រឿង​ធ្វើ​នំ​អត់​ម្សៅ ! តុលាការ សម្រេច​ចោទប្រកាន់​ឧកញ៉ា ស្រី សុធា និង កូនប្រុស ពី​បទ​ឆបោក ក្រោមរូបភាព​លក់​ដី​ខ្យល់​នៅ​ក្រុមហ៊ុន 7NG ឃុំ​វិហារ​សួគ៌ , នៅ​មាន​បណ្តឹង​ផ្សេងទៀត

ភ្នំពេញ​៖​ ព្រះរាជអាជ្ញា​នៃ​អយ្យការ​សាលាដំបូង​រាជធានី​ភ្នំពេញ លោក កែវ សុធា សម្រេច​ចោទប

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
រឿង​ធ្វើ​នំ​អត់​ម្សៅ ! តុលាការ សម្រេច​ចោទប្រកាន់​ឧកញ៉ា ស្រី សុធា និង កូនប្រុស ពី​បទ​ឆបោក ក្រោមរូបភាព​លក់​ដី​ខ្យល់​នៅ​ក្រុមហ៊ុន 7NG ឃុំ​វិហារ​សួគ៌ , នៅ​មាន​បណ្តឹង​ផ្សេងទៀត
Mon, 19 August 2019 10:13 AM ដោយ ៖ មេត្តាភ្នំពេញ​៖​ ព្រះរាជអាជ្ញា​នៃ​អយ្យការ​សាលាដំបូង​រាជធានី​ភ្នំពេញ លោក កែវ សុធា សម្រេច​ចោទប្រកាន់​ឧកញ៉ា ស្រី សុធា អាយុ​៦១​ឆ្នាំ ជា​ប្រធាន​ក្រុមប្រឹក្សាភិបាល​ក្រុមហ៊ុន 7NG និង ឧកញ៉ា ស្រី ច​ន្ធូ អាយុ​៣៨​ឆ្នាំ ជា​នាយក​ក្រុមហ៊ុន 7NG ពី​បទ​ឆបោក ពាក់ព័ន្ធ​ការលក់​ដី​ខ្យល់​ទំហំ​១​ហិកតា ស្ថិតនៅ​ភូមិ​ព្រែក​ចាស់ ឃុំ​វិហារ​សួគ៌ ស្រុក​ខ្សាច់កណ្តាល ខេត្ត​កណ្តាល តាម​មាត្រា​៣៩១ និង មាត្រា​៣៩២ នៃ​ក្រម​ព្រហ្មទណ្ឌ ប្រព្រឹត្ត​កាលពី​កំឡុង​ឆ្នាំ​២០០៨​ដល់​ឆ្នាំ​២០១៩ ពោល​គឺ​រយៈពេល​១១​ឆ្នាំ​មកហើយ ។

​យោង​តាម​ដីកា​សន្និដ្ឋាន​បញ្ជូន​រឿង​អោយ​ស៊ើបសួរ ឬ ហៅ​ថា​សាមញ្ញ​ថា ជា​ដីកា​ចោទប្រកាន់ កាលពី​ថ្ងៃ​ទី​១៦ ខែ​សីហា ឆ្នាំ​២០១៩ កន្លងទៅ ដែល​ទើប​ទទួលបាន​នៅ​ថ្ងៃ​ទី​១៩ ខែ​សីហា នេះ  , លោក​ព្រះរាជអាជ្ញា កែវ សុធា បាន​គូសសញ្ញា “​ធិ​ធ​” ដាក់អោយ (​ជន​ត្រូវ​ចោទ​ទាំង​២​នាក់​) ស្ថិតនៅក្រោម​ការឃុំខ្លួន​បណ្តោះអាសន្ន ដើម្បី​បង្ការ ឬ បញ្ចប់​បទល្មើស កុំអោយ​កើត​ឡើង​ជា​ថ្មី និង ធានា​រក្សា​ជន​ត្រូវ​ចោទ​ទុក​ជូន​តុលាការ​ចាត់ការ​តាម​នីតិវិធី ។ ប៉ុន្តែ​បច្ចុប្បន្ន​នេះ ជន​ត្រូវ​ចោទ​ទាំង​២​នាក់ កំពុងស្ថិត​នៅ​ក្រៅ​ឃុំ ។

​តាម​អង្គហេតុ បញ្ជាក់ថា កាលពី​ថ្ងៃ​ទី​១៨ ខែ​មីនា ឆ្នាំ​២០០៨ ឈ្មោះ ឈុន ណាវី ភេទ​ស្រី អាយុ​៣៨​ឆ្នាំ បាន​ទិញ​ដី​ទំហំ​១​ហិកតា ស្ថិតនៅ​ភូមិ​ព្រែក​ចាស់ ឃុំ​វិហារ​សួគ៌ ស្រុក​ខ្សាច់កណ្តាល ខេត្ត​កណ្តាល ដែល​ជា​ដី​របស់​ក្រុមហ៊ុន 7NG ពី​ឈ្មោះ​ស្រី សុធា គឺ “​មាន​ឯកសារ​ត្រឹម​តែ​លិខិត​ផ្ទេរសិទ្ធិ​កាន់កាប់​ដី​តែ​ប៉ុណ្ណោះ​” ។

​នៅ​ដើមឆ្នាំ​២០១៩ នេះ ឈ្មោះ ឈុន ណាវី មាន​បំណង​ធ្វើ​របង​ថ្ម ជុំវិញ​ដី​របស់​ខ្លួន ស្រាប់តែ​ឈ្មោះ ស្រី សុធា និង ឈ្មោះ ស្រី ច​ន្ធូ ពុំ​មាន​ដី​ដូច​ទីតាំង​ខាងលើ​អោយឈ្មោះ ឈុន ណាវី ឡើយ ។

​កាលពីពេល​កន្លង​ទៅ ក៏​មាន​ការផ្ទុះ​ការតវ៉ា​ដល់​ទីស្នាក់ការ​ក្រុមហ៊ុន 7NG ផងដែរ ប៉ុន្តែ​ឧកញ៉ា ស្រី សុធា បាន​ចេញ​មុខ​សម្របសម្រួល​ដោយ​សន្យាថា នឹង​ប្រគល់​ដី​ជូន​អតិថិជន​ចាប់ពី​ថ្ងៃ​ទី​២៩ ខែ​មេសា ឆ្នាំ​២០១៩ រហូត​ដល់​ថ្ងៃ​ទី​៣០ ខែ​ធ្នូ ឆ្នាំ​២០១៩ ជា​កំហិត ។​

​ប្រជាពលរដ្ឋ សាទរ​ចំពោះ​ការធានា​អះអាង​របស់​ឧកញ៉ា ស្រី សុធា តែ​កុំ​បាន​តែ​សន្យា​ខ្យល់​ដូច​រាល់ដង​ទៀត ។​

​ក្នុង​លិខិតធានា​អះអាង ចុះ​ថ្ងៃ​ទី​២៩ ខែ​មេសា ឆ្នាំ​២០១៩ នេះ ឧកញ៉ា ស្រី សុធា បាន​សន្យា​ចំនួន​៨​ចំណុច​ដល់​អតិថិជន ដោយ​នៅ​ចំណុច​ទី​១ សរសេរថា​”​ក្រុមហ៊ុន​នឹង​ធ្វើ​ការប្រគល់​ដី​ឬ​សំណង់​ជូន​អតិថិជន ឱ្យអស់​រួចរាល់​ចាប់ពី​ថ្ងៃ​ជូនដំណឹង​នេះ តទៅ រហូត​ដល់​ថ្ងៃ​ទី​៣០ ខែ​ធ្នូ ឆ្នាំ​២០១៩ ជា​កំហិត​”​។​

​ឧកញ៉ា ស្រី សុធា បន្តថា ក្នុងករណី​ដល់​ថ្ងៃ​កំណត់​ខាងលើ បេីសិ​ន​ជា​ក្រុមហ៊ុន​មិន​មាន​ដី​ជូន​អតិថិជន​នោះទេ ក្រុមហ៊ុន​នឹង​ធ្វើ​ការទូទាត់​ប្រាក់​ថ្លៃ​ទិញ​លក់​ដី​ទៅ​តាម​ទីផ្សារ​ដែល​កំណត់​ដោយ​ក្រុមហ៊ុន​វាយតម្លៃ​អចលនទ្រព្យ ។

​ជាមួយគ្នានេះ នៅ​មាន​មួយ​សំណុំរឿង​ទៀត ដែល លោក ប្លង់ សុផល ព្រះរាជអាជ្ញារង​អម​សាលាដំបូង​រាជធានី​ភ្នំពេញ កំពុង​ចាត់ការ​បណ្តឹង​ព្រហ្មទណ្ឌ​មួយ ដែល​ប្តឹង​ឧកញ៉ា ស្រី សុធា និង ឧកញ៉ា ស្រី ច​ន្ធូ ពាក់ព័ន្ធ​បទល្មើស​ឆបោក ដោយ​ទាមទារ​សំណង​ជំងឺ​ចិត្ត​ចំនួន​១០​ម៉ឺន​ដុល្លារ ពាក់ព័ន្ធ​ដី​នៅ​ភូមិ​វិហារ​សួគ៌ ឃុំ​វិហារ​សួគ៌ ស្រុក​ខ្សាច់កណ្ដាល ខេត្ត​កណ្ដាល ។​

​បណ្តឹង​ព្រហ្មទណ្ឌ​នេះ បាន​ប្តឹង​ចូល​អយ្យការ​អម​សាលាដំបូង​រាជធានី​ភ្នំពេញ កាលពី​ថ្ងៃ​ទី​១១ ខែ​មេសា ឆ្នាំ​២០១៨ ដែល​រហូតមកទល់​ពេលនេះ តុលាការ​ពុំ​ទាន់​សម្រេច​យ៉ាងណា​នៅឡើយ​ទេ ។ មេត្តា​

​ដើម​បណ្តឹង សង្ឃឹមថា តុលាការ​នឹង​ចាត់ការ​បណ្តឹង​នេះ ដោយ​តម្លាភាព​និង​ឆាប់រហ័ស​ជាង​នេះ ព្រោះ​មាន​រយៈពេល​ជាង​១​ឆ្នាំ​មកហើយ នៅ​ពុំ​ទាន់​សម្រេច​នៅឡើយ​ទេ  ៕​


















Ads detail bottom 2
Ads detail bottom 1
ព័ត៌មានផ្សេងទៀត
22 February, 2020 10:42 AM
ភ្នំពេញ​៖ ​លោក សុខ​សុវណ្ណ វឌ្ឍនា​សាប៊ុង ប្រធាន​គណបក្ស​ខ្មែរ​ក្រោក រកឃើញថា មន្ត្រី​ខណ្ឌ​ឫស្សីកែវ បាន​ចាប់​បង្ខាំង​និង​វាយ​ដំលោក ព្រំ បូរ ជា​អ្នក​តវ៉ា​បញ្ហាដីធ្លី​នៅ​តំបន់​អភិវឌ្ឍន៍​ឫស្សីកែវ បណ្តាល​អោយ​សន្លប់ នៅក្នុង​បន្ទប់​ប្រជុំ​សាលាខណ្ឌ​ឫស្សីកែវ ។
22 February, 2020 10:24 AM
តាកែវ​៖ ​ដើម្បី​លុបបំបាត់​ទាំងស្រុង​ចំពោះ​បញ្ហា​បទល្មើស​នៃ​ការ​លួចលាក់​ដាំ​ដុះ​កញ្ឆា​ខុសច្បាប់​ក្នុង​មូលដ្ឋាន​ខេត្តតាកែវ ជាពិសេស​ស្រុក​គិរីវង់ ដែល​មាន​ភូមិសាស្ត្រ​ស្មុគស្មាញ អំណោយផល​ដល់​ការ​លួច​ដាំ​ដំណាំ​កញ្ឆា ក្រោម​ការយកចិត្តទុកដាក់​ខ្ពស់​ពី​សំណាក់​លោក​ឧត្តមសេនីយ៍ទោ សុខ សំណាង ស្នងការ​នគរបាល​ខេត្តតាកែវ , ក្នុង​រយៈពេល​២​ថ្ងៃ នេះ កម្លាំង​ជំនាញ​បាន​ឃាត់ខ្លួន​ជនសង្ស័យ​២​នាក់ និង​បំផ្លាញ​ដំណាំ​កញ្ឆា​ខុស​ច្បាប់​ចំនួន​៩​ទីតាំង​ផ្សេងគ្នា ក្នុង​ភូមិសាស្ត្រ​ឃុំ​ព្រះបាទ​ជាន់ជុំ ស្រុក​គិរីវង់ ។
21 February, 2020 03:18 PM
​ភ្នំពេញ​៖ ​នៅ​ថ្ងៃ​ទី​២១ ខែ​កុម្ភៈ នេះ លោក គុជ គឹម​ឡុង អ្នកនាំពាក្យ​អយ្យការ​អម​សាលាដំបូង​រាជធានី​ភ្នំពេញ ថ្លែងថា តុលាការ​បាន​ចោទប្រកាន់ នាង វ៉ែន រចនា ហៅ ថៃ ស្រី​នាង ដែល​ព្រហើន​បន្ត​ការ Live រូបភាព​ស៊ិច​ស៊ីស្ទើរ​ចេញ​កេរ្តិ៍​ភេទ ជា​ផ្លូវកា​រហើយ ។​
21 February, 2020 03:08 PM
កណ្តាល​៖​ កម្លាំង​ការិយាល័យ​ព្រហ្មទណ្ឌ​កំរិត​ស្រាល​នៃ​ស្នងការ​នគរបាល​ខេត្ត​កណ្តាល ដឹកនាំ​ផ្ទាល់​ដោយ​លោក​វរសេនីយ៍ឯក ឡាក់ ម៉េង​ធី ប្រធានការិយាល័យ ដែល​មាន​បទបញ្ជា​ដ៏​ម៉ឺងម៉ាត់​ពី​សំណាក់​ឧត្តមសេនីយ៍ត្រី ឈឿន សុ​ចិត្ត ស្នងការ​នគរបាល​ខេត្ត​កណ្តាល បាន​បំបែកសំណុំរឿង គំរាមកំហែង​ហែកកេរ្ដិ៍ និង ចែកចាយ​រូប​អាក្រាត​កាយ​ជា​សាធារណៈ បាន​ហើយ និង ឃាត់ខ្លួន​ជនសង្ស័យ​ម្នាក់​។​
20 February, 2020 06:12 PM
ភ្នំពេញ​៖ ​នៅ​រសៀល​ថ្ងៃ​ទី​២០ ខែ​កុម្ភៈ នេះ នាង វ៉ែន រចនា ហៅ ថៃ ស្រី​នាង អ្នក​លក់​ផលិតផល​តាម​អន​ឡាញ​មិន​គិត​ពី​កេរ្តិ៍ខ្មាស ត្រូវបាន​នគរបាល​ខណ្ឌ​ទួលគោក បញ្ជូនមក​តុលាការ ពាក់ព័ន្ធ​បទល្មើស​ផុស​រូបភាព និង សម្ភារៈ​អាសអាភាស យោងតាម​មាត្រា​៣៨​និង​មាត្រា​៣៩ ច្បាប់​ស្តីពី​ការប្រឆាំង​ការជួញដូរ​មនុស្ស​និង​ការពារ​អនីតិជន ដែល​ជាប់​ទោស​ចាប់ពី ១​ខែ​ដល់​១​ឆ្នាំ​។​
20 February, 2020 10:39 AM
​កណ្តាល​៖ ​​ជនសង្ស័យ​ម្នាក់​ក្នុងចំណោម​បក្ខពួក​៣​នាក់ ដែល​គេ​ស្គាល់​ជា​កូនប្រុស​របស់​អនុប្រធាន​ពន្ធនាគារ​ខេត្ត​កណ្តាល ជា​មុខសញ្ញា​ចែកចាយ​គ្រឿងញឿនដ៏​សកម្ម​ប្រចាំ​ក្រុង​តាខ្មៅ នោះ ត្រូវបាន​កម្លាំង​ពិសេស​របស់​អធិការដ្ឋាន​នគរបាល​ក្រុង​តាខ្មៅ រហ័ស​នាម “​ក្រុម​ស្រមោច​” សហការ​ជាមួយ​កម្លាំង​ផ្នែក​គ្រឿងញៀន​ក្រុង​តាខ្មៅ និង កម្លាំង​ប៉ុស្តិ៍​រដ្ឋបាល​ព្រែក​ឫស្សី ធ្វើ​ការចុះ​បង្ក្រាប ឃាត់ខ្លួន​បាន រួម​នឹង​ថ្នាំញៀន​មួយចំនួនធំ​។​
20 February, 2020 10:22 AM
ភ្នំពេញ​៖ ​នាង វ៉ែន រចនា ហៅ ថៃ ស្រី​នាង អ្នក​លក់​ផលិតផល​អន​ឡាញ​មិន​គិត​ពី​កេរ្តិ៍ខ្មាស ត្រូវបាន​នគរបាល​ខណ្ឌ​ទួលគោក ឃាត់ខ្លួន​ភ្លាមៗ ក្រោយ​បង្ហោះ​ផ្គេ​ី​ន ទោះបី​ទេីប​ធ្វេី​កិច្ចសន្យា ក៏ដោយ កាលពី​ព្រលប់​ថ្ងៃទី​១៩ ខែ​កុម្ភៈ ម្សិលមិញ​នេះ ។​
20 February, 2020 10:07 AM
​ភ្នំពេញ​៖​ ប្រជាពលរដ្ឋ​ជាច្រើន​គ្រួសារ ស្ថិតនៅ​ភូមិ​ទំនប់​កប់​ស្រូវ​ធំ សង្កាត់​គោក​រកា ខណ្ឌ​ព្រែក​ព្នៅ បាន​និង​កំពុង​រស់នៅ​ត្រាំត្រែង​ក្នុង​ទឹក​ស្អុយ​លាមក រាប់សិប​ឆ្នាំ​មកហើយ ដោយសារតែ​អាជ្ញាធរ​ពាក់ព័ន្ធ​មិន​បាន​យកចិត្តទុកដាក់ ជាពិសេស លោក សុខ សម្បត្តិ អភិបាល​ខណ្ឌ​ព្រែក​ព្នៅ តែម្តង ។​
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact