សាលា​ខេត្តរតនគិរី បាន​រៀបចំ​ប្រារព្ធ​ពិធី ទិវា​នៃ​ការចងចាំ​

ខេត្ត​រតនគិរី៖ នៅ​ព្រឹក​ថ្ងៃទី ២០ ខែ​ឧសភា ឆ្នាំ​២០១៩ នៅ​បរិវេណ​ស្ដូប​អនុស្សាវរីយ៍ សាលា​

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
សាលា​ខេត្តរតនគិរី បាន​រៀបចំ​ប្រារព្ធ​ពិធី ទិវា​នៃ​ការចងចាំ​
Mon, 20 May 2019 01:00 PM ដោយ ៖ ផុនខេត្ត​រតនគិរី៖ នៅ​ព្រឹក​ថ្ងៃទី ២០ ខែ​ឧសភា ឆ្នាំ​២០១៩ នៅ​បរិវេណ​ស្ដូប​អនុស្សាវរីយ៍ សាលា​ខេត្តរតនគិរី បាន​រៀបចំ​ប្រារព្ធ​ពិធី រំលឹក​ការឈឺចាប់ និង​ការបាត់បង់​ជីវិត​របស់​ប្រជាជន​ខ្មែរ ស្លាប់​ដោយ​អយុត្តិធម៌​នា​របប​ប្រល័យ​ពូជសាសន៍ ព្រមទាំង​និមន្ត​ព្រះសង្ឃ​សូត្រមន្ត​បង្សុកូល​ឧទ្ទិស​ដល់​វិញ្ញាក្ខន្ធ​ប្រជាជន​ខ្មែរ ដែល​បាន​ស្លាប់​នា​សម័យ​នោះ​ផងដែរ​។​
    
ចូលរួម​ក្នុង​ពិធី​នេះ​ដែរ មាន​ឯកឧត្ដម ប៊ូ ឡាំ អ្នកតំណាងរាស្ត្រ មណ្ឌល​រតនគិរី និង​លោកជំទាវ ឯកឧត្ដម ណាប់ ប៊ុនហេង ប្រធាន​ក្រុមប្រឹក្សា​ខេត្ត ឯកឧត្ដម ថង សាវុន អភិបាលខេត្ត​រតនគិរី និង​អភិបាលរង​ខេត្ត លោក​ប្រធាន អនុប្រធាន​មន្ទីរ​ជុំវិញ​ខេត្ត លោក​មេបញ្ជាការ មេបញ្ជាការរង កងកម្លាំងប្រដាប់អាវុធ​ទាំង​បី​ប្រភេទ លោកស្រី​ភ្ញៀវកិត្តិយស មន្ត្រីរាជការ បងប្អូន​ប្រជាពលរដ្ឋ ក្មួយៗ​យុវជន សិស្សានុសិស្ស​ផង​ដែរ​។​
    
បន្ទាប់ពី​ដាក់​កម្រងផ្កា​គោរព​វិញ្ញាណក្ខន្ធ និង​ព្រះសង្ឃ​មន្ត​បង្សុកូល​រួចមក ឯកឧត្ដម ថង សាវុន អភិបាលខេត្ត បាន​រំលឹក​ពី​អតីតកាល​ដ៏​ជូរ​ចត់ របស់​ប្រជាជាតិ​ខ្មែរ​នា​របប​ប្រល័យពូជសាសន៍​ដូច្នេះ​ថា នៅ​ក្នុង​រយៈកាល ៣​ឆ្នាំ ៨​ខែ ២០​ថ្ងៃ នៃ​ការដឹកនាំ​ប្រទេសជាតិ របស់​ពួក​ប្រល័យ​ពូជសាសន៍ ប្រជាជន​កម្ពុជា​ទូទាំងប្រទេស ត្រូវ​បាត់បង់​សេរីភាព​គ្រប់​បែបយ៉ាង អំពី​សិទ្ធ​រស់រានមានជីវិត ដូចជា សិទ្ធ​ប្រកបមុខរបរ សិទ្ធ​ដើរហើរ សិទ្ធ​ទំនាក់ទំនង​ប្រាស្រ័យ​គ្នា​ក្នុងសង្គម សិទ្ធ​ខាង​ជំនឿ​សាសនា និង​សិទ្ធ​ផ្សេងៗ​ទៀត​។​ល​។

ប្រជាជន​ត្រូវបាន​បង្ខំ​ឲ្យធ្វើ​ពលកម្ម​យ៉ាងធ្ងន់ធ្ងរ ទាំង​ថ្ងៃ​ទាំង​យប់ គ្មាន​ថ្ងៃ​សំរាក ការ​ហូប​មិន​ឆ្អែត គឺ​ហូបចុក​តាម​របប​កំណត់​ពី​អង្គការ​។ មិន​ត្រឹមតែ​ប៉ុណ្ណោះ ប្រជាជន​ខ្មែរ ត្រូវ​រង​នូវ​ការធ្វើ​ទារុណកម្ម​យ៉ាង​ធ្ងន់​ធរ និង​កាប់សម្លាប់​យ៉ាង​ព្រៃផ្សៃ ក្រោម​ការ​យក​លេស​ចាប់​កំហុស​នានា ចោទប្រកាន់​លាប​ពណ៌ ដោយ​ប្រើ​ពាក្យ​ថា ក្បត់​និង​អង្គការ​ត្រូវ​កំទេចចោល ហើយ​នៅពេល​មាន​ជម្ងឺ មិន​មាន​ថ្នាំសង្កូវ​ព្យាបាល​ទៀតផង​។ បើ​និយាយ​ឲ្យ​ខ្លី គឺ​ប្រជាជន​រស់នៅ​ក្នុង​គុក​ឥត​ជញ្ជាំង ប្រៀប​បាន​និង​ឋាន​នរក​។ ឯកឧត្ដម​បានបញ្ជាក់​ទៀតថា ការធ្វើ​ទារុណកម្ម កាប់សម្លាប់ គ្មាន​សិទ្ធ​សេរីភាព រស់​ក្នុង​ក្ដី​ស្រេកឃ្លាន ទាំងនេះ គឺជា​អនុស្សាវរីយ៍​ដ៏​ជូ​ចត់ ដែល​គ្មាន​អ្នកណា​ម្នាក់​ក្រោយ​ថ្ងៃ​រំដោះ ៧​មករា ឆ្នាំ​១៩៧៩ ចង់​ជួប​ប្រទះ​សារជាថ្មី​ម្ដងទៀត​ឡើយ​។​
    
សូមបញ្ជាក់​ថា ទិវា​ជាតិ​នៃ​ការចងចាំ ២០​ឧសភា គឺ​ត្រូវបាន​ប្រារព្ធ​ធ្វើឡើង​ជា​រៀងរាល់ឆ្នាំ ដើម្បី​ជា​ការ​រំលឹក​បង្ហាញ​អំពី​អត្ថន័យ ២០​ឧសភា ដល់​មនុស្ស​ជំនាន់​ក្រោយ ពិសេស​ក្មួយៗ យុវជន និង​កុមារ​នាពេល​បច្ចុប្បន្ន​។ ហេតុតែ​រាជរដ្ឋាភិបាល​កម្ពុជា​កំណត់​យក​ថ្ងៃ​ទី​២០ ខែ​ឧសភា ប្រារព្ធ​រៀបចំ​ទិវា​ជាតិ​នៃ​ការចងចាំ​នេះ ដោយហេតុ​ថា ក្រុម​មេដឹកនាំ​របប​កម្ពុជា​ប្រជាធិបតេយ្យ អតីតកាល បាន​សម្រេច​ដាក់​ចេញ​ផែនការ​យុទ្ធសាស្ត្រ ដឹកនាំ​ប្រទេស​កម្ពុជា មាន​លក្ខណៈ​ផ្ដាច់ការ ឃោ​ឃៅ និង​ប្រល័យពូជសាសន៍​ជាតិ​ឯង ចាប់ពី​ថ្ងៃ​ទី​២០ ខែ​ឧសភា ឆ្នាំ​១៩៧៥​មក​៕




















