​ខេត្ត​កំពង់ឆ្នាំង បាន​មកដល់​ក្រុង​តាខ្មៅ ខេត្ត​កណ្តាល ជិត​មួយ​សប្តាហ៍​មក​ហើយ និង​កំពុង​ធ្វើ​សកម្មភាព​អូស​យក​ខ្ចៅខ្យង​លៀស​តូចធំ​ដោយ​ប្រេី​ឧបករណ៍​ខុសច្បាប់ ឡើង​រញ្ជួយ​ទន្លេបាសាក់​ឡើង​វល់​ទឹក ពោល​គឺ កំពុង​បំផ្លាញ​ធនធានធម្មជាតិ​ក្នុង​ទន្លេ​ស្ទើរ​គ្មាន​សល់ ។
23 June, 2020 03:02 PM
កំពង់ឆ្នាំង​៖ ​តាម​សេចក្តីរាយការណ៍​ពី​ប្រជាពលរដ្ឋ បានអោយដឹងថា មាន​សកម្មភាព​ចាក់​ដី​ចូល​ទន្លេ​យ៉ាង​គគ្រឹកគគ្រេង នៅ​ចំណុច​ផែ​ថ្ម ស្ថិតក្នុង​សង្កាត់​ខ្សាម ក្រុង​កំពង់ឆ្នាំង ខេត្ត​កំពង់ឆ្នាំង ។
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact