ព្រះសង្ឃ​និង​ពុទ្ធបរិស័ទ​ជា​ង​១០០០០​អង្គ​នាក់​បាន​ចូលរួម​ដង្ហែរ​ក្បួន​ពិធីបុណ្យ​វិសាខបូជា​

ខេត្ត​បាត់ដំបង៖ ​ព្រះសង្ឃ​និង​ពុទ្ធបរិស័ទ​ប្រមាណ​ជាង​១០០០០​អង្គ​នាក់​បាន​ចូលរួម​ដង្ហ

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
ព្រះសង្ឃ​និង​ពុទ្ធបរិស័ទ​ជា​ង​១០០០០​អង្គ​នាក់​បាន​ចូលរួម​ដង្ហែរ​ក្បួន​ពិធីបុណ្យ​វិសាខបូជា​
Mon, 20 May 2019 04:00 PM ដោយ ៖ សាលី​ខេត្ត​បាត់ដំបង៖ ​ព្រះសង្ឃ​និង​ពុទ្ធបរិស័ទ​ប្រមាណ​ជាង​១០០០០​អង្គ​នាក់​បាន​ចូលរួម​ដង្ហែរ​ក្បួន​ក្នុង​ពិធីបុណ្យ​វិសាខ​បូជា ដែល​ប្រព្រឹត្ត​ធ្វើ​ឡើង​នៅ​ព្រឹក​ថ្ងៃទី​១៨ ខែ​ឧសភា​ឆ្នាំ​២០១៩​នៅ​បរិវេណ​វត្ត​ពោធិ៍​វាល ស្ថិតក្នុង​ភូមិ​រតនៈ សង្កាត់រ​ត​នះ ក្រុង​បាត់ដំបង​។​

ក្នុង​ពិធីបុណ្យ​វិសាខបូជា​នេះដែរ ឯកឧត្ដម ងួន រតនះ អភិបាលខេត្ត​បាត់ដំបង​បាន​មាន​ប្រសា​ស្ត្រ​លើកឡើងថា ការ​ដែល​ព្រះសង្ឃ​ក៏​ដូច​ជា​ថ្នាក់ដឹកនាំ​ខេត្ត​បាត់ដំបង​បាន​ប្រារព្ធ​ធ្វើ​ពិធីបុណ្យ​វិសាខបូជា​នេះ​ឡើង គោលបំណង​ដើម្បី​រៀបចំ សក្ការៈបូជា ក្នុង​ថ្ងៃ​ពេញ​បូ​រណ៍​មី  ខែ​ពិសាខ រំឭក​ដល់ មហា​នក្ខត្ត​សម័យ ទាំង​បី​ដែល​ក្នុងនោះ​មាន​៖
 
ទី​១/​គឺជា​ថ្ងៃ​ដែល​បាន​កើតឡើង​ក្នុង​សាសនា ព្រះមហា​សមណ​គោត្ត​ម ព្រះ​បរមគ្រូ​នៃ​យើង ដែល​ព្រះ​ពោធិ​សត្វ ព្រះនាម សិទ្ធ​ត្ថ ដែល​ជា​បុត្រ​របស់​ព្រះបាទ សុទ្ទោទន​:​និង​ព្រះ​នាង​សិរី មហាមាយា​ទេវី ទ្រង់​ប្រសូត្រ ចាក​ព្រះ​គក៍​នៃ​ព្រះ​វរមាតា ក្នុង​ថ្ងៃ​សុក្រ​ពេញ​បូ​រណ៍​មី​ខែ​ពិសាខ​ឆ្នាំចរ វេលា​ថ្ងៃត្រង់ មុន​ពុទ្ធសករាជ​៨០​ឆ្នាំ ក្នុង​លុម្ពិនី​ឧទ្យាន ចន្លោះ​ក្រុង​កបិល​ភស្តុ​និង​ក្រុង​ទេ​វទ​ហ​: ហើយ​ព្រះសម្មាសម្ពុទ្ធ​ប្រសូត្រ​មាន​សេចក្ដី​អស្ចារ្យ​យ៉ាង​ច្រើន​មាន​៖
​ទឹក​ត្រជាក់​១​ទឹ​កក្តៅ​១​ហូរ​ធ្លាក់​មក​លើ​អាកាស មក​សាង​ជម្រុះ​
​មន្ទិល ព្រះ​ពោធិសត្វ ក្រោយ​ពី​ចុះ​ចាក​ដៃ​ស្រីស្នំ ហើយ​បាន​ដើរ​៧​ជំហាន រួច​ឈរ​ឈប់​ហ្នឹង បែរ​ព្រះ​ភ​ក្ត្រ ទៅ​ទិសឧត្តរ
​ទ្រង់​ពន្លឺ​ឧទាន ប្រែ​ពី​បាលី​ថា យើង​ជា​កំពូល​នៃ​លោក ជា​បុគ្គល​ប្រសើរ​លើស​គេ​ក្នុង​លោក ជា​ចម្បង​លើស​គេ​ក្នុង​លោក ជាតិ​នេះ​ជា​កំណើត​ចុងក្រោយ របស់​យើង អំណេះត​ទៅមុខ យើង​លេង​កើត​ទៀត​ហើយ​។

ទី​២/​គឺជា​ថ្ងៃ​ដែល​ព្រះ​ពោធិ​សត្វ ត្រង់​បាន​ត្រាស់ដឹង នូវ​ចតុ​រា​រិយ​: សច្ចធម៌ ក្នុង​ថ្ងៃ​ពុធ ពេញ​បូ​រណ៍​មី ខែ​ពិសាខ​ឆ្នាំរកា​មុន​ពុទ្ធ​សករាជ​៤៥​ឆ្នាំ​វេលា​ជិត​ភ្លឺ ក្រោម​ដើម​ពោធិ៍ព្រឹក្ស​ក្នុង​គ​យាសី​ស​:​ប្រទេស  មុន​ពេល​ព្រះអង្គ​ត្រាស់ដឹង​ជា​ព្រះ​សព្វញ្ញូ​ពុទ្ធ ក្រៅពី​សាង​ព្រះ​បារមី សែន​កោដិ​ជាតិ​នោះ​នៅ​ជាតិ​ចុងក្រោយ ព្រះអង្គ​បាន​លះបង់​ព្រះ​នគរ លះបង់​ក្រុមគ្រួសារ និង​កូន​ជាទី​ស្រលាញ់​ចូល​ទៅ​កាន់​ព្រៃ​ក្នុង​ជន្មាយុ​២៩​ព្រះវស្សា ដើម្បី​ស្វែងរក​ធម៌ សង្គ្រោះ​សត្វលោក ហើយ​ព្រះអង្គ​យាង​ពី​តំបន់​មួយ​ទៅ​តំបន់​មួយ ពី​និគម​មួយ​ទៅ​និគម​មួយ ពី​អាចារ្យ​មួយ​ទៅ​អាចារ្យ​មួយ ពី​អាហារ​ឆ្ងាញ់ៗ​ទៅ​គ្មាន​អាហារ រហូត សន្លប់​លើ​ផែន​ប្រឹថពី ។​
 
សេចក្ដី​តស៊ូ​ចំពោះ​ការលំបាក សព្វគ្រប់​អស់​រយៈពេល​៦​ឆ្នាំ ទើប​ព្រះអង្គ​ត្រាស់ដឹង​ជា​ព្រះពុទ្ធ នៅ​ថ្ងៃ​ពុធ​១៥​កើត ខែ​ពិសាខ ឆ្នាំ​រកា វេលា​ទៀប​ភ្លឺ​ក្នុង​ជន្មាយុ​៣៥​ព្រះវស្សា​។

ទី​៣/​គឺជា​ថ្ងៃ​ដែល​ព្រះសម្មាសម្ពុទ្ធ ទ្រង់​ចូល​អនុ​បាទិ​សេស​:​និព្វាន ក្នុង​ថ្ងៃ​អង្គារ ពេញ​បូ​រណ៍​មី​ខែ​ពិសាខ​ឆ្នាំម្សាញ់ វេលា​ជិត​ភ្លឺ មុន​ពុទ្ធសករាជ​១​ថ្ងៃ ក្រោយ​ពី​ត្រាស់ដឹង ព្រះអង្គ​បាន​លះបង់​ព្រះកាយពល ព្រះអង្គ ដោយ​ព្រះទ័យ​មហាករុណា ដ៍​ធំ​ធេង ប្រោស​ប្រទាន​ព្រះធម៌ ទេសនា​ដល់​សត្វលោក អស់​រយៈពេល​៤៥​ព្រះវស្សា​បរិនិព្វាន ចន្លោះ​
​ដើម​រាំង​ទាំង​ធ្វេរ ក្បែរ​ក្រុង​កុសិនារា​។​
  
ជាមួយ​គ្នា​ទៅ​និង​ពិធីបុណ្យ​វិសាខបូជា​នេះដែរ ជា​ចុងក្រោយ​ក៏​មាន​ការរៀបចំ​ពិធីរាប់បាត្រ​ប្រគេន​ដល់​ព្រះសង្ឃ​ចំនួន​១០៦២​អង្គ​ផង​ដែរ​។​
  
គួរ​បញ្ជាក់​ផង​ដែរ​ថា​:​ពិធីបុណ្យ​វិសាខបូជា​នេះ ប្រជាពលរដ្ឋ​ទូទាំង​ខេត្ត​បាត់ដំបង​ក៏ដូចជា​ទូទាំង​ប្រទេស តែងតែ​ប្រារព្ធ​ធ្វើឡើង​ជា​រៀងរាល់​ឆ្នាំ​ទៅ​តាម​ទំនៀមទម្លាប់​ព្រះពុទ្ធសាសនា ដែល​បាន​កំណត់ត្រា​អោយដឹងថា បុណ្យ​ពិសាខបូជា និយម​គោរព​ឡើង​តាំងពី​ឆ្នាំ​១៨១៧​មក​ម្លេះ  ហើយ​បុណ្យពិសាខបូជា​នេះ​គឺជា​បុណ្យ​ធំ​មួយ​របស់​ព្រះពុទ្ធសាសនា ដែល​ប្រទេស​និយម​កាន់​ព្រះពុទ្ធសាសនា លើ​សកលលោក​ប្រារព្ធ​ពិធីបុណ្យ​មួយ​នេះ​មិន​ដែល​ខកខាន​ឡើយ៕














Ads detail bottom 2
Ads detail bottom 1
ព័ត៌មានផ្សេងទៀត
25 August, 2019 07:02 PM
​ភ្នំពេញ​៖ ​នៅ​ថ្ងៃ​ទី​២៥ ខែ​សីហា នេះ អាជ្ញាធរ​បាន​បង្ហាញរ​បាយ​ការណ៍​លម្អិត​ហើយ ចំពោះ​ករណី​ឆេះ​អគារ​៦​ជាន់​នៃ​រោងចក្រ​ផលិត​ពូក នៅ​ខណ្ឌមានជ័យ គឺ ការខូចខាត​ទ្រព្យសម្បត្តិ​អស់​ជាង​៣​លាន​ដុល្លារ​អាមេរិក ។
25 August, 2019 06:51 PM
ភ្នំពេញ​៖ ​នាយករដ្ឋមន្ត្រី​នៃ​កម្ពុជា​សម្តេច​តេជោ ហ៊ុន សែន មានប្រសាសន៍​នៅ​ថ្ងៃទី​២៥ ខែ​សីហា នេះ ថា “​ខ្ញុំ​តែង​ចម្រៀង​ថ្មី​មួយ​បទ​ដើម្បី​អោយស្រប​ជាមួយ​សភាពការណ៍​ថ្មី ។ បទ​នេះ​ក្រុម​ចម្រៀង​គ្រួសារ​នឹង​យក​ទៅ​រៀបចំ​ជាមួយ​ភ្លេង​ដើម្បី​ច្រៀង​កម្សាន្ត ។
24 August, 2019 09:29 AM
ភ្នំពេញ​៖ ​គិត​ត្រឹម​ព្រឹក​ថ្ងៃ​ទី​២៤ ខែ​សីហា នេះ អគ្គិភ័យ​ឆាបឆេះ​អគារ​កម្ពស់​៦​ជាន់​នៃ​រោងចក្រ​ផលិត​ពូក នៅ​ខណ្ឌមានជ័យ មិន​ទាន់​រលត់​ទាំងស្រុង​នៅឡើយ​ទេ ខណៈ​អាជ្ញាធរ​ពាក់ព័ន្ធ​ជាច្រើន​រយ​នាក់ បាន​ព្យាយាម​គ្រប់​មធ្យោបាយ ដើម្បី​អន្តរាគមន៍​ករណីនេះ ។​
23 August, 2019 03:24 PM
ខេត្ត​រតនគិរី​៖ លោកនាយ​ប៉ុស្ដិ៍​ច្រករបៀង​មួយកន្លែង គំរាម​ប្ដឹង​អ្នកសារព័ត៌មាន បើសិនជា​ចុះផ្សាយ បន្ទាប់ពី​ស្ត្រី​ជនជាតិ​វៀតណាម​ម្នាក់ រៀបរាប់​ពី​ប្រាក់ ៤០០​ដុល្លា ត្រូវ​លោក​មេ​ប៉ុស្ដិ៍​យកទៅ​ចែកគ្នា គ្រា​ស្ត្រី​ជនជាតិ​វៀតណាម​ទា​លុយ​វិញ​ប្រមូល​សង​មិន​គ្រប់​។​
23 August, 2019 12:55 PM
ភ្នំពេញ​៖ ​កាលពី​ថ្ងៃ​ទី​២២ ខែ​សីហា ម្សិលមិញ​នេះ នៅក្នុង​កិច្ចប្រជុំ​គណៈកម្មាធិការ​កណ្តាលរ​បស់​គណបក្ស​ប្រជាជន​កម្ពុជា នៅ​មជ្ឈមណ្ឌល​ពិព័រណ៍ និង សន្និបាត​កោះ​ពេជ្រ សម្តេច​តេជោ ហ៊ុន សែន នាយករដ្ឋមន្ត្រី​នៃ​កម្ពុជា និង​ជា​ប្រធាន​គណបក្ស​ប្រជាជន​កម្ពុជា
23 August, 2019 09:36 AM
ភ្នំពេញ​៖ ​នគរបាល​ខណ្ឌ​ទួលគោក បាន​ចាប់ខ្លួន​ជនសង្ស័យ​ម្នាក់​លួច​កាត់​ខ្សែកាប​អុបទិច​ទូរស័ព្ទ នៅ​ចំណុច​មុខ​ផ្ទះ​លេខ​៦១ ផ្លូវ​២៦៩ ក្រុម​២៧ ភូមិ​១០ សង្កាត់​ទឹកល្អក់​ទី​៣ ខណ្ឌ​ទួលគោក ត្រូវបាន​សមត្ថកិច្ច​ឃាត់​ហើយ នា​ថ្ងៃ​ទី​២៣ ខែ​សីហា វេលា​ម៉ោង​៣៖៣០​នាទី​ទៀបភ្លឺ នេះ​។​
22 August, 2019 12:41 PM
ភ្នំពេញ​៖ ​ព្រះមហាក្សត្រ​នៃ​កម្ពុជា បាន​ចេញ​ព្រះរាជក្រឹត្យ​បង្កើត​សាលា​ឧទ្ធរណ៍​និង​មហាអយ្យការ​អម​សាលាឧទ្ធរណ៍ ជា​ផ្លូវកា​រហើយ សម្រាប់​ខេត្ត​ត្បូងឃ្មុំ បាត់ដំបង និង ព្រះសីហនុ ។
22 August, 2019 10:24 AM
ភ្នំពេញ​៖ ​ប្រធាន​ក្រុមប្រឹក្សា​ជំនុំជម្រះ​សាលាដំបូង​រាជធានី​ភ្នំពេញ លោក ហម ម៉េង​សែ នៅ​ព្រឹក​ថ្ងៃទី​២២ ខែ​សីហា នេះ ប្រកាស​ក្នុង​សវនាការ ថា សាលក្រម​សំណុំរឿង​លោក ឡាយ វណ្ណៈ អតីត​អភិបាលខេត្ត​តាកែវ និង បក្ខពួក​៣​នាក់ ករណី​សម្លាប់​ស្រី​កំណាន់ នាង ចេវ សុ​វឌ្ឍនា ត្រូវ​ពន្យា​ពេល​ទៅ​ថ្ងៃ​ក្រោយ​វិញ ដោយ​មិន​កំណត់​ពេលវេលា​ច្បាស់លាស់ ។​
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact