អាជ្ញាធរ​ជាតិ​ប្រយុទ្ធប្រឆាំង​គ្រឿងញៀន ថា​ត្រូវ​យកចិត្តទុកដាក់​លុប​បំបាត់​ឱ្យ​បាន​ទាំងស្រុង​នូវ​រាល់​បទល្មើស​គ្រឿងញៀន​ក្នុង​បំណាច់​ឆ្នាំ​២០១៩​នេះ​

ខេត្ត​បាត់ដំបង​៖ ឯកឧត្តម​នាយ​ឧត្តមសេនីយ៍ មាស វិរិ​ទ្ធ អគ្គលេខាធិការ​នៃ​អាជ្ញាធរ​ជាតិ​ប

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
អាជ្ញាធរ​ជាតិ​ប្រយុទ្ធប្រឆាំង​គ្រឿងញៀន ថា​ត្រូវ​យកចិត្តទុកដាក់​លុប​បំបាត់​ឱ្យ​បាន​ទាំងស្រុង​នូវ​រាល់​បទល្មើស​គ្រឿងញៀន​ក្នុង​បំណាច់​ឆ្នាំ​២០១៩​នេះ​
Mon, 15 July 2019 12:39 PM ដោយ ៖ សាលី​ខេត្ត​បាត់ដំបង​៖ ឯកឧត្តម​នាយ​ឧត្តមសេនីយ៍ មាស វិរិ​ទ្ធ អគ្គលេខាធិការ​នៃ​អាជ្ញាធរ​ជាតិ​ប្រយុទ្ធប្រឆាំង​គ្រឿងញៀន​បាន​ថ្លែងថា ចាប់ពី​ពេលនេះ​តទៅ​គណៈកម្មាធិការ​ត្រួតពិនិត្យ​គ្រឿងញៀន​ខេត្ត​បាត់ដំបង​ត្រូវ​យកចិត្តទុកដាក់​លុប​បំបាត់​ឲ្យបាន​ទាំងស្រុង​នូវ​រាល់​បទល្មើស​ជួញដូរ​និង​ការប្រើប្រាស់​គ្រឿងញៀន​នៅ​តាម​ក្លឹប​កម្សាន្ត​និង​ទី​សប្បាយដ្ឋាន​នានា​នៅក្នុង​ដែន​សមត្ថកិច្ច​របស់​ខ្លួន​មុន​បំណាច់​ឆ្នាំ​២០១៩​នេះ​។​
 
ឯកឧត្តម​បាន​ថ្លៃ​ង​បែបនេះ​នៅក្នុង​ពិធី​អបអរសាទរ​ទិវា​ជាតិ​ប្រយុទ្ធប្រឆាំង​គ្រឿងញៀន​"​ថ្ងៃទី​២៦ ខែមិថុនា ឆ្នាំ​២០១៩"​ដែល​ធ្វើឡើង​នៅ​ព្រឹក​ថ្ងៃទី​១៥  ខែកក្កដា ឆ្នាំ ២០១៩​នៅក្នុង​បរិវេណ​ខាងមុខ​សាលាខេត្ត​បាត់ដំបង ស្ថិត​ក្នុង​ក្រុង​និង​ខេត្ត​បាត់ដំបង បន្ទាប់​ពី​ឯកឧត្តម ងួន រតនៈ អភិបាលខេត្ត​បាត់ដំបង បាន​ឡើង​អាន​សា​លិខិត​របស់​សម្ដេច​អគ្គមហាសេនាបតី​តេជោ​ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ផ្ញើ​ជូន​បងប្អូន​ជនរួមជាតិ​ដែលមាន​ខ្លឹមសារ​បញ្ជាក់​យ៉ាង​ម៉ឺងម៉ាត់​ក្នុង​ការប្រយុទ្ធ​ប្រឆាំង​គ្រឿងញៀន​ដោយ​បាន​ធ្វើ​ការណែនាំ​ដល់​គ្រប់​ក្រសួង​ស្ថាប័ន​អង្គភាព​ពាក់ព័ន្ធ និង​បាន​អំពាវនាវ​ឲ្យមាន​ការចូលរួម​ពី​វិស័យ​ឯកជន ផ្នែក​សាសនា និង​គ្រប់​ដៃគូ​ពាក់ព័ន្ធ​នានា​ឲ្យ​បន្ត​យកចិត្តទុកដាក់​បន្ថែម​ទៀត​ដើម្បី​បន្ត​រក្សា​ការពារ ដើម្បី​ជីវភាព​ដ៏​សុខក្សេមក្សាន្ត​របស់​ប្រជាពលរដ្ឋ​ក៏ដូចជា​សុខសន្តិភាព ស្ថេរភាព​និង​ការអភិវឌ្ឍន៍​របស់​ប្រទេសជាតិ​យើង​។
  
បន្ថែម​ពី​នេះ​ទៅទៀត​ឯកឧត្តម នាយ​ឧត្តមសេនីយ៍ មាស វិរិ​ទ្ធ ថ្លែង​អោយ​មន្ត្រី​មាន​សមត្ថកិច្ច​គ្រប់​ប្រភេទ​និង​គ្រប់​លំដាប់ថ្នាក់​ត្រូវតែ​ជៀស​អោយ​ឆ្ងាយ​និង​អោយបាន​ជា​ដាច់ខាត​នៅ​កុំ​បួន - កុំ​ពាក់ព័ន្ធ -​កុំ​នៅ​ពីក្រោយ​ធ្វើជា​ខ្នងបង្អែក - កុំ​បន្ធូរបន្ថយ - និង​កុំ​អន្តរាគមន៍​ក្នុង​ករណី​នៃ​បទល្មើស​គ្រឿងញៀន​គ្រប់​ប្រភេទ​ត្រូវ​ចៀស​ឲ្យ​ឆ្ងាយ​ធ្វើ​យ៉ាងម៉េច​ឲ្យ​ខ្លួនឯង​ស្អាតស្អំ​។​
 
ជាមួយគ្នា​នេះ​ទៀត​ឯកឧត្តម​ក្នុងនាម​អោយ សម្តេច​ក្រឡាហោម ស ខេង ឧបនាយករដ្ឋមន្ត្រីរ​ដ្ឋ​មន្ត្រី​ក្រសួង​មហាផ្ទៃ​និង​ជា​ប្រធាន​ក្រុមការងារ​ថ្នាក់ជាតិ​ចុះ​ជួយ​ខេត្ត​បាត់ដំបង​និង​ឯកឧត្តម កែ គឹមយ៉ាន ឧបនាយករដ្ឋមន្ត្រី​និង​ជា​ប្រធាន​អាជ្ញាធរ​ជាតិ​ប្រយុទ្ធប្រឆាំង​គ្រឿងញៀន សូម​អំពាវនាវ​ទៅ​ដល់​វិស័យ​ឯកជន អ្នកវិនិយោគ​ឬ​អាជីវករ​ដែល​មាន​មុខ​របរ​ពាក់ព័ន្ធ​គ្រប់​ទីកន្លែង​ដែល​ងាយ​នឹង​ទទួលរង​នូវ​ការពាក់ព័ន្ធ​និង​បទល្មើស​គ្រឿងញៀន​ដាច់ខាត​មិន​ត្រូវ​ពាក់ព័ន្ធ​នឹង​គ្រឿងញៀន​មិន​ត្រូវ​យក​អាជីវកម្ម​ស្របច្បាប់​ឆ្លៀត​ឱកាស​យក​ផលចំណេញ​ពី​ការប្រព្រឹត្ត​បទល្មើស​គ្រឿងញៀន​ជាដាច់ខាត​។​
 
គួរ​បញ្ជាក់ដែរថា គ្រឿងញៀន​ដែល​ត្រូវបាន​ធ្វើ​ពិធី​ដុត​កម្ទេច​ចោល​នៅ​ព្រឹក​នេះ​ដែល​ក្នុងនោះ​មាន​!(​ប្រភេទ​ក្រាម​ម្សៅ​ICE ចំនួន ៣៨០,១៣ ក្រាម​)​និង (​ប្រភេទ​ថ្នាំ​គ្រាប់​WY ចំនួន ៥១៩,៥ ក្រាម​) ។​

ហើយ​បើ​យោងតាម​របាយការណ៍រ​បស់​លោក វរសេនីយ៍ទោ ស៊ាន សុ​ណាល់ នាយការិយាល័យ​ប្រឆាំង​គ្រឿងញៀន​នៃ​ស្នងការដ្ឋាន​នគរបាល​ខេត្ត​បាត់ដំបង​បានអោយដឹងថា វិធានការ​អនុវត្ត​ច្បាប់​របស់​សមត្ថកិច្ច​ជំនាញ​ក្នុង​នោះ​បង្ក្រាប​តាម​ដីកា​:-​អនុវត្ត​ដីកា​របស់​តុលាការ​បាន​ចំនួន​១៥​ដីកា ឃាត់ខ្លួន​ជនសង្ស័យ​បាន​ចំនួន​១៥​នាក់​ស្រី​០​នាក់ -​បង្ក្រាប​បទល្មើស​ពាក់ព័ន្ធ​នឹង​គ្រឿងញៀន​បាន​ចំនួន​១៦៩​ករណី ឃាត់ខ្លួន​ជនសង្ស័យ​ចំនួន​២៩៨​នាក់​ស្រី​២៤​នាក់ ដកហូត​វត្ថុតាង​រួមមាន​!​គ្រឿងញៀន​ប្រភេទ​មេតំ​ហ្វេ​តា​មីន​(WY)  ចំនួន​៦១០៩៤​គ្រាប់  -​គ្រឿងញៀន​ប្រភេទ​ក្រាម​ពណ៌​ស​ថ្លា​(ICE)​ចំនួន ១១១២១​ក្រាម -ketamine​ចំនួន ០,២២​ក្រាម -​អុិច​ស្តាសុី(MCMA)​ចំនួន ១,០៤​ក្រាម -​កញ្ឆា​ក្រៀម​ចំនួន ២,៤០​ក្រាម -​កញ្ឆា​ស្រស់​ចំនួន ៣៥៦​ដើម -​រថយន្ត​ចំនួន​០៣​គ្រឿង -​ម៉ួតូ​ចំនួន ៦៨​គ្រឿង -​ទូរស័ព្ទដៃ​ចំនួន​១៩៨​គ្រឿង -​កាំភ្លើង​ចំនួន ០៥​ដើម ក្នុងនោះ​ពិត​២​ដើម - គ្រាប់​ចំនួន​៤៣​គ្រាប់ -​ដាវ​សាំ​ម៉ូ​រ៉ៃ​ចំនួន​១៥​ដើម និង​សម្ភារៈ​ពាក់ព័ន្ធ​មួយចំនួនទៀត​៕​
















Ads detail bottom 2
Ads detail bottom 1
ព័ត៌មានផ្សេងទៀត
18 January, 2020 09:21 AM
ភ្នំពេញ​៖ ​នារី​ជើង​ខ្លាំង​ទាំង​៤​នាក់ ដែល​វៃ​ទាត់​ធាក់​លើ​សិស្ស​វិទ្យាល័យ​ផ្សារ​ដើមថ្កូវ ផ្អើល​ពេញ​បណ្តាញ​សង្គម​ហ្វេ​សប៊ុក ត្រូវបាន​ដោះលែង​អោយ​មាន​សេរីភាព​ឡើងវិញ ហើយ កាលពី​រសៀល​ថ្ងៃ​ទី​១៧ ខែ​មករា ម្សិលមិញ​នេះ បន្ទាប់​ពី​ឃាត់ខ្លួន​មួយ​រយៈពេល​ខ្លី នៅ​ស្នងការដ្ឋាន​នគរបាល​រាជធានី​ភ្នំពេញ ។
16 January, 2020 08:55 AM
ភ្នំពេញ​៖ ​នគរបាល​ខណ្ឌ​ពោធិ៍​សែន​ជ័យ នៅ​ល្ងាច​ថ្ងៃទី​១៥ ខែ​មករា នេះ បាន​ឃាត់ខ្លួន​ជនសង្ស័យ​ប្រុស​ស្រី​៤​នាក់ ករណី​ជួញដូរ​និង​ប្រើប្រាស់​គ្រឿងញៀន នៅ​ចំណុច​ភូមិ​អង្គ​កែវ សង្កាត់​ចោមចៅ​ទី​៣ ខណ្ឌ​ពោធិ៍​សែន​ជ័យ ។​
16 January, 2020 08:47 AM
ភ្នំពេញ​៖​ នៅ​ថ្ងៃ​ទី​១៦ ខែ​មករា នេះ តុលាការ​បាន​បន្ត​សវ​នា​ការ​សំណុំរឿង លោក កឹម សុខា អតីត​ប្រធាន​នៃ​អតីត​គណបក្ស​សង្គ្រោះ​ជាតិ ឈានចូល​ថ្ងៃ​ទី​២ ហើយ ។ ទន្ទឹមនេះ កងកម្លាំង​ចម្រុះ ក៏​បាន​ដាក់ពង្រាយ​ជាធម្មតា ដូច សវនាការ​ថ្ងៃទី​១ ផងដែរ ។​
15 January, 2020 10:12 AM
ភ្នំពេញ​៖ ​លោក​វរសេនីយ៍ទោ ម៉េង វិមាន​តារា អធិការ​នគរបាល​ខណ្ឌមានជ័យ ថ្លែងថា ការស៊ើបអង្កេត​សំណុំរឿង​ម្តាយ​តារាចម្រៀង ពេជ្រ សូ​លីកា សម្លាប់​គូស្នេហ៍​ស្រី​ស្រលាញ់​ស្រី​ដូច​គ្នា បាន​បិទ​បញ្ចប់​ហើយ នៅ​ដំណាក់​ការ​អធិការដ្ឋាន​នគរបាល​ខណ្ឌមានជ័យ ។
15 January, 2020 10:03 AM
ភ្នំពេញ​៖ ​នៅ​ព្រឹក​ថ្ងៃទី​១៥ ខែ​មករា នេះ សាលាដំបូង​រាជធានី​ភ្នំពេញ ចាប់ផ្តើម​សវនាការ​សំណុំរឿង​លោក កឹម សុខា អតីត​ប្រធាន​នៃ​អតីត​គណបក្ស​សង្គ្រោះ​ជាតិ ក្រោម​បទ​ចោទប្រកាន់ សន្និដ្ឋិភាព​ជាមួយ​បរទេស ឬ ក្បត់ជាតិ តាម​មាត្រា​៤៤៣​នៃ​ក្រម​ព្រហ្មទណ្ឌ ។​
13 January, 2020 11:36 AM
​ភ្នំពេញ​៖ ​ស្ត្រី​ម្នាក់​ជា​ម្តាយបង្កើត​របស់​តារាចម្រៀង ពេជ្រ សូ​លីកា ត្រូវបាន​សមត្ថកិច្ច​ចាប់ខ្លួន​និង​បង្ហាញ​ជា​សាធារណៈ នៅ​ថ្ងៃ​ទី​១៣ ខែ​មករា នេះ សង្ស័យ​ជា​ឃាតករ​សម្លាប់​ស្ត្រី​ម្នាក់​ក្នុង​បុរី Town ក្នុង​ភូមិ​ទួល​រកា សង្កាត់​ចាក់អង្រែ​ក្រោម ខណ្ឌមានជ័យ ។
13 January, 2020 11:21 AM
​ភ្នំពេញ​៖​ ប្រភព​ព័ត៌មាន​ច្បាស់​ការណ៍​មួយ ទម្លាយ​អោយដឹងថា ហាង​ផឹកស៊ី​ទល់ៗ​ភ្លឺ ហេ​ប​ភី ណេ​ស ដែល​អាជ្ញាធរ​ខណ្ឌ​ដូនពេញ សម្រេច​មិន​បិទ​អាជីវកម្ម ទោះ​កើតមាន​ករណី​ឃាតកម្ម​បាញ់​សម្លាប់​មនុស្ស នោះ គឺ មាន​ការប្រើប្រាស់​គ្រឿងញៀន​និង​ថ្នាំគ្រវីក្បាល ផងដែរ ។​
12 January, 2020 05:35 PM
កំពង់ស្ពឺ​៖ ​សមត្ថកិច្ច​មន្ទីរ​ប្រឆាំង​បទល្មើស​គ្រឿងញៀន នៃ​អគ្គស្នងការដ្ឋាន​នគរ​បាល​ជាតិ បាន​ឃាត់ខ្លួន​ជនសង្ស័យ​២​នាក់ និង រឹបអូស​គ្រឿងញៀន​ជាង​៩​គីឡូក្រាម នៅ​រាជធានី​ភ្នំពេញ និង ខេត្ត​កំពង់ស្ពឺ កាលពី​ថ្ងៃ​ទី​១០ ខែ​មករា ឆ្នាំ​២០២០ ថ្មីៗ​នេះ ។​
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact