ក្រុម​ចោរ​ចូល​គាស់​តូប​ក្នុង​ផ្សារ​សាមគ្គី​លួច​ឥ​វ៉ាន់​អស់​ជាច្រើន ខណ​:​សន្តិសុខ​ផ្សារ​ធ្វេសប្រហែស​

ខេត្ត​ប៉ៃលិន៖ ស្ត្រី​ម្នាក់​ស្ទើរ​ស្រែក​ទ្រ​យោ​យំ ខណ​:​ដើរ​ទៅ​បើក​តូប​បម្រុង​នឹង​លក់ដ

img share
Call Center : 011 69 69 27/ 016 69 69 27 / Email: aktnews777@gmail.com
email icon rss share email icon
Vuy Kim Ang Left ear
Ads header right
ក្រុម​ចោរ​ចូល​គាស់​តូប​ក្នុង​ផ្សារ​សាមគ្គី​លួច​ឥ​វ៉ាន់​អស់​ជាច្រើន ខណ​:​សន្តិសុខ​ផ្សារ​ធ្វេសប្រហែស​
Fri, 15 March 2019 01:56 PM ដោយ ៖ សុខហៃខេត្ត​ប៉ៃលិន៖ ស្ត្រី​ម្នាក់​ស្ទើរ​ស្រែក​ទ្រ​យោ​យំ ខណ​:​ដើរ​ទៅ​បើក​តូប​បម្រុង​នឹង​លក់ដូរ​ដូច​សព្វដង ស្រាប់តែ​ពិនិត្យ​ឃើញ​ឥ​វ៉ាន់​នៅក្នុង​តូប​របស់​ខ្លួន​បាត់​អស់​ជាច្រើន ដោយ​បន្ទាប់ពី​ក្រុម​ចោរ​ចូល​ចាក់សោ លួច​រួច ក៏​ចាក់សោ​បិទ​វិញ លុះ​ម្ចាស់​តូប​បើក​មើល​ឃើញ​សភាព​ខុស​ប្រក្រតី ទើប​បង្ក​ឱ្យ​មាន​ការ​ភ្ញាក់ផ្អើល​តែម្តង ។
 
ហេតុការណ៍​ចោរ​លួច​ចាក់​សោ​លួច​ឥ​វ៉ាន់​ក្នុង​តូប​បង្ក​ឱ្យមាន​ការភ្ញាក់ផ្អើល​នេះ បាន​កើតឡើង កាលពី​វេលា​ម៉ោង​៦ និង​៣​នាទី​ព្រឹក​ថ្ងៃទី​១៥ ខែ​មីនា ឆ្នាំ​២០១៩ ស្ថិត​នៅក្នុង​ផ្សារ​សាមគ្គី​ហៅ​ប៉ា​ហ៊ី ក្នុងភូមិ​ប៉ា​ហ៊ី​ជើង សង្កាត់​ប៉ៃលិន ក្រុងប៉ៃលិន ។

ប្រភព​ព័ត៌មាន​ពី​នគរបាល​បានឱ្យដឹងថា ជនរងគ្រោះ មាន ឈ្មោះ មាស ស្រី ហៅ​ពៅ ភេទ​ស្រី អាយុ​៤០​ឆ្នាំ រស់នៅ​ក្នុង​ភូមិ​អូរ​តា​ពុក​ក្រោម សង្កាត់​ទួល​ល្វា ក្រុងប៉ៃលិន ដោយ​បាត់អស់​កូន​ធុងបាស ម៉ាក​JBL ១​គ្រឿង​តម្លៃ​៣០០​ដុល្លារ ខោអាវ​កូរ៉េ​ជាច្រើន អាវ​កូនក្មេង និង​ខោខ្លី​(​លី​អូ​)​ជាច្រើន បាត់​សារុង​អស់​១២០ ។

ប្រភព​បន្តទៀតថា មុនពេល​កើតហេតុ ខណ​:​អ្នក​លក់​កាហ្វេ​ងើប​ទៅ​ដាំទឹក​សម្រាប់​ឆុង​កាហ្វេ​ល ក់​ដូច​សព្វមួយដង ស្រាប់តែ​ឃើញ​ជនសង្ស័យ​ចំនួន​២​នាក់ មាន​ដាក់​ឥ​វ៉ាន់​នៅលើរ​ទេះ​វេលា​ម៉ោង​១​និង​១០​នាទី​រំលង​អធ្រាត្រ លុះ​គាត់​សួរនាំ​ចុះឡើងៗ ពួកគេ​ក៏​នាំគ្នា​អូស​រទេះ​ដែល​មាន​ឥ​វ៉ាន់​នោះ ដាក់​នឹង​ម៉ូតូ រួច​នាំគ្នា​ជិះ​គេចខ្លួន​បាត់​ស្រមោល​តែ​ម្តង ។​

ប្រភព​បញ្ជាក់ទៀតថា គាត់​ក៏​មិន​ចាប់​អារម្មណ៍​ថា ជា​ចោរ អ្វី​នោះ​ទេ ដោយ​ស្មាន​តែ​អ្នក​រើស​អេតចាយ ឬ​អ្នក​រៀបចំ​ឥ​វ៉ាន់​នៅក្នុង​ផ្សារ លុះ​ព្រឹក​ឡើង​មាន​បាត់​ឥ​វ៉ាន់ ទើប​ដឹងថា​ជា​ក្រុម​ចោរ​លួច​គាស់​តូប​លក់​ប្រាកដ​មែន ។

បើតាម​សម្តី​ស្ត្រី​រងគ្រោះ ឈ្មោះ មាស ស្រី បាន​រៀបរាប់​ឱ្យដឹងថា តូប​របស់​គាត់​បាន​ចាក់សោ​រួច រាល់​អស់ហើយ ដោយ​ប្រើ​សោ​ធម្មតា លុះ​ព្រឹក​ឡើង​មក​ចាក់សោ​លក់​ដូច​សព្វមួយដង ស្រាប់តែ​បាត់​ឥ​វ៉ាន់​អស់រលីង​តែម្តង ។ គាត់​បន្ត​ថា រៀងរាល់​ខែ​គាត់​បង់ប្រាក់​ឱ្យ​សន្តិសុខ​ដែល​យាម​យប់ ដោយ​ទុកចិត្ត​ថា គេ​មើលថែ​តូប​ក្នុង​ផ្សារ​បាន​ល្អ ប៉ុន្តែ​បែរជា​បាត់​ឥ​វ៉ាន់​របស់គាត់​អស់រលីង​ទៅវិញ ។ គាត់​មិន​សុខចិត្ត​នោះ ទេ​គឺ​នឹង​ដាក់​ពាក្យបណ្តឹង​ឱ្យ​សន្តិសុខ ឬ​អ្នក​គ្រប់គ្រង​ផ្សារ​ឱ្យ​រក​ដំណោះស្រាយ​ជូន​គាត់ ព្រោះ​សន្តិ សុខ​ហាក់ដូចជា​មិន​យកចិត្តទុកដាក់​យាមកាម​ឱ្យបាន​ល្អ​នោះ​ទេ ។

បន្ទាប់​ពី​បាត់​ឥ​វ៉ាន់​នៅក្នុង​ផ្សារ​បែបនេះ អ្នកលក់ដូរ​ជាច្រើន​មាន​ការព្រួយបារម្ភ​យ៉ាងខ្លាំង ខណ​: ផ្សារ​មាន​សន្តិសុខ​តែ​ដូច​អត់​សន្តិសុខ បែរ​ជា​ធ្វេសប្រហែស​ឱ្យ​ចោរ​ចូល​លួច​គាស់ និង​ចាក់សោ​លួច​អស់ ជាច្រើន​បែបនេះ ។ ដូច្នេះ​ពួកគាត់ ក៏​សំណូមពរ​ឱ្យ​ប្រធាន​ផ្សារ និង​អ្នកគ្រប់គ្រង​សន្តិសុខ​ផ្សារ​ទាំង​អស់ ត្រូវតែ​ពង្រឹង​ការការពារ​ឱ្យបាន​ហ្មត់ចត់​ផងដែរ ។

ពាក់ព័ន្ធ​នឹង​បញ្ហា​នេះ លោក គង់ សំណាង អធិការរង​នគរបាល​ក្រុង​ប៉ៃលិន បានឱ្យដឹងថា ខាង លោក​កំពុងតែ​ធ្វើ​ការស៊ើបអង្កេត និង​ស្រាវជ្រាវ​រក​មុខសញ្ញា​ខាងលើ ដោយសារ​ខណ​:​ដែល​ចោរ​ចូល​ទៅ​លួច​នោះ​មិន​បាន​ធ្វើឱ្យ​បាត់​ទ្រង់ទ្រាយ​ដើម ដោយ​គាស់​តូប​នោះ​ទេ គឺ​ពួកគេ​ចាក់សោ​ចូល​លួច រួច​ចាក់សោ​បិទ​វិញ ដែល​ជា​ហេតុ​នាំឱ្យ​មាន​កា​រឆ្លល់​សង្ស័យ​យ៉ាងខ្លាំង ហើយ​ខាង​លោក​កំពុង​ឱ្យ​ក្រុម​ការ ងារ​ធ្វើការ​ស៊ើបសួរ​ឱ្យបាន​ច្បាស់លាស​ដល់​ម្ចាស់​តូប ៕










Ads detail bottom 2
Ads detail bottom 1
ព័ត៌មានផ្សេងទៀត
22 May, 2019 09:55 AM
ភ្នំពេញ​៖ Facebook មួយ​ឈ្មោះ "Gro Angel"​ដោយ​ដាក់​រូប​សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួង​ការពារជាតិ បាន​វាយប្រហារ​រាជរដ្ឋាភិបាល​កម្ពុជា និង ប្រកាស​គាំទ្រ​គណបក្ស​សង្គ្រោះ​ជាតិ ។ ប៉ុន្តែ សម្តេច ទៀ បាញ់ បាន​បដិសេធ ។
22 May, 2019 09:47 AM
តាកែវ​៖ ​នៅ​ព្រឹក​ថ្ងៃទី​២២ ខែ​ឧសភា ឆ្នាំ​២០១៩ នេះ ព្រះករុណា ព្រះបាទ សម្តេចព្រះ​បរមនាថ នរោត្តម​សីហមុនី ព្រះមហាក្សត្រ​នៃ​កម្ពុជា ស្តេច​យាង​ជា​ព្រះរាជ​វត្តមាន​ដ៏​មហា​វិសេសវិសាល​ក្នុង​ព្រះរាជ​ពិធី​ច្រត់ព្រះនង្គ័ល នៅ​ខេត្ត​តាកែវ​។​
21 May, 2019 04:13 PM
ខេត្ត​ប៉ៃលិន៖ រហូតមក​ដល់​ព្រឹក​ថ្ងៃទី​២១ ខែ​ឧសភា ឆ្នាំ​២០១៩ បន្ទាប់ពី​ទទួលបាន​សាលដីកា​លេខ​៤២ ចុះ​ថ្ងៃ​ទី​១៦ ខែ​ឧសភា ឆ្នាំ​២០១៩ របស់​សាលាដំបូង​ខេត្ត​ប៉ៃលិន អាជ្ញាធរ និង​សមត្ថកិច្ច ដឹក នាំ​ដោយ​លោក ថុល គឹម​ហ៊ឹង ព្រះរាជអាជ្ញារង​អម​សាលាដំបូង​ខេត្ត​ប៉ៃលិន លោក អ៊ុន ប៊ុនលី នាយក​រដ្ឋបាល​សាលាខេត្ត លោក ស៊ុន យី អភិបាល​ក្រុង​ប៉ៃលិន បាន​យក​គ្រឿងចក្រ​ទៅ​ឈូស​កកាយ​លើដី​ចំ ណី​ផ្លូវ ដើម្បី​ដាក់លូ ដែល​ស្ថិតនៅ​ចំណុច​ស្ថានីយ៍​ប្រេង​ឥន្ទ​ន​:​មួយកន្លែង ស្ថិតក្នុង​ភូមិ​អូរ​តា​ពុក​លើ សង្កាត់​ប៉ៃលិន ក្រុងប៉ៃលិន ។​
21 May, 2019 04:03 PM
ខេត្ត​ប៉ៃលិន៖ បេតិកភណ្ឌ​ធម្មជាតិ និង​វប្បម៌ គឺជា​កេរតំណែល​របស់​ដូនតា សម្រាប់​ទុក​ឱ្យ​កូន ចៅ​ជំនាន់​ក្រោយ​បាន​ស្គាល់ ។ ដូច្នេះ យើង​ជា​មន្ត្រីរាជការ និង​ប្រជាពលរដ្ឋ​ទាំងអស់ ត្រូវតែ​ចូលរួម​ថែរ ក្សា និង​គ្រប់គ្រង តំបន់​បេតិកភណ្ឌ​ធម្មជាតិ . វប្បធម៌ ឱ្យ​បាន​គង់​វង់ ។​
21 May, 2019 03:52 PM
ខេត្ត​បាត់​ដំបង៖ ជនសង្ស័យ​ម្នាក់​ត្រូវបាន​កម្លាំង​ជំនាញ​នៃ​អធិការដ្ឋាន​នគរបាល​ស្រុក​បាណន់​ចុះ​ប្រតិបត្តិ​ការឃាត់ខ្លួន​ភ្លាមៗ​ក្រោយពី​បាន​ធ្វើ​សកម្មភាព​ដោយ​យក​កាំបិត​ង៉ុក​កាប់​និង​អាក​សម្លាប់​ប្រពន្ធ​ខ្លួន​ឯង​បណ្តាលអោយ​ស្លាប់​ក្នុង​ថ្លុកឈាម​យ៉ាង​អាណោចអាធ័ម​។
20 May, 2019 04:11 PM
ខេត្ត​ប៉ៃលិន៖ មាន​ករណី​គ្រោះថ្នាក់​ចរាចរណ៍​មួយ​កើតឡើង រវាង​មូ​តូបុក​ជាមួយ​នឹងរថ​យន្ត ខណ​:​បើកបរ​បញ្ច្រាសទិស​គ្នា បណ្តាល​ឱ្យ​សិស្សសាលា​២​នាក់ ដែល​ទើប​ចេញពី​សាលារៀន រងរបួស​ធ្ងន់​ស្រាល ត្រូវ​គេ​បញ្ជូន​ទៅ​សង្គ្រោះ​នៅ​មន្ទីរពេទ្យបង្អែក​ខេត្ត ។
20 May, 2019 04:00 PM
ខេត្ត​បាត់ដំបង៖ ​ព្រះសង្ឃ​និង​ពុទ្ធបរិស័ទ​ប្រមាណ​ជាង​១០០០០​អង្គ​នាក់​បាន​ចូលរួម​ដង្ហែរ​ក្បួន​ក្នុង​ពិធីបុណ្យ​វិសាខ​បូជា ដែល​ប្រព្រឹត្ត​ធ្វើ​ឡើង​នៅ​ព្រឹក​ថ្ងៃទី​១៨ ខែ​ឧសភា​ឆ្នាំ​២០១៩​នៅ​បរិវេណ​វត្ត​ពោធិ៍​វាល ស្ថិតក្នុង​ភូមិ​រតនៈ សង្កាត់រ​ត​នះ ក្រុង​បាត់ដំបង​។​
20 May, 2019 03:51 PM
កណ្ដាល​៖ ​នៅវេលា​ម៉ោង​១០៖២៤​នាទី ថ្ងៃទី​១៩ ខែ​ឧសភា ឆ្នាំ​២០១៩ នេះ នគរបាល​ស្រុក​កៀនស្វាយ បង្ក្រាប​ទីតាំង​ជល់​មាន់​មួយកន្លែង នៅ​ចំណុច​ចំការ​ស្វាយ មិន​ស្គាល់​ម្ចាស់ ក្នុង​ភូមិ​ព្រែក​តា​នប់ ឃុំ​កំពង់ស្វាយ ស្រុក​កៀនស្វាយ ដោយ​វៃ​ខ្នោះ​អ្នកលេង​ជល់​មាន់​៣​នាក់ ។
Yos Sothear
Yov Khemra
Bun Samnang
Muong Phun inside
Prak Poly
Ads2 detail
@Copyright 2014,  THE ANGKOR TIMES NEWS All rights reserved.
Designed & Hosting By Serving Web Solution.
#18BEo, St 348, Sangkat Toul Svay Prey I Khan Chamcamorn, Phnom Penh, Cambodia
HomeAbout UsProfile companyAdvertising Contact