Ads detail bottom 2
Ads detail bottom 1
ព័ត៌មានផ្សេងទៀត
09 February, 2020 12:37 PM
ភ្នំពេញ​៖​ កម្លាំង​ព្រហ្មទណ្ឌ​កំរិត​ស្រាល សហការ​ជាមួយ​កម្លាំង​អន្តរាគមន៍​ពិសេស ដឹកនាំ​ផ្ទាល់​ដោយ​លោក​ឧត្តមសេនីយ៍ឯក ស ថេត ស្នងការ​នគរបាល​រាជធានី​ភ្នំពេញ កាលពី​យប់​រំលង​អាធ្រា​ត្រ​ឈានចូល​ថ្ងៃ​ទី​៩ ខែ​កុម្ភៈ បាន​បើក​ប្រតិបត្តិការ​ទ្រង់ទ្រាយ​ធំ នៅ​ក្នុង​មជ្ឈមណ្ឌល​កម្សាន្ត ផ្លាយ តាម​ផ្លូវជាតិ​លេខ​៦ សង្កាត់​ជ្រោយចង្វារ ខណ្ឌ​ជ្រោយចង្វារ ។​
09 February, 2020 12:25 PM
​ភ្នំពេញ​៖ ​មួយ​រយៈពេល​ចុងក្រោយ នៅ​រាជធានី​ភ្នំពេញ មាន​ករណី​បាញ់ប្រហារ​យ៉ាង​សាហាវ ធ្វើអោយ​ជនរងគ្រោះ​ស្លាប់​យ៉ាង​អាណោធអាធ័ម បើទោះបីជា​សមត្ថកិច្ច​ពាក់ព័ន្ធ​ខិតខំ​ទប់ស្កាត់​និងប​ង្ក្រា​ប​យ៉ាងណា​ក៏ដោយ ។​
07 February, 2020 11:47 AM
កណ្តាល​៖ ​ហាក់​មាន​ការភ្ញាក់ផ្អើល​យ៉ាងខ្លាំង ដោយ​ស្ងាត់ៗ បែរ​ជា​ឃើញ​សេចក្តីប្រកាស​មួយ របស់លោក​ឧបនាយករដ្ឋមន្ត្រី ជា សុផារ៉ា រដ្ឋមន្ត្រី​ក្រសួង​រៀបចំ​ដែនដី នគរូបនីយកម្ម និង សំណង់ បញ្ចប់​ភារកិច្ច​លោក លឹម ចាន់សូ​ភី ពី​ប្រធាន​មន្ទីរ​រៀបចំ​ដែនដី​ខេត្ត​កណ្តាល ។
07 February, 2020 11:37 AM
​ភ្នំពេញ​៖ ​សម្តេច​តេជោ ហ៊ុន សែន នាយករដ្ឋមន្ត្រី​នៃ​កម្ពុជា មានប្រសាសន៍ថា ច្បាស់​ណាស់ កម្ពុជា​គឺ​នៅ​កាន់តែ​ជិត​ជាមួយ​មិត្ត​ចិន ជាពិសេស​ក្នុង​កាលៈទេសៈ​ដ៏​លំបាក​នេះ ព្រោះ​ថា​មិត្ត​ល្អ​មិន​បោះបង់​ចោល​គ្នា​ក្នុង​គ្រាអាសន្ន ។​
07 February, 2020 11:27 AM
​ភ្នំពេញ​៖ ​មជ្ឈដ្ឋាន​ទូទៅ បានដឹង​យ៉ាងច្បាស់​ថា នា​ពេល​កន្លង​ទៅ ក៏ដូចជា​បច្ចុប្បន្ន​នេះ មានមុខ​របរ​ខុសច្បាប់​មួយ​ដែល​កំពុង​ដំណើរកា​រយ៉ា​ង​រលូន នោះ គឺ មាន​អ្នក​នាំ​ស្រី​ស្អាត ក្មេងៗ និង មិន​ទាន់​គ្រប់​អាយុ​ផង ទៅ​រួមភេទ​ជាមួយ​ភ្ញៀវ​ជា​ថ្នូរ​នឹង​លុយ ចែក​គ្នា​ចាយ ខណៈ ក្មេង​ស្រី​ស្អាតៗ​ទាំងនេះ ត្រូវបាន​គេ​ដឹងថា គឺ ព្រម​ដោយ​ខ្លួនឯង ដោយ​ស្ម័គ្រចិត្ត ដើម្បី​បាន​លុយ ។​
06 February, 2020 09:40 AM
​ភ្នំពេញ​៖ ​ក្រសួង​ព័ត៌មាន បាន​សម្រេច​បង្កើត “​គណៈកម្មការ​សម្របសម្រួល​ដោះស្រាយ​វិវាទ​របស់​អ្នកសារព័ត៌មាន​” កាលពី​ថ្ងៃ​ទី​៥ ខែ​កុម្ភៈ ឆ្នាំ​២០២០ ដោយ​មាន​លោក ខៀវ កាញារីទ្ធ រដ្ឋមន្ត្រីក្រសួង​ព័ត៌មាន​ជា​ប្រធាន និង មាន​សមាជិក​ចំនួន​២២​រូប ផ្សេងទៀត ។​
05 February, 2020 01:58 PM
​ភ្នំពេញ​៖ ​បញ្ហា​រថយន្ត​អ្នកធំ អ្នកមាន​លុយ និង មានអំណាច បំពាក់​សុទ្ធតែ​ផ្លាក​លេខ​ខេមរភូមិន្ទ គឺ បាន​ទទួលរង​ការរិះគន់​យ៉ាង​ខ្លាំងក្លា នា​ពេលកន្លងមក ព្រោះតែ​មាន​សកម្មភាព​បទល្មើស​មួយ​ចំនួន ។ លើសពីនេះ ទៅទៀត ពេលខ្លះ សមត្ថកិច្ច​រកឃើញ​ថា ផ្លាក​លេខ​ខេមរភូមិន្ទ គឺ ជា​ផ្លាកលេខ​ក្លែងក្លាយ​ថែមទៀត​ផង ។​
04 February, 2020 08:37 AM
​ភ្នំពេញ​៖​ តាមរយៈ​ការតាមដាន​អាកាសធាតុ​ជា​បន្តបន្ទាប់ , ក្រសួង​ធនធានទឹក​និង​ឧតុនិយម បង្ហាញថា ចាប់ពី​ថ្ងៃ​ទី​៤ ខែ​កុម្ភៈ ដល់​ថ្ងៃ​ទី​១០ ខែ​កុម្ភៈ ជ្រលង​សម្ពាធ​ខ្ពស់​បាន​រំកិល​គ្របដណ្តប់​លើ​ប្រទេស​កម្ពុជា ។
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact