មូលហេតុ​ដែល​សា​ឡង់​ដឹក​ខ្សាច់​មួយគ្រឿង បើក​បុក​សសរស្ពាន​ព្រែក​តា​មាក់ គឺ ដោយសារ​គេច​នាវា​ទេសចរណ៍

កណ្តាល​៖ ​អនុរដ្ឋលេខាធិការ​ក្រសួង​សាធារណការ​និង​ដឹកជញ្ជូន លោក គង់ វិមាន ថ្លែង ថា នៅ​ព្រឹ

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
មូលហេតុ​ដែល​សា​ឡង់​ដឹក​ខ្សាច់​មួយគ្រឿង បើក​បុក​សសរស្ពាន​ព្រែក​តា​មាក់ គឺ ដោយសារ​គេច​នាវា​ទេសចរណ៍
Wed, 11 September 2019 10:01 AM ដោយ ៖ មេត្តាកណ្តាល​៖ ​អនុរដ្ឋលេខាធិការ​ក្រសួង​សាធារណការ​និង​ដឹកជញ្ជូន លោក គង់ វិមាន ថ្លែង ថា នៅ​ព្រឹក​ព្រលឹម​ថ្ងៃ​ទី​១១ ខែ​កញ្ញា នេះ លោក​ទេសរដ្ឋមន្ដ្រី ស៊ុន ចាន់ថុល រដ្ឋមន្ត្រីក្រសួង​សាធារណការ​និង​ដឹកជញ្ជូន បាន​អញ្ជើញ​ដល់​ទីតាំង​កើតហេតុ​ហើយ ដើម្បី​បន្ត​ប្រតិបត្តិការ​ទាញ​យក​ចេញ​សាឡង់​ដឹក​ខ្សាច់មួយ​គ្រឿង​ដែល​បុក​សសរស្ពា​ន​ព្រែក​តា​មាក់ ។

​លោក គង់ វិមាន បន្តថា ប្រតិបត្តិការ​ដែល​ឈាន​ចូល​ថ្ងៃទី​៣ នេះ ដោយសារ​អាជ្ញាធរ​ជួប​ការលំបាក​ខ្លាំង ព្រោះ​ចរន្តទឹក​ហូរ​ខ្លាំង និង សាឡង់​ដឹក​ខ្សាច់​មួយនេះ មាន​ទម្ងន់​ធ្ងន់​ប្រមាណ​១០០០​តោន​ឯណោះ ។ ទោះបី​ជួប​បញ្ហា​យ៉ាងណា ក៏ដោយ ក៏​អាជ្ញាធរ​នៅតែ​បន្ត​ការខិតខំ​ប្រឹងប្រែង ដើម្បី​ទាញយក​សា​ឡង់​នេះ​ចេញ​អោយបាន ដោយ​ប្រើ​គ្រប់​មធ្យោបាយ​ទាំងអស់ ។​

​ជាមួយគ្នានេះ មូលហេតុ​នៃ​សាឡង់​ដឹក​ខ្សាច់​ជា​កម្មសិទ្ធិ​របស់​ក្រុមហ៊ុន ង៉ូវ ចាន់ណា បុក​សសរស្ពាន​ព្រែក​តា​មាក់ នេះ គឺ លោក គង់ វិមាន ពុំ​ទាន់​អាច​បញ្ជាក់ប្រាប់​ពី​មូលហេតុ​បាន​នៅឡើយ ខណៈ​លោក ម៉ៅ ភិរុណ អភិបាលខេត្ត​កណ្តាល ថ្លែងថា មូលហេតុ អាចមកពី​សាឡង់​នេះ គេច​ពី​ទូក​ទេសចរណ៍ ។

​របាយការណ៍​ពី​ក្រសួង​សាធារណការ និង ដឹកជញ្ជូន បញ្ជាក់ថា មូលហេតុ​ដោយសា​របើក​គេច​ពី​នាវា​ទេសចរណ៍​មួយគ្រឿង​ទៀត​មាន​ផ្ទុក​មនុស្ស​ច្រើន​បើក​បញ្ជ្រាសទិស​គ្នា ។ ប៉ុន្តែ​តាមរយៈ​រូបភាព​ដែល​ប្រជាពលរដ្ឋ ថត​បាន គឺ សាឡង់​មួយនេះ មិន​បាន​គេច​ពី​ទូក​ទេសចរណ៍ ទេ ដែល​ទំនងជា​អស់​សាំង​ទើប​រលត់​ម៉ាស៊ីន និង ដោយសារ​ដឹក​ធ្ងន់​ពេក ។​

​របាយការណ៍​ពី​ក្រសួង​សាធារណការ និង​ដឹកជញ្ជូន បញ្ជាក់ថា កាលពី​ថ្ងៃអាទិត្យ ទី​៨ ខែ​កញ្ញា វេលា​ម៉ោង​ប្រមាណ ១៣៖៣០​នាទី រសៀល នៅ​ចំណុច​ភូមិសាស្ត្រ ស្រុក​មុខកំពូល ខេត្ត​កណ្តាល មាន​ករណី​សា​ឡង់​ដឹក​ខ្សាច់​មួយគ្រឿង បើកបរ​ដោយ​ឈ្មោះ ភា រ​ម្យ ភេទ​ប្រុស អាយុ​៣៩​ឆ្នាំ រួម​ដំណើរ​ដោយ​ប្រពន្ធ និង​កូន​ធ្វើដំណើរ​តាម​បណ្តោយ​ខ្សែទឹក​ពី​ត្បូង​ទៅ​ជើង បាន​បើក​បុក​សសរស្ពាន​ទី​៨​នៃ​ស្ពាន​ព្រែក​តា​មាក់ ទើរ​ជាប់​នឹង​សរសេរ ស្ថិតនៅ​ចន្លោះ​សសរស្ពាន​សម្រាប់ធ្វើ​នាវាចរណ៍ ដោយសារ​បើក​គេច​ពី​នាវា​ទេសចរណ៍​មួយ​គ្រឿង​ទៀត​មាន​ផ្ទុក​មនុស្ស​ច្រើន​បើក​បញ្ជ្រាសទិស​គ្នា​ពី​ត្បូង​ទៅ​ជើង ហើយ​ត្រូវបាន​ជួយ​សង្គ្រោះ​ដោយ​ទូក​នេសាទ​របស់​បងប្អូន​ខ្មែរ​ឥស្លាម​។​

​បន្ទាប់ពី​មាន​ឧប្បត្តិហេតុ​នេះ​កើតឡើង ក្រុម​ការងារ​បច្ចេកទេស​ជួយ​សង្គ្រោះ​របស់​ក្រសួង​រួមជាមួយ​នឹង​អាជ្ញាធរ​ខេត្ត​កណ្តាល និង​កំពង់ផែ​ស្វយ័ត​ភ្នំពេញ បាន​ប្រជុំ​ពិភាក្សា​រិះរក​មធ្យោបាយ ដើម្បី​ទាញ​រំដោះ​យក​សាឡង់​នោះ​ចេញ​ពី​ជើង​សសរស្ពា​ន ដោយ​ប្រើ​នាវា​សណ្តោង​៣​គ្រឿង​ក្នុងនោះ នាវា​កំពង់ផែ​ស្វយ័ត​ភ្នំពេញ​ចំនួន​២​គ្រឿង និង​នាវា​ក្រុមហ៊ុន​Sovereign ចំនួន​មួយ​គ្រឿង រួម​ជាមួយ​នាវា​បូម​ខ្សាច់​មួយគ្រឿង​ទៀត​ដើម្បី​សម្រាល​បន្ទុក​នាវា ប៉ុន្តែ​ដោយសារ​សាឡង់​ដឹក​ខ្សាច់​នោះ​មាន​ទម្ងន់​ធ្ងន់​ពេក រួមជាមួយ​នឹង កម្លាំង​ទឹក​ហូរ​គួច​ខ្លាំង ប្រតិបត្តិការ​ធ្វើឡើង​នៅ​ពេលយប់ និង​ស្ថានភាព​មិន​អំណោយផល​ផង ក្រុម​ប្រតិបត្តិ​ការជួយ​សង្គ្រោះ មិន​អាច​ទាញ​រំដោះ​យក​សាឡង់​ដឹក​ខ្សាច់​នោះ​ចេញ​បាន​ទេ ហើយ​ប្រតិបត្តិការ​នេះ​នៅ​បន្ត​ឈាន ដល់​ថ្ងៃនេះ​បន្តទៀត​។​

​សាឡង់​ដឹក​ខ្សាច់​នោះ​ពាក់​ផ្លាកលេខ ភព​៦. ៨២៦៣ សំបក​ដែក ម៉ាស៊ីន​ម៉ាក​Mitsubishi មាន​បណ្តោយ ប្រវែង​៤៣.៣០​ម៉ែត្រ ទទឹង​៨.០៥ ម៉ែត្រ ជម្រៅ​ផ្ទុក​ខ្សាច់​ពេញ ២.៥០​ម៉ែត្រ តាម​ការប៉ាន់ស្មាន​មាន​ទម្ងន់ សរុប​ប្រហែល​៨០០​តោន ជា​កម្មសិទ្ធិ​របស់​ក្រុមហ៊ុន ង៉ូវ ចាន់ណា បាន​ចុះបញ្ជី​ការ​នៅ​ក្រសួង​សាធារណការ និង​ដឹកជញ្ជូន​នៅ ថ្ងៃទី​១០ ខែតុលា ឆ្នាំ​២០១០៕​






Ads detail bottom 2
Ads detail bottom 1
ព័ត៌មានផ្សេងទៀត
25 January, 2020 02:11 PM
​ភ្នំពេញ​៖​ គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក ប្រកាសថា ឆ្នាំ​២០២០ នេះ ជា​ឆ្នាំ​នៃ​ការ​រឹតបន្តឹង​អនុវត្ត​ច្បាប់​ស្តីពី​ចរាចរណ៍​ផ្លូវគោក បន្ទាប់​ពី​បញ្ហា​គ្រោះថ្នាក់​ចរាចរណ៍ កាលពី​ឆ្នាំ​២០១៩ មាន​កំណើន​យ៉ាង​គំហុក ទាំង​ស្លាប់ ទាំង​របួស និង ខូចខាត​ទ្រព្យសម្បត្តិ​សាធារណៈ​និង​ឯកជន ។
25 January, 2020 02:03 PM
ភ្នំពេញ​៖ ​កម្លាំង​នាយកដ្ឋាន​នគរបាល​ព្រហ្មទណ្ឌ​នៃ​អគ្គស្នងការដ្ឋាន​នគរ​បាល​ជាតិ បាន​ចាប់ខ្លួន​ជនជាតិ​វៀតណាម​៣​នាក់ ករណី​បង្ខាំង​ជនជាតិ​វៀតណាម​ម្នាក់ ដើម្បី​ចាប់ជំរិត​ទារប្រាក់ ។

​ការបង្ក្រាប​នេះ បាន​ធ្វើឡើង​កាលពី​ថ្ងៃ​ទី​២៤ ខែ​មករា ម្សិលមិញ​នេះ នៅ​ចំណុច​សង្កាត់​ព្រលឹត ខណ្ឌ​៧​មករា និង រំដោះ​បាន​ជនរងគ្រោះ​ម្នាក់​ផងដែរ ។
25 January, 2020 09:39 AM
​ភ្នំពេញ​៖ ​មួយ​រយៈពេល​ចុងក្រោយ​នេះ មជ្ឈដ្ឋាន​ជាច្រើន​សង្កេតឃើញថា ទឹកដី​ខណ្ឌ​ដង្កោ ហាក់​កើត​មាន​រឿងរ៉ាវ​ជា​បន្តបន្ទាប់ ទាំង​ករណី​បទល្មើស​ប្លន់​ម៉ូតូ និង ករណី​ឧបទ្ទវហេតុ​ផ្សេងៗ​ផងដែរ ។
25 January, 2020 09:29 AM
​ភ្នំពេញ​៖ ​គិត​ត្រឹម​ថ្ងៃទី​២៤ ខែ​មករា នេះ មាន​រយៈពេល​១​សប្តាហ៍​ហើយ ដែល​ឃាតករ​ជា​មន្ត្រី​យោធា​ពាក់​ស័ក្តិ​៤​ទាំង​វ័យក្មេង បាន​បាញ់សម្លាប់​គូ​ដណ្តឹង​ជា​និស្សិត​ពេទ្យ​និង​ជា​អ្នក​ផលិតផល​តាម​អន​ឡាញ តែ​មិន​ទាន់​ត្រូវបាន​សមត្ថកិច្ច​ចាប់ខ្លួន​នៅឡើយ​ទេ ។​
25 January, 2020 09:19 AM
ភ្នំពេញ​៖ ​សម្តេច​តេជោ ហ៊ុន សែន នាយករដ្ឋមន្ត្រី​នៃ​កម្ពុជា សូមអោយ​បងប្អូន​ប្រជាពលរដ្ឋ​មានការ​ប្រុងប្រយ័ត្ន​ខ្ពស់​ចំពោះ​ការ​ចម្អិន​ម្ហូបអាហារ ដុត​ក្រដាសសែន ធូប និង ទៀន ដើម្បី​ជៀសវាង​កុំអោយ​មាន​អគ្គិភ័យ​កើតឡើង​ដែល​ធ្វើ​អោយ​រំខាន​ក្នុង​ថ្ងៃ​សែន​ចូល​ឆ្នាំ​ចិន ព្រោះ​តែ​ការធ្វេសប្រហែស ។​
25 January, 2020 09:11 AM
ភ្នំពេញ​៖ ​ជនល្មើស​៦​នាក់​ជិះ​ម៉ូតូ​៣​គ្រឿង បានធ្វើ​សកម្មភាព​ធាក់​ម៉ូតូ​រួច​នាំ​គ្នា​វៃ​ជនរងគ្រោះ​យ៉ាង​ទ្រោម​ខ្លួន​ប្លន់​យក​ម៉ូតូ​មួយ​គ្រឿង ក្បែរ​ប៉ុស្តិ៍នគរបាល​ព្រៃវែង ខណ្ឌដង្កោ រួច​គេចខ្លួន​ដោយ​សុវត្ថិភាព ដោយ​មិន​រំខាន​ដល់​សមត្ថកិច្ច​នោះទេ ។​
23 January, 2020 09:33 AM
ភ្នំពេញ​៖ ​នៅ​ព្រឹក​ថ្ងៃទី​២៣ ខែ​មករា នេះ លោក កឹម សុខា អតីត​ប្រធាន​នៃ​អតីត​គណបក្ស​សង្គ្រោះ​ជាតិ បាន​មក​ដល់​សាលាដំបូង​រាជធានី​ភ្នំពេញ ហើយ ដើម្បី​បន្ត​សវនាការ​សំណុំរឿង​របស់លោក ពាក់ព័ន្ធ​ការចោទប្រកាន់​អំពី​បទ “​ក្បត់ជាតិ​” ឃុបឃិត​ជាមួយ​ជនបរទេស ដើម្បី​ផ្តួលរំលំ​រាជរដ្ឋាភិបាល​កម្ពុជា​។
22 January, 2020 05:17 PM
កណ្តាល​៖ ​ប្រជាពលរដ្ឋ អះអាងថា ទីតាំង​ស្រា​ក្រឡុក ដែល​កំពុង​ល្បី​រន្ទឺ នៅ​ក្រុង​តាខ្មៅ ដាក់​លក់​ជា​ច្រើន​កន្លែង មាន​តាំង​ភ្លឺ​គ្រប់​ពណ៌​ចម្រុះ ភ្លឺ​ចែងចាំង​អម​ដោយ​សាច់ភ្លេង​ឮ​កងរំពង បើក​លក់​តាំងពី​ព្រលប់​ដល់​ទល់ៗ​ភ្លឺ ត្រូវបាន​ប្រជាពលរដ្ឋ អះអាងថា តែងតែ​បង្ក​អសន្តិសុខ ឈ្លោះប្រកែក​គ្នា គប់​កែវ និង វៃ​គ្នា​យ៉ាង​អនាធិបតេយ្យ ។​
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact